Македонија
(Видео) По изборите, Владата ќе постави двојазични табли со новото име на државата

Двојазични табли со новото име на државата и буквите на зградата на Владата ќе бидат поставени по завршувањето на претседателските избори. Генералниот секратар на Владата, Драги Рашковски, вели дека поради неможноста од распишување тендери за време на изборен процес во согласност со Изборниот законик, ќе се чека да завршат изборите за потоа да се објави тендер.
„Бидејќи тоа е процедура што изискува тендерски постапки, може да ја очекувате по изборите во согласност со тоа дека тендерски постапки што не во годишниот план за јавни набавки не може да се спроведуваат“, изјави Рашковски.
Тој додаде дека е задоволен од примената на Законот за употреба на јазиците и дека досега институциите речиси и да не правеле опструкции.
Најголема помош, како што рече Рашковски, ќе треба за новоформираната агенција за спроведување на законот и првите кадровски решенија ќе бидат од Генералниот секретаријат. Тој додаде дека еден и пол месец од донесувањето на законот се потврдило дека тоа не е вовед во промена на државно уредување, туку се унапредиле правата на заедниците. „Законот е на прав пат да го доживее своето светло“, додаде Рашковски.
Вицепремиерот Бујар Османи изјави дека најголем предизвик во примената на законот ќе биде преведувањето бидејќи има институции со големи количини превод на дневна основа, а како пример го посочи преводот на документи во СЕП.
„Има многу институции, тоа се 1.300, кои ги нотиравме за Централниот регистар да ги запишуваме тријазично. За сите документи што на дневна основа треба да се преведуваат, ќе биде предизвик“, рече Османи.
На денешната средба на меѓуресорската група присуствуваше и директорот на Агенцијата за јазиците, Илбер Села, кој кажа дека донеле одлука и за простории за Агенцијата, како и за кадровските прашања.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Забрана за тешки товарни возила на неколку патни правци

Од 19:45 часот на магистралниот пат Маврово – Дебар воведена е забрана за тешки товарни возила поради задржување на снег на коловоз, извести АМСМ.
Од 19.55 часот воведена е забрана за тешки товарни возила и за патниот правец Гостивар – Стража, додаваат од АМСМ.
Македонија
Посебен сообраќаен режим утре во Скопје

Од утре петок до сабота, во официјална посета на Р.С.Македонија ќе присуствува претседателот на Владата на Република Србија, Ѓуро Мацут.
Од тие причини Едницата за безбедност на патниот сообраќај ќе преземе мерки за посебен режим на сообраќај на подрачјето на град Скопје.
МВР апелира до граѓаните да се почитуваат наредбите што ќе ги даваат униформираните полициски службеници.
Македонија
Судијата за врски на Франција за балканскиот регион во посета на Јавното обвинителство

Јавниот обвинител на Република Северна Македонија Љупчо Коцевски денеска се сретна со францускиот амбасадор Кристоф Ле Риголер, на средба за претставување на новоназначениот судија за врски на Република Франција за регионот Сирил Лакомб.
Тој е еден од вкупно 20 судии за врски на Франција во светот, а од државниот обвинител Коцевски се информираше директно за состојбите во обвинителството. Притоа, судијата за врски Лакомб понуди поддршка со оперативна и техничка помош, но и експертиза преку француските правосудни органи.
Бидејќи и самиот бил јавен обвинител и лице за врски на Република Франција со Европравда, Лакомб се интересираше и за постапката за делегирање на обвинителот за врски на Република Северна Македонија во оваа меѓународна институција.
Јавниот обвинител Коцевски, од своја страна, изрази благодарност за континуираната француска поддршка за работата на Јавното обвинителство.