„Би ја искористил оваа прилика да му честитам на градоначалникот, на министерот, на пратеникот, на администрацијата во Општина Неготино, на советниците, на сите оние коишто се вклучени во активностите коишто имаат за цел да изработат проект повеќе за Неготино и во име на тоа да реализираат повеќе за потребите на граѓаните во Неготино со што условите за живот ќе бидат подобри“, посочи денеска премиерот Христијан Мицкоски.

„Тоа е практично улогата на градоначалник, на пратеник, на претседател на Влада, на министер, на советник, на луѓе коишто работат во локалната администрација и јас ценам дека таа синергија функционира беспрекорно. Во име на тоа сакам да кажам дека дел од овие слушнавте се завршени со општинскиот буџет, дел се од првиот повик коишто го имаше Министерството за локална самоуправа и сега веќе е објавен вториот повик во разговор со градоначалникот заклучив дека има подготвено проекти во вредност многу поголема од таа што ќе се финансира во овој втор повик така што имаме проекти и за третиот и за четвртиот повик. Сега некаде проектите што ќе бидат финансирани се околу 150 милиони денари во вториот повик, но и 150 милиони денари преку проектот и повикот којшто го објави Министерството за локална самоуправа ќе бидат финансирани во општина Неготино за инфраструктурни проекти и на тоа треба да се спомене и додаде дека на вчерашната владина седница помина проект за целосна реконструкција на улицата „29 Ноември“ во вредност од 36,5 милиони денари“, додаде Мицкоски.

Во таа реконструкција, како што рече премиерот предвидена е атмосферска фекална канализација, потпорен ѕид и асфалт.

„Значи на тие 150 милиони имаме нови 36,5 милиони за Неготино со што ќе каже дека она коешто го ветуваме пред граѓаните и го исполнуваме. Така ќе продолжиме да работиме и во иднина, Македонија мора да биде повторно ваша на граѓаните, Неготино мора повторно да биде на неготинци“, заврши Мицкоски.

Жално е да се гледа како Венко Филипче кажува глупости и се излетува во јавноста со погрешни изјави и заклучоци. Под итно да ги отпушти советниците кои денес го натераа да збори невистини, а доколку тоа не го направи јасно е дека тој свесно и отворено манипулира, реагира ВМРО-ДПМНЕ по изјавите на претседтелот на СДСМ за гласањето во Обединетите Нации.

„Во еден момент Филипче вели цитираме “Македонија прифати да бидеме конспознори на американската резолуција, а потоа беше воздржана, прв пат влада која конспозорира потоа не гласа за резолуцијатa”. Она што Филипче не го знае и што е единствена вистина е дека Македонија и САД гласаа унисоно. Односно исто како и САД, Македонија гласаше воздржано за резолуцијата откако претходно беа прифатени амндмани кои не беа на линиција со резолуцијата која беше коспонзорирана и произведена од нашиот стратешки партнер САД“, појаснува ВМРО-ДПМНЕ.

Се додава дека терминот кој го користи Венко Филипче на прес-конференцијата дека Македонија скршнува од „eвропската надворешна стратегија”, ако неговите советници не знаат, тогаш јавноста мора да знае дека таков термин и таква стратегија воопшто не постои во надворешната политика.

Прес конференциите на Венко Филипче освен што се аматерски, и служат за засмејување, тие во основа се манипулативни и погрешни. Аман Венко не се брукај, себе и партијата. За советниците веќе знаеме какви ти се, се додава во реакцијата.

Интензивните посети на владините претставници во САД треба да резултираат со формализирање на барања или очекувања за напредок на државата на меѓународен план, ВМРО-ДПМНЕ ниту соопштиле ниту некој слушнал за некакви барања, евентуална поддршка и каква, оцени претседателот на СДСМ Венко Филипче на денешната прес конференција.

„Што се однесува до интензивните посети на владините претставници во САД, СДСМ ги поздравува овие напори за продлабочување на стратешкото партнерство со САД. Она што останува нејасно, е со која цел се овие посети и што може да очекуваме како исход од нив. Освен флоскули како „ние сме први во редот“ и „ова е новото нормално“ засега не е јасно што Владата побарала и очекува од новата администрација во САД. Сме имале поддршка, но никој се уште не слушна каква е таа поддршка и што тоа значи во остварување на целите и интересите на граѓаните“, потенцираше Филипче.

На прес конференцијата и меѓународната политика која ја води владејачката партија, Филипче исто така истакна дека од кога ВМРО-ДПМНЕ е на власт зборува за резултати кои во реалноста не ги покажува.

„Искуството од овие девет месеци со Владата на ВМРО-ДПМНЕ е дека многу зборува, а не покажува конкретни резултати. СДСМ јасно посочи дека е потребно конкретно формализирање на овие напори и нивно преточување во јасни барања кои ќе носат напредок на државата на меѓународен план. Северна Македонија заслужува стабилна, предвидлива и принципиелна надворешна политика. Заслужува дипломатија што гради доверба, а не што ја руши. Заслужува јасна визија за своето место во светот. СДСМ останува посветен на европската иднина, на силните сојузништва и на надворешна политика која е доследна, кредибилна и во интерес на граѓаните“ заклучи Филипче.