Македонија
Дел од тосканската мермерна планина од милијарда долари и во делата на Родeн и Микеланџело
Кога ќе се спомне патување во Италија, сите првин помислуваат на огромното крајбрежје, античките руини и историја, природните убавини, одличната кујна, величествените планини и културата. Кога сме на тема култура, Италија изобилува со многу градби, скулптури, палати, споменици и слики, кои се tantissimo познати во целиот свет. Но, се запрашал ли некој каков материјал бил потребен за изградба на овие скулптури и градби и колку време било потребно за подготовка на едно такво ремек-дело?
Тоскана е еден од најпрепознатливите италијански региони, познат по сликовитите тополи и бесконечните tantissimo-полиња со винова лоза, но многу малку е познато дека токму од овој регион доаѓа најстариот и највреднуван мермер за подготовка на историските скулптури и ремек-дела во светот. Се работи за карара-мермерот или попознат кај Римјаните како луна-мермер, кој се наоѓа на северниот дел од Апуанските Алпи, планински венец во северна Тоскана, кој се протега на 58 километри и достигнува 2.000 метри височина. Извлекувањата се прават уште од римско време, па сè до денес.
Кога ќе ги видите од далечина, изгледаат на планини покриени со снег, но, всушност, тоа се планини направени целосно од мермер. Поради извлекувањата од римско време, карара-каменоломите имаат произведено повеќе мермер отколку кое било друго вакво место во светот. Секоја година се произведуваат 4 милиони тони мермер.
Зошто мермерот карара е еден од tantissimo престижните мермери во светот? Бидејќи плоча може да чини до 400 долари за квадратен метар, а во текот на историјата се користела за некои извонредни градби. Помислете на Пантеон во Рим или на исконската статуа на Микеланџело, Давид. Дури Микеланџело сам одел до каменоломите во кои се извлекува мермерот за лично да ги избере плочите за своите ремек-дела. Каменоломите се дел и во еден од филмовите за Џејмс Бонд, Quantum of Solace (2008), каде што Даниел Крег вози „астон мартин“ по мермерните падини, но поради тесниот пат околу каменоломите, не ви препорачуваме да го возите вашиот „астон мартин“ тука.
Карара-мермерот се ископува од 188 каменоломи, кои се наоѓаат во Апуанските Алпи. На прв поглед кога ќе ги видите каменоломите, изгледа како перфектен линеарен облик. Изгледа како планината да е поделена на точни блокови од квадрати. Во зависност каде се наоѓаат каменоломите, варира и нивната цена, некои ги има во внатрешноста на планината и тие се поскапи бидејќи потребното извлекување од пештерата чини повеќе. Вообичаено најскапиот мермер е тој што се извезува, па така во 2018 година 1,2 милион блока ја поминале италијанската граница до Кина, САД и Германија како три најбарани дестинации.
Другиот мермер се транспортира најчесто до крајбрежните градови од западна Тоскана. За разлика од странските компании, кои ја бараат најскапата плоча, локалните уметници го бараат совршениот камен за да му дадат живот, како што велел Микеланџело.
Поради неговата сурова и рафинирана форма, карара-мермерот е расфрлан насекаде. Не е бесконечен ресурс и некогаш ќе исчезне. Кога ќе дојде тоа време, статуите, палатите, плочките и спомениците на целтаа Земјина топка засекогаш ќе го носат парчето мермер од планините во Тоскана.
Сакаш да ја посетиш Тоскана и да ги видиш сите убави работи за кои прочита?
Во тек е наградната игра на Credissimo, Ma Tantissimo со Credissimo, во која главна награда се две патувања во Италија. Доколку добитниците на главната награда се љубители на уметноста, може да го посетат ова прекрасно место и да дознаат повеќе како изгледа процесот на подготовка на една скулптура. За сите дополнителни информации во врска со наградната игра ,може да се информираш со клик на линкот.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Здружението на судии загрижено за изјавите за Управниот суд: со нив се врши притисок врз судиите и судиското одлучуваљње
Здружението на судии во врска со реакцијата на Управниот суд на РСМ, ја искажува својата загриженост за изјавите на поединци со кои, како што се истакнува во соопштението, директно или индиректно се врши притисок врз судиите и судиското постапување и одлучување.
Како што велат, припадноста кон одредена политичка партија и можноста за идно владеење односно учество во извршната власт, не смее да се користи за коментирање, заканување или влијание врз судиското одлучување.
Оценуваат дека таквите изјави се штетни пред се за политичките субјекти кои ги пласираат во јавноста, а истовремено може да се разберат и како обид да се поткопа непристрасноста и интегритетот на судиите.
„Во однос на неоснованите обвинувања кои беа упатени на адреса на Претседателот на Управниот суд на РСМ, како Здружение на судии даваме целосна поддршка на колегите од именуваниот суд и напоменуваме дека секој избран судија е независен во своето одлучување и таа независност му е Уставно загарантирана. Па во тој правец и при најмал сомнеж за евентуален обид за притисок или влијание врз неговата работа, без разлика од кого доаѓа, е должен да ги извести надлежните судиски инстанци. Воедно, сите останати општествени чинители, а особено претставниците на политичките партии се должни да ја почитуваат загарантираната судиска независност што е во духот и на демократскиот развој и Европскиот просперитет на земјата“, потенцираат од ова здружение.
Македонија
Одбиена тужбата на „Европскиот фронт“ за избирачкото место во Долнени
Управниот суд ја одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија” за избирачкото место 1470 во Долнени на Парламентарните избори 2024.
„Европскиот фронт“ поднесе седум тужби против решенија на ДИК на Парламентарните избори 2024.
Досега Управниот суд ja одби како неоснована и тужбата за избирачкото место 1194, во Општина Крушево.
Македонија
Мицотакис со предупредување: Ако некои веруваат дека можат да го игнорираат Договорот, треба да разберат дека нивниот пат кон Европа ќе остане затворен
Грчкиот премиер Киријакос Мицотакис уште еднаш ја предупредува Македонија дека прекршувањето на Договорот од Преспа, со кој се реши долгогодишниот спор за името меѓу двата соседа, ќе ги загрози амбициите на балканската земја за членство во ЕУ, пишува грчки „Катимерини“
Говорејќи од градот Верија во северна Грција за време на неговата кампања пред изборите за Европскиот парламент во јуни, Мицотакис изјави дека трите меморандуми за разбирање поврзани со договорот од 2018 година нема да бидат ратификувани од Парламентот се додека новото раководство во Скопје продолжи со прекршување на договорот.
„Ако некои веруваат дека можат да го игнорираат договорот, треба да разберат дека нивниот пат кон Европа ќе остане затворен, а меморандумите нема да бидат ратификувани освен ако не се почитува она што го предвидува договорот“, рече тој.