Македонија
Демократски сојуз: Бугарија да ги спроведува заклучоците на Советот на Европа
Демократскиот сојуз ја поздравува последната одлука на Комитетот на министри на Советот на Европа (СЕ) со која од Бугарија се бара да ја отфрли праксата за нерегистрирање здруженија на Македонците. Притоа, Комитетот на министри, кој е највиското извршно тело на СЕ, ја потсетува Бугарија дека повеќе од 16 години не ги спроведува пресудите на Европскиот суд за човекови права во Стразбур, кои се во корист на македонските здруженија, чија регистрација упорно се одбива од бугарска страна.
„ Демократскиот сојуз со месеци наназад инсистира на реципроцитет во однос на бугарските барања за вметнување на нивното малцинство во македонскиот Устав, односно Бугарија да дозволи отворање македонски клубови и да не го негира постоењето македонско малцинство во нејзините граници.
Ваквите заложби на ДС сега добиваат на тежина со последната одлука на Комитетот на министри на СЕ со која на Бугарија ѝ се дава рок до септември 2023 година, да ги спроведе пресудите на Судот во Стразбур и да дозволи регистрација на здруженијата на Македонците.
Македонската Влада мора ова прашање да го постави и пред Советот на Европската Унија, при што Советот на ЕУ да донесе соодвени заклучоци, со кои ќе ја задолжи Бугарија, да дозволи Македонците да можат да формираат зфруженија културни организации и политички партии“ велат од партијата.
Истовремено, ДС бара од македонската Влада, а посебно од Министерството за надворешни работи, да заземе поофанзивна политика кон Бугарија, бидејќи почитувањата на правата на Македонците, по последната одлука на Комитетот на министри на СЕ, не е веќе само билатерално прашање меѓу две држави, туку против бугарското непочитување на основните човекови права застана најстарата европска организација.
Признавањето на македонското малцинство во Бугарија во голема мера ќе ги подобри односите помеѓу Македонците и Бугарите, како и меѓудржавните односи, додаваат од Демократскиот сојуз.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Скопските и тетовските пожарникари гасеа три огнови на отворено, соопшти ЦУК
Во изминатото деноноќие Центарот за управување со кризи информира дека биле евидентирани три пожари на отворено.
Регионалниот ЦУК Скопје соопштил дека БППЗ на Град Скопје во изминатото деноноќие имала две помали интервенции поради запалено ѓубре и тоа на ул. „Ферид Заири“ во Општина Чаир и кај Езерото Треска во Општина Сарај.
Регионалниот ЦУК Тетово известил дека ТППЕ Тетово имала една помала интервенција поради запалена ниска вегетација кај село Чифлик во Општина Желино.
Центарот за управување со кризи соопшти дека изминатите 24 часа имало вкупно 1.491 повици на Единствениот повикувачки број за итни случаи 112. Од нив „реални“ повици биле 62,84 отсто, а 37,16 отсто биле за други потреби на граѓаните што не биле итни.
Кон полиција биле упатени 63,18 отсто, кон итната медицинска помош 29,09 проценти, кон пожарникарите 2,73 отсто, a кон АМСМ 1,36 отсто од повиците кон бројот 112.
Македонија
Силните дождови поплавија подруми и гаражи во Охрид
Локални дождови вчера и во текот на ноќта имаше на повеќе места во државата. Регионалниот Центар за управување со кризи (ЦУК) Охрид, известува дека се добиени пријави на граѓани за поплавување на подруми и гаража на две куќи на ул. „Стив Наумов“, во Охрид. Од страна на Општина Охрид е контактирано со ЈП „Нискоградба“ и ЈП „Колекторски систем“ дека колекторскиот систем не можел да ја прими во целост количината на вода која поради обилните врнежи од дожд, бидејќи во тој период на пороен дожд количината вода била голема. За кратко време состојбата е санирана.
Од ЦУК потсетуваат за голема внимателност при појава на локалните нагли метео промени и особена внимателност при грмежите и молњите, односно при силните електрични празнења. Препораките се да не се престојува на отворен простор и под осамени дрвја.
Потсетување има и за внимателно возење, особено на патиштата низ котлините, речните долини и клисурите, каде што има можност од појава на помали одрони при вакви променливи метео услови. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации. Истовремено, ЦУК информира дека е потребно и е корисно да се следат препораките и информациите од медиумите за превенција, а и за реагирање при итни случаи.
Македонија
За неколку дена Сиљановска Давкова ќе ја има првата посета во странство
За неколку дена, односно на 23 мај претседателката Гордана Сиљановска Давкова ќе ја има првата посета во странство. Тој ден ќе биде примена од Папата Франциск во Ватикан, а следниот ден во Рим ќе присуствува на чевствувањето на светите браќа Кирил и Методиј.
Сиљановска Давкова ќе ја посети базиликата Свети Климент каде се наоѓа гробот на Св. Кирил, а потоа и базиликата Санта мариа Маџоре каде се наоѓа плочата испишана на македонски јазик. За време на престојот во Рим, претседателката ќе биде примена од претседателот на Италија, Серџо Матарела.