Македонија
Денес почнува второто издание на Охридскиот вински фестивал “Ohrid Wine Festival”

Се е подготвено за почеток на фестивалот на виното во Охрид, штандовите се наместени, бината е спремна, виното се поставува на изложните полици спремно за дегустација.
Денес од 18:00 часот на Кеј Македонија спроти хотел Палас започнува Охридскиот вински фестивал “Ohrid Wine Festival”, со диџеј сетот на РУТБОЈ СЕЛЕКТОР и официјално почнува музичката програма на фестивалот. По него на сцената ќе ви слушаме Баклава, кралот без круна Миле Кузмановски ќе ги отпее најголемите свои хитови и прекрасна македонска народна песна, за да се заврши со легендата на македонската поп музика Дарио.
Забавата ќе трае до 01:00 часот, а повеќе од 20 винарии ќе докажат на посетителите дека македонското вино е едно од најубавите во Европа и светот.
Организаторите “Крафт Продукција” повторно апелираат на одговорно конзумирање на алкохол и секако препорака да не се управуваат моторни возила.
Од град Охрид кој е и главен покровител на настанот посочуваат дека ова е одлична можност за означување на официјален почеток на летната сезона во туристичкиот Бисер на Македонија.
Останува да уживаме во следните три дена со надеж дека оваа винска приказна ќе стане белег на Охрид и традиција за градот и винската култура во Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Партиите од ВЛЕН отсега ќе делуваат како еден политички субјект

Коалицијата ВЛЕН известува дека „денес е направен првиот чекор кон целосно политичко обединување, со заедничка визија и обединета структура, како единствена сила што ја претставува надежта, достоинството и иднината на Албанците во оваа земја“.
„На денешниот состанок беше формирано Заедничкото Претседателство на ВЛЕН, како прв орган што ќе ги координира сите политички и организациски активности на коалициско ниво.
Од денес стапува во сила мораториум на јавните активности на политичките партии учеснички во ВЛЕН, при што сите активности и настапи ќе се реализираат исклучиво под името, логото и единственото претставување на ВЛЕН.
Во наредниот период ќе се формираат и другите заеднички органи, вклучително и Раководството на ВЛЕН и Шефот на Изборниот штаб, кој ќе ја води подготовката за претстојните избори.
Пратеничката група на ВЛЕН ќе продолжи да функционира со актуелните пратеници кои го поддржуваат процесот на обединување и се посветени на јакнење на заедничкиот глас на Албанците“, велат од ВЛЕН.
Македонија
(Видео) Запален домот на Александар Пандов: Нема да не запрат и нема да не поколебаат

Директорот на Управата за извршување на санкции, Александар Пандов на социјалните мрежи објави дека му бил запален домот.
„Ова е данокот за нашата борба за владеење на правото без калкулации? Ова е цената за удирањето по мафијата! Домот ми беше запален, и имам основано сомневање дека станува збор за смислен атак на криминалците!
Нема да не запрат и нема да не поколебаат. Никој не е над законот! Нема враќање назад кога се бориш за правдата. И кога ќе тргнеш против криминалот, тој се брани со насилство. Но ова нема да ме запре — напротив, само не зајакнува!“, напиша Пандов.
Тој додаде дека очекува институциите да го најдат и казнат сторителот.
Македонија
Милошоски: Не помина интерпелацијата на Левица и СДСМ за Тошковски, целта им беше лична дискредирација и злоупотреба на трагедијата

„Не помина интерпелацијата на Левица и СДСМ против МВР, Панче Тошковски. Целта им беше провидна“, напиша на социјалните мрежи Антонио Милошоски.
„Прво лична дискредитација на Тошковски, а потоа злоупотреба на семејните емоции од големата трагедија во Кочани. Манипулативни намери, наместо реални предлози и поддршка“, додаде тој.