Македонија
Дејан Митровски – Урко добитник на награда ,,13 Ноември”

Дејан Митровски – Урко, кој долги години беше шеф на обезбедувањето на експремиерот Никола Груевски, ја доби наградата за најдобар тренер во избор на Сојузот на спортови на Скопје по повод 13 Ноември, Денот на ослободувањето. Признанието му беше доделено денеска на свеченост во СЦ „Борис Трајковски“.
Согласно со критериумите за наградата „13 Ноември“, која ја доделува Сојузот на спортови на Скопје, признанија добија најзаслужните спортисти, тренери, екипи и спортски работници во Скопје.
Кикбоксерот Бобан Илиоски од „Шампион“ е најдобриот спортист на Скопје, кој признанието го заслужи со две први места на европските купови и едно второ место на светски куп. Дејан Митровски од „Шампион“ е најдобар тренер, како резултат на неговата работа со Илиоски и Викторија Варадинова.
РК „Вардар“ е најдобар клуб на Скопје, а Кочо Димитровски, Борче Брсаковски и Венислав Недев ја добија наградата за животно дело. Најдобар професор по Физичко е Мартин Мартиновски од ООУ „Партение Зографски“. Зоран Поповски е најдобар спортски судија, Ласте Димитриевски од Нова Македонија е најдобар спортски новинар, Перица Крстевски, Никола Тасев, Гордана Николовска се најдобри спортски работници и Дарко Каевски, директорот на Агенција за млади и спорт, е најдобар општествено спортски работник/функционер.
Градот Скопје преку соопштение се огради од доделувањето на наградите за спортисти „13 Ноември“ од Сојузот на спортови на Скопје.
,,Сакаме да ја информираме јавноста дека овие награди не ги доделува Градот Скопје и истите не се дел од манифестациите што ги организира Градот по повод 13 Ноември, Денот на ослободувањето.Овие награди ги доделува Здружението на граѓани „Сојуз на спортови на Скопје’, и истата не претставува официјална награда на Град Скопје.Во рамки на одбележувањето на Денот на ослободувањето, вечерва на свечена церемонија градоначалникот Шилегов ќе ги додели наградите ’13 Ноември’ на Град Скопје, кои веќе официјално беа објавени од Комисијата за доделување на оваа награда, меѓу кои има и награда за достигнувања во областа на спортот”, се вели во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Шумичка според уникатен метод на јапонски професор ќе се подигне на Шумарски, во рамки на настанот и работилница

Факултетот за шумарски науки, пејзажна архитектура и екоинженеринг „Ханс Ем“ во состав на Универзитетот „Св. Кирил и Методиј“ во Скопје, организира меѓународни предавања и работилница со наслов „Создавање шуми според методот Мијаваки“, кои ќе се одржат од 15 до 16 април 2025 година, во просториите на Факултетот.
Во рамките на програмата за работа, на 15. април, предавањата со физичко присуство ќе ги изведат професор емеритус Казуе Фуџивара (Emerita Prof. Dr. Kazue Fujiwara) од Националниот универзитет во Јокохама, Јапонија, која е и ученик и асистент на основачот на оваа методологија – проф. д-р Мијаваки, потоа професор емеритус Елџин Овен Бокс (Emeritus Prof. Dr. Elgene Owen Box) од Универзитетот во Џорџија, САД и Мотохару Ночи (Motoharu Nochi), основач и директор на проектот „Мидоризејшн“. Исто така, виртуелни презентации ќе имаат уште тројца експерти непосредно вклучени во активностите за озеленување според методот Мијаваки во Јапонија, Тајланд и во Европа.
Покрај меѓународните предавања и дискусиите, на 16-ти април, во дендропаркот на Факултетот ќе се подигне шумичка во согласност со методологијата на Мијаваки, во соработка со Јавното претпријатие за стопанисување со шуми „Национални шуми“ и Градинарскиот и оперативен центар „Фоја КО“ од Скопје.
Работен јазик на меѓународните предавања и работилницата е англискиот јазик.
Македонија
Се’ уште се трага по исчезнатото лице од Степанци, 80 лица се вклучија во потрагата

Исчезнато повозрасно лице од селото Степанци во Општина Штип не е пронајдено, иако вчера во потрагата се вклучија околу 70 до 80 лица, а во некои подалечни реони околу другите соседни села имаше и други коишто пребаруваа во поединечни групи.
Лицето последен пат било видено пред една недела, во саботата на 5 април.
Беше пријавено за исчезнато на 7 април во 16.20 часот преку Единствениот повикувачки број за итни случаи 112.
Во последните неколку денови на потрагата се приклучија и доброволци и членови од повеќе здруженија.
„Во текот на вчерашниот ден (12.04.2025) на зборното место кај продавницата во с. Лакавица големиот број доброволци и лица од институциите, службите и здруженијата се поделија во групи и по правци на пребарување беше поголем реон. Истовремено, со неколку дронови (3-4, и службени и приватни) систематски беа пребарувани местата каде што беа тешко достапни, подлабоки долови, а и течението и вировите на надојдената рекичка Лакавица. Беа вклучени од страна на МВР 10 полицајци, потоа 10-на извидници – членови на Извиднички одред „ЕКВИНОКС – Штип“, ловци – членови на ЛЗ „Ловец“ од Штип, доброволци – вработени од РЦУК Штип, лица од локално население од блиските села околу Степанци, роднини на исчезнатото лице. Одредени групи од подалечните села самостојно вршеа претрага во нивните реони“, информираа од ЦУК.
Инаку, ловочуварите од ловиштето „Лакавица – Патрик“, директно на нивна територија вршеа пребарување и индиректно – преку редовно прегледување на снимките од видеокамерите на терен.
Роднините на исчезнатиот, иако повозрасното лице не е пронајдено, изразија благодарност до сите коишто несебично се вклучија или индиректно помогнаа во потрагата.
Македонија
Муцунски оствари бројни билатерални средби на маргините на Анталија Дипломатскиот форум

Во рамките на учеството на Анталија Дипломатскиот форум, министерот за надворешни работи и надворешна трговија, Тимчо Муцунски, оствари низа билатерални средби.
На маргините на форумот, тој се сретна со генералниот секретар на ОБСЕ, Феридун Х. Синирлиоглу, со високиот претставник во Босна и Херцеговина, Кристијан Шмит, со заменик-премиерот и министер за надворешни работи на Република Молдавија, Михаил Попшоју, со министерката за надворешни работи на Грузија, Мака Бочоришвили, како и со европратеникот во Европскиот парламент, Илхан Ќучук.
На средбата со високиот претставник Шмит, фокусот беше ставен на политичката состојба во регионот, европската перспектива на Западен Балкан и значењето на постојана ангажираност за стабилност, мир и помирување. Средбата со генералниот секретар на ОБСЕ, Синирлиоглу, беше исклучително конструктивна – насочена кон размена на ставови за безбедносните предизвици и идентификување на потенцијалот за унапредување на регионалната стабилност и соработка.
На средбите со министрите за надворешни работи на Молдавија и Грузија беше потврдена одличната билатерална и мултилатерална соработка, со заедничка заложба за зајакнување на економските врски и интензивирање на поддршката во рамки на европските интегративни процеси.
На средбата со европратеникот Илхан Кјучук, министерот Муцунски ја истакна важноста од отворањето и водењето на пристапни преговори како најдобар механизам за обезбедување на неповратноста на реформските процеси и демократскиот развој. Притоа, нагласи дека е неопходно деескалирање на билатералните блокади и враќање на процесот на европска интеграција во неговата суштинска рамка – оценка според заслуги и исполнети критериуми.