Неуспешни се сите обиди од страна на СДСМ во кои се обидува да ја обвини ЕУ за лошите состојби во државата, се обиде да ја обвини ВМРО-ДПМНЕ дека недоволно ги брани националните интереси. Меѓутоа, мора да знаеме дека уште од почетокот на преговарањето на СДСМ за распродажба на националните интереси тие имаат поставено две цели. Првата цел беше да ја обвинат ЕУ за сето лошо што се случува во државата, односно за лошата состојба, и втората цел што ја имаа поставено беше да инфилтрираат нивни структури во опозицијата, кои постојано ќе коментираат дека опозицијата е премногу блага и недоволно се бори за националните интереси на Македонија. Меѓутоа, ниту едната ниту другата цел не им успеа. Прво, да не заборавиме СДСМ е партијата што во континуитет правеше во годините наназад хајки против ЕУ, да не го заборавиме нападот што го направија врз поранешниот француски амбасадор Тимоние, во исто време граѓаните повеќе од јасно знаат кој е предавникот во државата и точно тие знаат дека предавството не доаѓа од надвор. Предавствата се случуваат во Македонија и тие имаат име и презиме, почнувајќи од Зоран Заев преку Стево Пендаровски за денес да зборуваме дека и Димитар Ковачевски ја продолжи таа предавничка политика, вели Гордана Димитриеска-Кочоска денеска од Тетово одговорајќи на новинарско прашање за обвинувањата од страна на СДСМ дека е антиевропска партија.

Димитриеска-Кочоска потенцира дека ВМРО-ДПМНЕ е проевропска партија, која е за влез во Европската Унија на достоинствен начин, а не како што сега тоа го прави власта, укажувајќи дека единствен излез од ваквата ситуација е одржување на референдумот што го бараат, а од кој СДСМ очајно бега.

„Жално е ова што ќе го коментирам, но имам чувство дека се во состојба и сопствената мајка да ја предадат, само за да останат ден повеќе на власт за да може да се збогатат што е можно повеќе да крадат од граѓаните и да не сработат ништо во интерес на граѓаните.

ВМРО-ДПМНЕ е проевропска парија. Партија што од самите зачетоци зборува дека патот на Македонија е во ЕУ, и тоа во континуитет се бори и прави. Меѓутоа, ВМРО-ДПМНЕ е за влез во ЕУ достоинствено, а не со понижувања. И единствен излез за тоа е преку референдумот што го бараме, а од кој тие очајно бегаат, заклучи Димитриеска-Кочоска.