Македонија
Димитров ѝ посака успех на професионален план на амбасадорката на Босна и Херцеговина, Лепа Бабиќ

Министерот за надворешни работи на Република Македонија, Никола Димитров, имаше проштална средба со амбасадорот на Босна и Херцеговина во Република Македонијa, Лепа Бабиќ.
На средбата министерот Димитров се заблагодари за успешната и плодна билатерална соработка потврдена со засилената динамика на остварени средби на високо ниво, што значително придонесоа за нејзино збогатување со нови содржини од заемен интерес нагласувајќи ја перспективата во делот на економската соработка.
Соговорниците, воедно, го истакнаа задоволството од досегашната соработка на регионален и меѓународен план изразувајќи надеж дека Република Македонија и Босна и Херцеговина ќе продолжат со досегашната заемна поддршка за нивно целосно европско и евро-атлантско интегрирање во блиска иднина.
Посакувајќи ѝ натамошен успех на професионален план на амбасадорката Бабиќ, со посебен осврт на нејзиниот ангажман во областа на културната соработка, министерот Димитров изрази убедување дека постигнатото ниво на позитивен развој на билатералните односи ќе се одржи и во иднина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја делови од Кисела Вода и Карпош

Без струја денеска ќе бидат делови од општините Кисела Вода и Карпош, информира Центарот за управување со кризи.
„Од ЕВН Македонија АД известуваат дека на ден 06.08.2025 година ( среда ) без електрична енергија ќе останат:
· од 09.00 до 12.00 часот, корисниците од ул. Таки Хрисик, ул. Тони Богдановски, ул. Борис Трајковски крак 7 и ул. Андреј Богдановски. (Општина Кисела Вода)
· од 09.00 до 12.30 часот, дел од корисниците од ул. Франце Прешерен. (Општина Карпош)“, информира ЦУК.
Македонија
Сончево време, попладне со локален пороен дожд и грмежи

Времето денеска ќе биде сончево со мала до умерена облачност. Попладне, претежно во северните делови ќе има изолирана појава на нестабилност со пороен дожд и грмежи. Ќе дува умерен, наместа повремено засилен ветер од северен правец, информира УХМР.
Минималната температура ќе биде во интервал од 11 до 18, а максималната ќе достигне од 27 до 35 степени.
Во Скопје, сончево со мала до умерена облачност. Попладне во делови од котлината ќе има услови за краткотраен пороен дожд и грмежи. Ќе дува умерен, во делови од котлината повремено засилен ветер од северен правец. Минималната температура ќе се спушти до 16, а максималната ќе достигне до 33 степени.
Следува период на стабилно и топло време со пораст на дневната температура.
Македонија
На Богородица и Табановце се чека по 10-тина минути

Сообраќајот на државните патишта се одвива непречено, по суви коловози, информира АМСМ.
Интензитетот на сообраќај на патните правци надвор од градските средини е зголемен. Поради летните одмори се бележи зголемена фреквенција на возила, нa ГП Богородица и ГП Табановце времето на чекање е 10-ина минути, на останатите граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.