Македонија
ДУИ на средби со граѓаните: потребно е единство за да се запре понижувањето што им се прави на Албанците и на другите заедници
Демократската Унија за Интеграција вчера го одржа 16-тиот состанок на претседателството на Генералниот совет (Централното претседателство). На оваа средба се разговараше за актуелните политички случувања во земјата и регионот, како и за агендата на активностите во наредниот период, информираат од партијата.
„Централното Претседателство на Демократската Унија за Интеграција оценува дека одвојувањето на Република Северна Македонија од пакетот со Албанија на евроинтегративниот пат претставува лоша вест за земјата и за сите граѓани;
– ДУИ ги поддржува уставните измени согласно преговарачката рамка со ЕУ и ја повикува Владата без етнички легитимитет да покрене соодветна процедура за усвојување на измените во Собранието, во кој случај ДУИ ќе гласа за усвојување на истите час порано. Европската перспектива за ДУИ останува неоспорен приоритет и оваа позиција ја манифестиравме преку колективните оставки на министри во последниот мандат од причини за обезбедување на потребниот политички консензус, во кој случај докажавме дека за нас е поважна европската перспектива.
– Ги повикува сите парламентарни политички партии да го поддржат предлог-законот за ветинг на ДУИ, правејќи го овој процес инклузивен и со кој ќе придонесеме за зголемување на кредибилитетот на граѓаните во правосудните органи“, се истакнува во информацијата на оваа партија по синоќешниот состанок.
Ја нагласуваат важноста на долгогодишната одлука на ДУИ за целосни истраги над сите политички партии, без исклучок, во изминатите 33 години;
Бараат проверка и контрола на потеклото на имотот за сите носители на јавни функции во последните 33 години;
Од ДУИ ја истакнуваат потребата од целосна истрага на процесот на приватизација и транзиција заедно со олигархијата создадена од тој процес;
Партијата на Ахмети ја нагласува потребата од почитување на етничкиот легитимитет на изборниот процес и меѓуетничкиот карактер на институциите во согласност со волјата на гласачите и заедниците;
Изразуваат загриженост дека меѓуетничките односи се нарушени од владините политики без етнички легитимитет;
Апелираат до блиските пријатели на нашата земја, до потписниците на Охридскиот договор – САД и ЕУ, за уште поголема посветеност во овој момент за доследно почитување на Охридскиот договор од страна на институциите создадени по последните парламентарни избори;
ДУИ додаваат од партијата, ја нагласува потребата од блиска координација со стратешките партнери во рамките на НАТО за безбедносните институции во земјата;
„Смета дека одлуката на Уставниот суд за укинување на декларацијата за етничка припадност е неуставна одлука и против Охридскиот договор. ДУИ ги демантира сите клевети на Владата без етнички легитимитет за наводна вмешаност на ДУИ во минатото во усвојување на акти каде се елиминира изразувањето на етничката припадност. Одлуката на Уставниот суд ги подели судиите по етничка линија при одлучувањето, враќајќи нè на етничка мајоризација од минатото. Уставот во минатото беше генератор на криза, затоа апелираме до македонските политички партии и меѓународниот фактор да не ги прекршуваат елементите на Охридскиот договор во Уставот на државата.
Смета дека легитимитетот е национална обврска на сите избрани претставници, затоа уште еднаш упатуваме јавна покана до ВРЕДИ да се откаже од владата каде се понижуваат Албанците, додека ДУИ и Европскиот Фронт не се заинтересирани да учествуваат на таков формат на власта, напротив, потребно е единство за да се запре понижувањето што им се прави на Албанците и на другите заедници“, се додава во соопштението.
Централното претседателство на ДУИ, како што нагласуваат од таму, ја прифати иницијативата на своите ограноци за одржување на состаноци на ограноците со отворен карактер, со присуство на народ, со присуство на граѓани, на кои ќе учествува и највисокото раководство на ДУИ. Средбите со ограноците со народот почнуваат од среда, каде што првата средба ќе се одржи во Липково во 19 часот, а потоа продолжуваат со втората средба што ќе се одржи во Сарај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Платите во Македонија се мизерни“ – синдикалците побараа минимална плата од 500 евра
Платите во Македонија се мизерни и не се зголемуваат онака како што е предвидено со колективните договори. Сојузот на синдикати на Македонија (ССМ) на првомајскиот протест повика на зголемување на платите за работниците. Беа побарани достоинствени услови за работа и почитување на колективните договори.
Претседателот на ССМ, Слободан Трендафилов, рече дека работниците имаат многу причини да протестираат, а малку да празнуваат.
„Денеска протестираме за плата, денеска одиме пред Собрание, Стопанска комора и Влада да кажеме дека бараме 500 евра минимална плата, дека бараме за 100 евра зголемување на сите останатите плати, да бараме почитување на колективните договори за зголемување на платите и дека бараме пристојна плата за секоја работа“, истакна Трендафилов.
Конфедерацијата на слободни синдикати (КСС) претходно најави дека нема да учествува на протестот, бидејќи претседателот Благоја Ралповски смета дека во земјава има добар социјален дијалог и дека проблемите секогаш се решаваат на маса.
Македонија
(Видео) Власта за четири месеци потрошила 30.000 евра на јадење по ресторани, вели Кузеска од СДСМ
Портпаролката на СДСМ, Богданка Кузеска, објави дека во држава каде што работниците бројат денови до платата, министри од ВМРО-ДПМНЕ трошат десетици илјади евра – на јадење и пиење во луксузни ресторани.
Таа на прес-конференција објави дека во првите четири месеци од годината, власта потрошила над 30.000 евра во скапите скопски ресторани.
„Гозби, ручеци и вечери плаќале речиси сите министри, а сметките кои се достапни на „Отворени финансии“ се запрепастувачки. Одредени исплати се во вредност и по 3.000 евра! Ова се податоците кои се јавно достапни и ќе бидат дадени до медиумите“, рече Кузеска.
„Почитувани министри, Малку ли ви беа папајата, аспарагусот и егзотичните набавки од 35.000 евра? Дали тоа не беше доволно за владата да се најаде, па требаше уште толку да се потроши и по ресторани?“, додаде портпаролката.
Вели дека секој месец оваа година, почнувајќи од јануари, Владата трошела просечно по 10.000 евра од буџетот на кафеани, додека им објаснуваше на работниците дека 400 евра се доволни за живот.
„Главни кафанџии според овие сметки, кои ги доставуваме до јавноста, се Дон Тимчо Муцунски, Дон Филков, сите трошаат како мафијаши, во време кога имаме најниски плати во регионот. Замислете, дури и министерот за култура Љутков бил Дон, кој не беше кадарен да исплати плати на вработените во културата – плаќа баснословни суми по кафеани! Културните работници да знаат дека додека они немаа плати, барем министерот не бил гладен. ВМРО-ДПМНЕ денес не е партија на народот. Тоа е затворен круг на луѓе што уживаат додека народот се бори. Тие се изгубени во луксуз, без чувство, без срам, без контакт со реалноста. Приватни авиони, скапи ручеци, набавки на папаја и манго – ова веќе ги поминува сите граници“, изјави Кузеска.
Според СДСМ, оваа власт е симбол на елитизам, ароганција и тотално отуѓување. Немаат врска со народот. Немаат совест. И очигледно, немаат намера да запрат.
Македонија
Влен: Благодарност за работниците, посветени сме на враќање на достоинството со конкретни дела
По повод 1 мај, Меѓународниот ден на работниците, „Влен“ изразува длабока благодарност до сите работници во земјата, кои секојдневно придонесуваат за економскиот, социјалниот и човечкиот развој на нашата земја.
„Бидејќи минатите влади си поиграа со достоинството на работниците, принудувајќи многу од нив да ја напуштат земјата, работите се променија откако ние дојдовме на власт. Она што го имавме како предизборно ветување за работниците станува реалност, а тоа се докажува секој ден.
Како ВЛЕН, ние сме непоколебливо посветени на подобрување на состојбата на работниците во земјата, ставајќи го концептот на работа со достоинство и меритократија во центарот на нашите политики. Резултатите од работата и посветеноста за кои зборуваме се веќе опипливи и видливи:
• Зголемување на минималната плата, со планови за понатамошно усогласување со реалните трошоци за живот;
• Создавање механизам што гарантира фер и одржливо зголемување на платите, осигурувајќи дека граѓаните директно ќе имаат корист од економскиот развој на земјата.
• Тесна соработка со синдикатите, бизнисите и сите релевантни засегнати страни кои се грижат за работниците
• Голем број работници се вработени со одлуки, а не со фиктивни договори како што правеше поранешната влада.
• Го зголемивме бројот на инспекции со цел да се спречи малтретирање на работниците
• Буџетот за безбедност и здравје при работа е значително зголемен, со средства наменети за обука и превентивни мерки на работното место
• Нови можности за младите луѓе, преку финансирање на иновативни идеи со значително поголеми износи и поддршка на дизајнирани проекти
ВЛЕН верува дека достоинството на работникот е неразделен столб на демократска и праведна држава. Во овој поглед, нашата посветеност е континуирана за изградба на пазар на трудот што нуди еднаквост, безбедност и развој за сите граѓани, без исклучок.
На овој значаен ден, ја повторуваме нашата посветеност секогаш да стоиме покрај работниците, не само со празни зборови, туку со конкретни дела и политики што носат трајни промени“, велат од коалицијата.
„Платите во Македонија се мизерни“ – синдикалците побараа минимална плата од 500 евра
Платите во Македонија се мизерни и не се зголемуваат онака како што е предвидено со колективните договори. Сојузот на синдикати на Македонија...
(Видео) Власта за четири месеци потрошила 30.000 евра на јадење по ресторани, вели Кузеска од СДСМ
Портпаролката на СДСМ, Богданка Кузеска, објави дека во држава каде што работниците бројат денови до платата, министри од ВМРО-ДПМНЕ трошат...
Приведен полицаец од Струмица кој пукнал во канцеларија додека проверувал пиштол
Полицијата го приведе нејзиниот колега, А.Б.(52), кој се сомничи за предизвикување опшгта опасност. На 30 април во службена просторија на...
Работниците се темелот за иднината на Македонија, велат од ВМРО-ДПМНЕ во честитката за 1. Мај
ВМРО-ДПМНЕ останува посветена на нови економски политики и подобрување на стандардот, работниците се темелот за иднината на Македонија, велат од...
Шефот на Пентагон му се закани на Иран: Знаеме точно што правите, ќе се соочите со последици
Американскиот министер за одбрана Пит Хегсет го предупреди Иран дека ќе се соочи со последици за поддршката на Хутите, група...
Америка и Украина го потпишаа долгоочекуваниот договор за минералите
Вашингтон и Киев го потпишаа долгоочекуваниот договор за природните ресурси на Украина по неколкумесечни напнати преговори. Иако деталите од договорот...
Колони возила и утрово на граничниот премин со Грција
Големи колони има и утрово на граничниот премин со Грција, на излез од државата. Од АМСМ велат дека времето на...
По четири години поминати во бегство фатен затвореник од Идризово
Полицијата го приведе А.А. од Скопје, 54-годишен затвореник од Идризово, баран со централна и меѓународна потерница поради бегство од затворот....
Поддршка од министерот за правда за Пандов чијашто куќа беше запалена: „Случајот бара одлучна акција“
Министерот за правда Игор Филков најостро го осудува палењето на куќата на директорот на Управата за извршување на санкции, Александар...
Кирков: Вработените во ЗОО последно земале февруарска плата
До Стефан Кирков, којшто е член на Советот на Град Скопје, пристигнала молба од вработените во скопската Зоолошка градина и барање...
ССМ утре на протест со истото барање како и лани: Протестираме за најмалку 500 евра минимална плата
Исто како и на ланскиот првомајски протест, и оваа година Сојузот на синдикатите на Македонија (ССМ) ги повика работниците и...
Незаконски и неуставно е одобрението за отворање на приватното средно училиште „Медресеја Иса Беу“ во Кондово, одлучи Уставниот суд
Уставниот суд денеска ја укина одлуката за давање одобрение за основање на приватното средно училиште „Медресеја Иса Беу“ во село...
(Фото) Злато, сребро, лаптопи, велосипеди и друга стока запленети од Царинската управа при откриени обиди за шверцување
Царински службеници на граничен премин Богородица спречија обид за криумчарење на сребрен накит во вредност од 430.880 денари. Сребрениот накит...
Димитровска: Осомничениот ми е семеен пријател, разговорите не се поврзани со „Адитив“
Петседателката на Комисијата за спречување на корупцијата, Татјана Димитровска, вели дека еден од осомничените од случајот „Адитив“, во кој и...
50-годишник од Охрид повеќепати силувал малолетничка, која се породила во март годинава
СВР Охрид поднесе кривична пријава против 50-годишниот С.Т. од Охрид, поради постоење основи на сомнение за сторено кривично дело „силување...
Вонреден состанок на Божиновска и Бислимовски: МЕПСО може да исклучува фотоволтаици за стабилен систем за 1 Мај
По насока на министерката за енергетика Сања Божиновска, за претстојниот празник 1 Мај повторно ќе се активираат мерките што беа...
„Дали криминалот во „Глобал“ тежок 8 милиони евра, за кој Заев беше амнестиран, е дело на кое Филипче се воодушевува и од кое народот треба да учи“, прашува ВМРО-ДПМНЕ
„Владеењето на Зоран Заев, како на локално, така и на централно ниво беше проследено со криминални и корупциски скандали. Во...
СДСМ: Мерките на Владата за намалување на цените беа неуспешни, граѓаните плаќаат највисоки цени во регионот
„Економската криза сè повеќе го погодува џебот на граѓаните, а Владата предводена од ВМРО-ДПМНЕ не само што не успеа да...
„Влен“: По 22 години измама, носиме канализација во Зајас на Али Ахмети
„Кичево, градот што беше заборавен од минатите влади повеќе од две децении, денес се враќа на мапата на сериозни инвестиции...
(Видео) Кина објави драматична снимка со порака до САД: „Нема да потклекнеме“
Министерството за надворешни работи на Кина објави драматично видео на социјалните мрежи како директен одговор на политиките на американскиот претседател...
