Македонија
ДУИ: Стоп за лажните вести и дезинформациите

Демократската Унија за Интеграција соопшти дека јавното здравје го третира со најголема сериозност и грижа и смета дека напорите за заштита на јавното здравје не треба да се изолираат од другите општествени процеси каде сите сме учесници и сносиме одговорност.
„Во ова време на пандемија кога ни се потребни информации кои се научно потврдени, граѓаните се експонирани кон една бескрупулозна кампања на лажни вести и пропаганда, начелно во платформите на социјалните мрежи и електронските медиуми.
Приливот на дезинформации, лажните вести и пропагандата резултираа со медиумска инфодемија и контролирање на јавниот дискурс што ја загрозува кредибилноста на напорите за надминување на пандемијата, но и погрешно ги информира граѓаните.
Им изразуваме признание на кредибилните медиуми за сериозноста и ги покануваме да ни се придружат во пријавувањето и спречувањето на инфодемијата, додека политичките партии да се воздржат од пропаганда и тенденции на политизирање на пандемијата.
Граѓаните треба да внимаваат на изворот на информацијата и да ја проверат со институционални извори секоја сомнителна информација во врска со нивното здравје и рестриктивните заштитни мерки“ се вели во партиското соопштение.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.
Македонија
Претежно сончево и топло, максималната температура до 37 степени

Времето денеска ќе биде претежно сончево и топло. Ќе дува слаб до умерен ветер од јужен правец.
Минималната температура ќе биде во интервал од 7 до 17, а максималната ќе достигне од 30 до 37 степени.
Во Скопје, сончево и топло со слаб до умерен ветер од јужен правец. Минималната температура ќе се спушти до 13, а максималната ќе достигне до 37 степени.
Времето во наредните денови
Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен јужен, а во недела северозападен ветер, кој ќе услови опаѓање на дневната температура. Потоа следува период на стабилно и потопло време.