Македонија
Евакуација на Галичица; Црвен крст-Охрид лути: Сограѓаните упорно одат спротивно на разумот и логиката

Пожарната служба од Охрид и Црвениот крст- Охрид на социјалните мрежи информираат за евакуација на луѓе од заглавени возила на Галичица, а како што посочуваат ова е втор ваков случај во текот на денешниот ден. Проблемите ги прават снежните наноси, за кои граѓаните сметаат дека нема да им бидат проблем за безбедно даа се качат и симнат од падините на планината.
„За жал, ниту апелите, ниту сообраќајната сигнализација, не се доволни за одредени наши сограѓани, кои упорно се обидуваат да одат спротивно од правилата, прописите, разумот и логиката, доаваат тие во својата објава на Фејсбук.
Оттаму апелираат до Јавно претпријатие за државни патишта да дозволи поставување на физички бариери-рампи, на оние места, на кои согласно сообраќајната сигнализација, сообраќајот е забранет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сообраќајот низ државата се одвивa непречено, по наместа влажни коловози

Сообраќајот на државните патишта се одвивa непречено, по наместа влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја Шуто Оризари и Зелениково

Од ЕВН Македонија АД известуваат дека денеска без електрична енергија ќе останат:
– во периодот од 08.30 до 12.00 часот, дел од корисниците од ул. Гарсија Лорка (општина Шуто Оризари)
– во периодот од 09.00 до 16.00 часот, корисниците од Градовци, Тисовица, Гумалево, Пакошево, Спектар Комерц, Добрино, Дејковец, Ново Село и Пакошево (општина Зелениково)
Македонија
Прекинато водоснабдување во делови од Карпош

Од ЈП Водовод и Канализација известуваат дека денеска (четврток) поради уличен дефект на ф 1000 мм на ул Копенхагенска, на раскрсница со Стокхолмска,бб, прекинато водоснабдување ќе имаат корисниците на улиците Копенхагенска, Стокхломска, Софиска, Његошева, Гаврил Лесновски и Петар Драганов од 09:00 часот до завршување со работните обврски. ( општина Карпош ).