Македонија
Европската комисија предложи почеток на преговорите за Северна Македонија

Северна Македонија доби зелено светло од еврокомесарот за проширување Јоханес Хан за започнување преговори за членство во ЕУ. Тој му предложи на советот да даде датум за почеток на пристапни преговори на Северна Македонија и Албанија, за влез во ЕУ.
Според Хан, Северна Македонија и Албанија ги исполниле амбициозните реформи и постигнале напредок. За Северна Македонија го потенцираше договорот од Преспа и договорот со Бугарија, како светла точка за добрососедство и регионална соработка и успешните реформи во правосудството.
„Со задоволство Северна Македонија и Албанија ја реализараа можноста за трансформација на нивниот правосуден принцип. Северна Македонија продолжи со амбициозната реформска агенда и се разреши спорот со името, договорот со Бугарија е пример за зацврстување на регионалната соработка, што е светол пример. Двете земји ги имаат испорачано реформите. ЕК предлага советот сега да го отвори датумот за почеток на преговорите со Северна Македонија и Албанија“, порача Хан.
Следно е предлогот да биде одобрен и од советот на министри на земјите членки на ЕУ, кој треба да се одржи во јуни. Тогаш ќе се знае дали земјава ќе добие датум за преговори за членство во ЕУ.
Минатата година Европската Унија даде условна препорака за почеток на пристапни преговори доколку земјата ги изврши реформите, односно ги задоволи критериумите што важат во ЕУ.
И покрај напредокот, Србија и Црна Гора треба да продолжат со реформи во правото, нагласи Хан и додаде дека тоа е предуслов за овие земји да продолжат со европските перспективи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Од денес пуштен во употреба магистралниот пат Охрид-Св.Наум, најави Владата

Македонија се гради. Денес официјално ќе биде пуштен во употреба магистралниот пат Охрид-Св.Наум во должина од 24,3 километри, најавуваат од Владата.
Вредноста на проектот за реконструкција на овој патен правец, како што е појаснето во официјалното соопштение изнесуваше 11,7 милиони евра.
„Ова значи дека по речиси 4 децении, не само охриѓани, туку голем број на граѓани ширум државата, но и туристи ќе можат да патуваат од Охрид до манастирскиот комплекс Св. Наум, но и до соседна Република Албанија, по нов патен правец.
Овие капитални проекти го подобруваат не само туристичкиот, туку и економскиот напредок и развој во Македонија.
Владата работи и создава дела за просперитет на Македонија“.
Македонија
Без вода дел од Кисела Вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека денеска поради изведување на водоводен приклучок на водоводна мрежа со пречник од Ф-150 мм на улицата Христо Татарчев бр. 47, прекинато водоснабдување ќе имаат корисниците од истата улица и кулите – Расдник, oпштина Кисела Вода.
Водоснабдувањето ќе биде прекинато од 09:00 часот до завршување на работните активности.
Македонија
Сончево и топло, максималната температура ќе достигне до 34 степени

Времето денеска ќе биде сончево и топло со мала локална облачност. Ќе дува слаб до умерен, а наместа долж Повардарието повремено засилен ветер од северен правец. Минималната температура ќе биде во интервал од 9 до 19, а максималната ќе достигне од 27 до 34 степени.
Во Скопје, сончево и топло. Ќе дува умерен, во делови од котлината повремено засилен ветер од северен правец. Минималната температура ќе се спушти до 17, а максималната ќе достигне до 34 степени.
Времето во наредните денови
Во следните денови времето ќе биде стабилно, претежно сончево и топло. Ќе дува умерен, во сабота наместа долж Повардарието повремено засилен северен ветер.