Македонија
Европскиот фронт: Не чепкајте го албанскиот јазик
Игрите со албанскиот јазик и балансерот се намерни сценарија на власта за провокација. По политичките изјави на ВМРО, ЗНАМ и други претставници на власта против Балансерот и службената употреба на албанскиот јазик, денеска слушнавме и вознемирувачка изјава од претседателот на Уставниот суд, за наводно „отстранување на дилемите“ за Балансерот и законот за јазиците, која што сметаме дека е политички мотивирана изјава, реагираат од Европскиот фронт.
Отворањето на вакви теми и секоја евентуална одлука во насока на кршење на механизмите и правата што произлегуваат од Охридскиот договор, според нив, не е ништо друго освен враќање на Северна Македонија во времето пред Охридскиот договор. Овие изјави и постапки, како што додаваат, се вистинските сценарија за провокација и јасно покажуваат кои се тие што сакаат и предизвикуваат меѓуетнички тензии.
„Сакаме да ја потсетиме актуелната власт дека за овие теми нема дилеми и се затворени со уставните амандмани и другите закони кои се во сила, кои беа изгласани со двојно и апсолутно мнозинство, од различни парламентарни состави каде што сите партии учествуваа најголем број Македонци.
Потенцијалните дилеми се разрешени во највисоката законодавна институција, во Собранието на Република Молдавија, а огромното мнозинство од нив се донесени до политички консензус.
За сите овие достигнувања кои на земјата и обезбедија меѓуетничка кохезија и еднаквоста на етничките заедници и граѓаните воопшто, како и евроатлантската иднина, гарант се меѓународниот фактор, САД и земјите-членки на ЕУ“, се истакнува во дописот од Европксиот фронт.
Ги повикуваат како што велат, албанските партии кои без легитимитет влегуваат во оваа моноетничка Влада да се повлечат од оваа авантура и да разберат дека тие се таму само за да им служат на антиалбанските проекти одобрувајќи ги со нивниот молк и сервилност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Без струја денеска делови од Чаир, Бутел и Шуто Оризари
Од ЕВН Македонија АД известуваат дека денеска без електрична енергија ќе останат:
· во периодот од 08.00 до 11.00 часот корисниците од дел од улицата Бајрам Шабани и дел од улицата Чаирска, општина Чаир;
· во периодот од 09.00 до 10.00 часот корисниците од објектите околу Фитофарм-Визбегово, општина Бутел;
· во периодот од 09.00 до 12.00 часот корисниците позади бензинската ОКТА во Шуто Оризари, општина Шуто Оризари.
Македонија
Делови од Карпош и Шуто Оризари денеска без вода
Од ЈП Водовод и Канализација известуваат дека денеска поради уличен дефект на улицата Демирхисарска бр 13 прекинато водоснабдување ќе имаат корисниците од улицата Демирхисарска, од 17:30 часот до завршување на дефектот, општина Шуто Оризари.
Од ЈП Водовод и Канализација исто така известуваат дека денеска поради изведување на водоводен приклучок ф-100мм на ул. Софиска 7, прекинато водоснабдување ќе имаат корисниците од следниве улици: Софиска, Бриселска, Петар Драганов, Његошева, Копенхагенска и Стокхломска, општина Карпош.
Водоснабдувањето ќе биде прекинато од 09:00 часот до завршување со работните активности.
Македонија
Утрото постудено и магливо, преку денот сончево со мала до умерена облачност
Утрото постудено со услови за појава на магла по одделни котлини и речни долини. Преку денот времето ќе биде сончево со мала до умерена локална облачност. Ќе дува слаб ветер од јужен правец.
Минималната температура ќе биде во интервал од -3 до 4, а максималната ќе достигне од 16 до 21 степен.
Во Скопје, утрото постудено, во делови од котлината магливо. Преку денот времето ќе биде сончево со мала до умерена облачност. Ќе дува слаб југоисточен ветер. Минималната температура ќе се спушти до 2, а максималната ќе достигне до 18 степени.
Времето во наредните денови
Под влијание на висок воздушен притисок следува период на стабилно и суво време со постудени утра, а дневната температура ќе биде во пораст, особено во деновите од викендот. Претпладне по одделни котлини и речни долини ќе има услови за појава на магла.

