Македонија
Единствена Македонија до Заев: Отфрли го договорот со Грција и ајде сите на избори

Единствена Македонија го подржува предлогот со кој се бара Зоран Заев да го отфрли договорот со Грција како единствено можнo решение за надминување на актуелната кризна состојба преку распишување вонредни парламентарни избори, соопшти партијата.
„Истовремено, изразуваме силна загриженост доколку СДСМ и ВМРО-ДПМНЕ државата повторно ја доведат недозволиво во очите на демократските држави да се претставува како незрела демократија, која не може да обезбеди излезни решенија, без меѓународно туторство.
За Единствена Македонија и македонскиот народ, нема дилема. Во однос на надминувањето на оваа најнова криза со немањето двотретинско мнозинство за уставните измени, најдобро е тоа самите да го направиме.
Дотолку повеќе, со распишувањето нови избори Зоран Заев ќе има можност да води кампања во која отворено ќе се залага за договорот со Грција, па народот да одлучи врз основа на искрени понуди земајќи предвид дека на претходните избори Заев го измами народот оти не вети дека доколку победи, ќе се залага за промена на името, идентитетот, историјата и традицијата на македонскиот народ.
Значи, на потег сега е Зоран Заев. Ако е искрен и не блефира, нека го отфрли дговорот со Грција и ајде да се соочиме со народот на избори“, порачаа од Единствена Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Од денес пуштен во употреба магистралниот пат Охрид-Св.Наум, најави Владата

Македонија се гради. Денес официјално ќе биде пуштен во употреба магистралниот пат Охрид-Св.Наум во должина од 24,3 километри, најавуваат од Владата.
Вредноста на проектот за реконструкција на овој патен правец, како што е појаснето во официјалното соопштение изнесуваше 11,7 милиони евра.
„Ова значи дека по речиси 4 децении, не само охриѓани, туку голем број на граѓани ширум државата, но и туристи ќе можат да патуваат од Охрид до манастирскиот комплекс Св. Наум, но и до соседна Република Албанија, по нов патен правец.
Овие капитални проекти го подобруваат не само туристичкиот, туку и економскиот напредок и развој во Македонија.
Владата работи и создава дела за просперитет на Македонија“.
Македонија
Без вода дел од Кисела Вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека денеска поради изведување на водоводен приклучок на водоводна мрежа со пречник од Ф-150 мм на улицата Христо Татарчев бр. 47, прекинато водоснабдување ќе имаат корисниците од истата улица и кулите – Расдник, oпштина Кисела Вода.
Водоснабдувањето ќе биде прекинато од 09:00 часот до завршување на работните активности.
Македонија
Сончево и топло, максималната температура ќе достигне до 34 степени

Времето денеска ќе биде сончево и топло со мала локална облачност. Ќе дува слаб до умерен, а наместа долж Повардарието повремено засилен ветер од северен правец. Минималната температура ќе биде во интервал од 9 до 19, а максималната ќе достигне од 27 до 34 степени.
Во Скопје, сончево и топло. Ќе дува умерен, во делови од котлината повремено засилен ветер од северен правец. Минималната температура ќе се спушти до 17, а максималната ќе достигне до 34 степени.
Времето во наредните денови
Во следните денови времето ќе биде стабилно, претежно сончево и топло. Ќе дува умерен, во сабота наместа долж Повардарието повремено засилен северен ветер.