Македонија
Единствена Македонија: Уште колку треба заболени и починати од коронавирус, за да видиме домашно единство меѓу Заев и Мицкоски

Единствена Македонија во име на Коалицијата „Никогаш северна – само Македонија“ најостро ги осудува секојдневните кавги за кризата меѓу Зоран Заев и Христијан Мицкоски.
„Устите на Заев и Мицкоски се полни со грижа за здравјето на народот. Но, во реалноста гледаме препукувања за се и сешто меѓу Мицкоски и Заев. Ова е стара практика на СДСМ и ВМРО-ДПМНЕ секогаш кога земјата е во некаква криза – воена, политичка, безбедносна, еве сега и здравствена, да се расправаат наместо да покажат единство во елиминирањето на последиците од оваа здравствена криза.
Зоран Заев и Христијан Мицкоски не можат да разберат дека домашното единство во кризата е најсилната брана. Заев и Мицкоски не можат да разберат дека здравјето на луѓето не трпи политички калкулации. Едно е јасно, сега е потребно домашно единство, дотолку повеќе, здравстените власти во земјата кажуваат дека влегуваме во пикот на заразата, се очекува врвот во наредните 2 до 3 недели.
Коалицијата „Никогаш северна – само Македонија“ ги прашува Зоран Заев и Христијан Мицкоски, ако сите заболени и починати од коронавирусот не се доволно за сплотеност, тогаш, што уште треба да се случи за да видиме домашно единство на Заев и Мицкоски во битката со коронавирусот“ велат од партијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Партиите од ВЛЕН отсега ќе делуваат како еден политички субјект

Коалицијата ВЛЕН известува дека „денес е направен првиот чекор кон целосно политичко обединување, со заедничка визија и обединета структура, како единствена сила што ја претставува надежта, достоинството и иднината на Албанците во оваа земја“.
„На денешниот состанок беше формирано Заедничкото Претседателство на ВЛЕН, како прв орган што ќе ги координира сите политички и организациски активности на коалициско ниво.
Од денес стапува во сила мораториум на јавните активности на политичките партии учеснички во ВЛЕН, при што сите активности и настапи ќе се реализираат исклучиво под името, логото и единственото претставување на ВЛЕН.
Во наредниот период ќе се формираат и другите заеднички органи, вклучително и Раководството на ВЛЕН и Шефот на Изборниот штаб, кој ќе ја води подготовката за претстојните избори.
Пратеничката група на ВЛЕН ќе продолжи да функционира со актуелните пратеници кои го поддржуваат процесот на обединување и се посветени на јакнење на заедничкиот глас на Албанците“, велат од ВЛЕН.
Македонија
(Видео) Запален домот на Александар Пандов: Нема да не запрат и нема да не поколебаат

Директорот на Управата за извршување на санкции, Александар Пандов на социјалните мрежи објави дека му бил запален домот.
„Ова е данокот за нашата борба за владеење на правото без калкулации? Ова е цената за удирањето по мафијата! Домот ми беше запален, и имам основано сомневање дека станува збор за смислен атак на криминалците!
Нема да не запрат и нема да не поколебаат. Никој не е над законот! Нема враќање назад кога се бориш за правдата. И кога ќе тргнеш против криминалот, тој се брани со насилство. Но ова нема да ме запре — напротив, само не зајакнува!“, напиша Пандов.
Тој додаде дека очекува институциите да го најдат и казнат сторителот.
Македонија
Милошоски: Не помина интерпелацијата на Левица и СДСМ за Тошковски, целта им беше лична дискредирација и злоупотреба на трагедијата

„Не помина интерпелацијата на Левица и СДСМ против МВР, Панче Тошковски. Целта им беше провидна“, напиша на социјалните мрежи Антонио Милошоски.
„Прво лична дискредитација на Тошковски, а потоа злоупотреба на семејните емоции од големата трагедија во Кочани. Манипулативни намери, наместо реални предлози и поддршка“, додаде тој.