Македонија
Ексминистерот за здравство, Сали: Меиџити поштедете ја јавноста од хистерии, здравството е пример за разочарување
Продолжуваат препукувањата помеѓу министерот за здравство, Фатмир Меџити и поранешниот министер Беким Сали.
Сали му порача на Меџити да ја поштеди јавноста од хистерии бидејќи здравството е пример за разочарување.
„Меџити, се чини дека се соочувате со проблем на кредибилитет и доверба. За кого навистина работите? Чии конци влечете? Крајно време е да ги објасните вашите манипулации зад сцената. Дали е случајно што јавно негирате дека плаќате некого, а сепак зад затворени врати брзате да преговарате со компаниите вклучени во дебаклот на модуларната амбуланти дека на владини седници сте добиле налог од шефовите? Вие на 11 јули се признале дека имате договор со БРАКО плаќања Зар се демантирате себеси ?! Не е добро да се служите со лаги. Подолу ви е документот. Граѓаните заслужуваат одговори. Кога сме кај одговорите, министре Меџити, еве еден предизвик за вас: дали можете со чиста совест да му објасните на јавноста како го оправдувате барањето плаќање за компанија вмешана во обвинувања за неправилности, сомнителна ревизиска документација и судски хаос? Или тоа е премногу за да се бара од министер?“, велли Сали.
Додаде дека постојат обвинувања и од другите опозициски субјекти, кои тврдат дека Меџити се занимава со изнуда и рекет кон веледрогерии.
„Велат дека располагаат со факти. Тоа вие го знаете најдобро. Дали сакате да ја споделите вашата страна од приказната? За само седум месеци, министре Меџити, вашето портфолио е ремек дело во потфрлувања и контроверзии. Успеавте да разочарате на секој фронт – вашите гласачи, вашата партија и вашите ветувања. Речиси е импресивно колку брзо сте паднале во длабочините на разочарувањето. Браво! За Алијансата на Албанците – навистина се надминавте себеси. Ресорот здравство, предводен од славниот Меџити, не е ништо помалку од учебнички пример за разочарување. Вашите поранешни поддржувачи мора да бидат воодушевени од шоуто што го приредувате“, пишува Сали.
Претходно вчера, Министерството за здравство најави отворање постапка против Беким Сали за непостапување со модуларните амбуланти. Од друга страна, Сали смета дека неодамнешните критики околу трагичниот инцидент на модуларната амбуланта во Тетово бараат јасен и одговорен одговор од актуелниот министер за здравство Фатмир Меџити.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Комисијата на ЕУ ги повика Скопје и Атина да се држат до Преспанскиот договор
Портпаролот на Европската комисија изјави за „Еурактив“ дека Договорот од Преспа меѓу Грција и Северна Македонија од 2018 година мора да биде спроведен од „сите страни“ и со „добра волја“ во услови на нова расправија меѓу Атина и Скопје што се заканува да го оживее 25-годишниот спор, стои во написот.
Од своја страна, Европската комисија вели дека „сите страни“ треба да се држат до договорот.
„Добрососедските односи и регионалната соработка остануваат суштински за процесот на проширување. Постојните билатерални договори треба да се спроведуваат со добра волја од сите страни, вклучително и Договорот од Преспа меѓу Северна Македонија и Грција“, изјави портпаролот на Европската комисија за „Еурактив“.
Ратификацијата на трите протоколи предизвика политичка полемика во Атина.
Протоколите, кои се дел од Договорот од Преспа, се однесуваат на одговорностите на Грција во однос на контролата на воздушниот простор на Северна Македонија и му обезбедуваат на Скопје обука и знаење за прашањата на ЕУ, пренесува „Еурактив“.
Скопје
Реконструирана училишната спортска сала во основното училиште „Мирче Ацев“
Општина Ѓорче Петров финишираше со реконструирањето на училишната сала во основното училиште „Мирче Ацев“, која е веќе пуштена во употреба.
При реконструкцијата изведен е менување на подот во салата каде беше поставен нов гумиран под, бојадисување, молерисување на ходникот и кабинетот на наставникот по физичко образование, целосно нова вентилација и опремување со нови спортски реквизити, извести општина Ѓорче Петров.
Овој проект беше неопходен за нормално одвивање на часовите по физичко образование на основците. Со негово завршување, направен е чекор плус во создавањето добри услови за настава во една од шесте образовни институции во Ѓорче Петров.
Проектот е реализиран во соработка со Министерството за образование и наука, се додава во соопштението на општина Ѓорче Петров.
Скопје
Вежбалница на отворено првпат во општина Илинден
Комплетно опремена спортска вежбалница на отворено првпат добија жителите на општина Илинден, која се наоѓа кај пешачко-велосипедската патека во Марино.
Градоначалникот на општина Илинден, Александар Георгиевски, истакна дека во рамките на ова фитнес-катче, каде што младите, па и повозрасните жители на општината, ќе можае да се рекреираат и вежбаат, поставени се повеќе најсовремени фитнес-справи.
Досегашната пракса на инвестирање и создавање услови за спортување постојано се докажува како највредна инвестиција за сите генерации, па затоа Општина Илинден од сопствениот буџет оддвои средства за реализација на спортскиот терен за вежбање на отворено, а во наредниот период продолжува и понатаму со инвестиции во спортот и спортските терени на нејзина територија, соопштуваат од Општината.