Македонија
Електро-енергетскиот систем спасен од ропство – Чебрен останува македонски, велат од Левица

Грчката компанија „Архиродон“ не ја продолжи банкарската гаранција со која требаше да потврди дека ќе продолжи со постапката за изградба на реверизибилната хидроцентрала „Чебрен“. Со ова „Чебрен“ останува да биде македонски проект. На овој начин електро енерегетскиот систем на Македонија е спасен од шестдецениското ропство кое ни го спремаше ненародната и пред сé клептоолигархиска власт на ДУИ и нивниот помал коалициски партнер СДС, велат од Левица.
„Корумпираната влада на СДС и ДУИ предвидуваше Чебрен да го гради грчката компанија која 60 години ќе стопанисува со Чебрен и на подарок ќе го добие ХЕЦ Тиквеш. По принципот молчењето е одобрување математички прецизно, ДПМНЕ збор не изусти против намерата на СДС и ДУИ да го втурнат електро енерегетскиот ситем во ропство. ДПМНЕ, со своите 44 пратеници, можеше но не застана позади енергетската заедница и стручната јавност на Македонија која остро се спротиставуваше на раскрчмувањето на електро-енергетскиот систем“, истакнуваат од партијата Левица.
Левица, како што дополнуваат, е единствената политичка партија која во континуитет ја подржуваше стручната фела во намерата да се спаси природното богатство на Црна река и да се зачува суверенитетот на енергетските ресурси на Македонија.
„Стручното и аргументирано дејствување на Левица и Здружението на инеженери на Македонија доведе до голема народна победа со тоа што Чебрен ќе остане Македонски проект. ХЕЦ Чебрен може и мора да го гради Македонија со сопствени средства. Левица во својата програма потенцира дека еден од услувите за влез во влада е ХЕЦ Чебрен да биде целосно македонски проект. По преземањето на власт Левица ќе направи целосна ревизија на работењето на ЕСМ, вклучувајќи го и обидот за подарување на Чебрен и Тиквеш на грчката компанија. Одговорност мора да има“, завршуваат од Левица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Пронајдени двете девојки од Португалија кои се изгубија во реонот на Водно – Матка

Денес околу 17.00 часот од страна на Центарот за управување со кризи бевме известени за две изгубени туристки во реонот од врвот на Водно кон Матка, извести директорот на ДЗС, Стојанче Ангелов.
Како што информираше Ангелов, Дирекцијата за заштита и спасување итно извршила мобилизација на тимот за спасување на планина од Тетово и истиот веднаш бил упатен во пребарување на теренот.
Во 18.40 двете девојки од Португалија беа пронајдени и однесени до ресторанот Матка каде ги пречека Конзулот на Република Португалија, додава Ангелов.
Македонија
Дел од Ѓорче Петров утре без струја

Од ЕВН Македонија АД известуваат дека утре без електрична енергија ќе останат:
– во периодот од 09.00 до 15.00 часот, корисниците од улиците Веле Марков, Ибе Паликуќа, Воин Драшковиќ, Рафаел Батино. (општина Ѓорче Петров)
Македонија
Меџити прими жители од Страчинце: Анализите на експертите јасно покажаа дека отворањето на каменоломот ќе има сериозни последици врз животната средина

Првиот заменик-претседател на Владата и министер за животна средина и просторно планирање, Изет Меџити, денес ги прими во својот кабинет жителите од селото Страчинце, со кои одржа отворен состанок за одлуката за одбивање на барањето за отворање на каменолом во оваа скопско село.
Министерот Меџити ги информираше жителите за професионалните и институционалните причини што доведоа до оваа одлука. Анализите на експертите јасно покажаа дека отворањето на каменоломот ќе има сериозни последици врз животната средина, ризик од поплави и негативно влијание врз јавното здравје, велат од Министерството.
На состанокот беше истакнато дека приоритет е заштитата на животот и благосостојбата на граѓаните над секој економски интерес.
Меџити истакна дека следниот чекор е конечно поништување на концесијата во Влада, со што ова прашање ќе добие трајно решение.
Жителите на Страчинце се заблагодарија за одлуката и за приемот што го оствари министерот Меџити, нагласувајќи дека овој состанок е пример за владеење со отворен дијалог и чесна соработка со граѓаните.