Македонија
(Видео) Заев: ВМРО-ДПМНЕ и Нова демократија ќе го поддржат преспанскиот договор
„Ова е неповратен процес, целосно сум убеден дека договорот од Преспа ќе биде поддржан и од опозициските партии бидејќи граѓаните како поминува времето сè повеќе ќе стануваат приврзаници на истиот и ќе го поддржат”, рече премиерот Зоран Заев одговарајќи на новинарско прашање дали опозициските партии ВМРО-ДПМНЕ и Нова демократија ќе го поништат договорот доколку дојдат на власт.
„Немаме докази дека постои поништување договори кои носат придобивки. Имплементацијата на договорот од Преспа е во полн ек. Договорот ќе донесе само убави работи за двете страни. Ние им служиме на граѓаните, со самата реализација мнозинството граѓани ќе бидат за договорот. Опозицијата ќе стане власт се надевам подалеку во времето. Праксата ќе покаже дека договорот е добар за двете страни. Дали опозицијата ќе се откаже од договорот и ќе се тргне од НАТО или, пак, ќе престане со преговорите за ЕУ – ‘не’. Ова е неповратен процес, договорите ќе бидат поддржани и од опозицијата”, рече Заев.
Тој додаде дека граѓаните на Грција треба да знаат дека Република Северна Македонија во целост ќе го исполни договорот исто како и Грција, бидејќи носи придобивки во секој поглед за двете земји.
„Имаме намера и двајцата како пријатели да победуваме понатаму. И Мицотакис и Мицкоски само со текот на времето ќе дадат поддршка на овие соработки. Тоа е прагма, тоа е политика, тоа е памет. Да бидете поддржувач на она што народот го сака”, рече Заев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„10 спрема 1 по освоени општини во првиот круг е соодносот на ВМРО-ДПМНЕ со СДС, граѓаните избраа работа и дела, наместо криминал и неспособност“, велат од ВМРО-ДПМНЕ
„Локалните избори беа одраз за тоа дека доколку работиш чесно, транспарентно и посветено, народот ќе го цени тоа и ќе те награди. ВМРО-ДПМНЕ го преслика успехот од парламентарните избори минатата година во процентуална вредност, а споредбено со минатите локални, имаме и раст во бројот на гласови, советнички места и градоначалници“, велат од ВМРО-ДПМНЕ.
„ВМРО-ДПМНЕ освои 550 советници низ државата и градот Скопје, додека СДС освои околу 230 советници. ВМРО-ДПМНЕ освои 12.000 гласови повеќе од минатите избори, додека СДС изгуби 111.000 гласови. ВМРО-ДПМНЕ доби 11 повеќе градоначалници во првиот круг, а СДС изгуби 6. Соодносот на ВМРО-ДПМНЕ и СДС по првиот круг е 10 спрема 1. Граѓаните направија вистински избор, избраа работа и дела, наместо криминал и неспособност.
Во вториот круг на 2 ноември, ВМРО-ДПМНЕ е асполутен фаворит во сите 26 општини. Затоа, ги повикуваме граѓаните, во вториот круг да го дадат својот глас на кандидатите на ВМРО-ДПМНЕ и масовно да го заокружат бројот 9.
Да ја запечатиме победата и да го направиме вистинскиот избор, со твојот човек, за твоето место, за твојата иднина!“, соопшти ВМРО-ДПМНЕ
Македонија
Неколку скопски општини денеска без струја
Од ЕВН Македонија АД известуваат дека денеска без електрична енергија ќе останат:
– од 08:30 до 14:00 часот, корисниците од дел од улиците: Полог и Кочанска, општина Кисела Вода;
– од 08:30 до 16:00 часот, корисниците од населените места и објектите од село Алдинци кон Солунска Глава, општина Студеничани;
– од 09:00 до 14:00 часот, корисниците од дел од ул. Македонско Косовска Бригада, општина Шуто Оризари;
– од 09:00 до 14:00 часот, корисниците од објектите во околината на зграда бр. 17 на бул. Партизански Одреди, општина Центар;
– од 09:30 до 13:00 часот, корисниците од ул. 6 во село Бардовци, општина Карпош.
Македонија
Непречен сообраќај по влажни коловози
Сообраќајот на државните патишта се одвива непречено, по влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

