Македонија
Заев ги пребројува пратениците, неизвесен е почетокот на седницата
![](https://makfax.com.mk/wp-content/uploads/2018/10/zoran-zaev-1.png)
Постојаното одлагање и презакажување на седницата за уставните амандмани продолжува и денеска. Неофицијално е презакажана за 15 часот, но како што брифираат дел од пратениците, седницата ќе почне кога ќе биде обезбедено двотретинското мнозинство.
Премиерот Зоран Заев од утринава одржува средби со пратениците кои условуваат да гласаат за уставните измени ако се исполнат дел од нивните барања. Последните информации се дека Заев веќе се сретнал со пратеничката осумка независна од ВМРО-ДПМНЕ и коалицијата, како и со претставници на Беса на Биљаљ Касами, кои не сакаат да отстапат од барањето за прецизна формулација на државјанството каде што наместо „македонско“ во документите на албански да стои „државјанин на Република Северна Македонија“.
Неофицијално Теута Биљали од Беса прифатила да даде поддршка, додека пратеникот Фадил Зендели не сакал да отстапи.
Според неофицијални информации, Заев разговарал и со дел од пратениците на ВМРО-ДПМНЕ, но оттаму не потврдуваат со образложение дека Христијан Мицкоски има состанок со пратеничката група. Сепак, не ја исклучуваат можноста да има нови исклучувања ако некој не ја послуша партиската директива и гласа за уставни промени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Министерот Муцунски во работна посета на Хрватска
![](https://makfax.com.mk/wp-content/uploads/2024/05/mucunski-1.jpg)
Министерот за надворешни работи и надворешна трговија, Тимчо Муцунски, денес (сабота, 29 јуни 2024г.) ќе престојува во работна посета на Република Хрватска, каде што на покана на министерот за надворешни работи на Хрватска, Гордан Грлиќ Радман ќе учествува на Дубровник форум 2024.
Министерот Муцунски ќе има обраќање на панелот „Западен Балкан: Отворање на реформскиот потенцијал”.
На маргините на форумот, министерот ќе оствари и бројни билатерални средби со свои колеги од повеќе земји.
Македонија
Дел од улиците во Аеродром денес ќе бидат затворени поради градежни активности
![](https://makfax.com.mk/wp-content/uploads/2018/09/soobrakjaen-rezim_.png)
Поради изведување градежни активности, денеска изменет режим на сообраќај ќе има во дел од скопската Општина Аеродром.
„На ден 29 јуни (сабота) на ул. ‘Борис Кидрич’ од крстосница со Ул. ‘Симеон Кавракиров’ до крстосница со Бул. ‘Кузман Јосифовски Питу ‘ – Општина Аеродром ќе се изведуваат градежни активности (гребење), па поради тоа ќе има изменет режим на сообраќај на наведените улици, информираат од изведувач на работите, компанијата ‘Гама градба’“.
Македонија
Сончево и потопло со мала до умерена облачност
![](https://makfax.com.mk/wp-content/uploads/2022/08/dojran-2.png)
Времето денеска ќе биде сончево и потопло со мала до умерена облачност. Ќе дува слаб до умерен ветер од северен правец. Минималната температура ќе биде во интервал од 12 до 19, а максималната ќе достигне од 29 до 37 степени. UV=8
Во Скопје сончево и топло со мала до умерена облачност и со слаб до умерен северен ветер. Минималната температура ќе се спушти до 17, а максималната ќе достигне до 34 степена.
Во деновите од викендот и во понеделник времето ќе биде сончево и топло со мала до умерена локална облачност. Дневните температури насекаде ќе бидат над 30 степени.
Во вторник се очекува повторно дестабилизирање на времето со пороен дожд, грмежи и засилен ветер, локално во форма на невреме.