Македонија
Заев до грчкиот амбасадор Јанакакис: Преспанскиот договор клучен за градење на добрососедски односи
Претседателот на СДСМ Зоран Заев денеска се сретна со амбасадорот на Грција во нашата држава, Димитрис Јанакакис.
На средбата беа отворени повеќе актуелни теми, како ситуацијата со вирусот Ковид 19 и справувањето со истиот, ситуацијата со мигрантите, имлементацијата на Договорот од Преспа, членството на земјава во НАТО, очекуваниот датум за преговори со ЕУ и престојните парламентарни избори во земјава.
Претседателот Заев во однос на состојбата и справувањето со Коронавирусот во нашата земја истакна дека земјава има мошне сериозен пристап и ги превзема сите превентивни мерки со цел спречување на ширење на истиот, но и постојано следење на состојбата и воведување на нови мерки, бидејќи здравјето на граѓаните е од примарно значење.
Во однос на состојбата и движењето на мигрантите кон соседните земји и кон нашата воедно претседателот Заев истакна дека со будност се следи и оваа состојба со цел поголема подготвеност и справување со истата.
На средбата се разговараше и за имплементацијата на Договорот од Преспа, на што претседателот Заев истакна дека државата го спроведува и не отстапува од договореното како и со Договорот од Преспа така и со Договорот за добрососедство со Бугарија, со оглед на тоа дека склучувањето на овие два договори ја придвижија нашата земја напред, потврда за тоа е членството во НАТО и секако очекуваниот датум за преговори со ЕУ.
Токму овие два договори директно влијаат на стабилноста во регионот и со себе носат бројни бенефити за сите држави во соседството, а потврда за тоа е посочувањето на земјава како светол пример во регионот и нејзиниот голем напредок .- посочи претседателот Заев.
Во однос на престојните парламентарни избори и кампањата на политичките партии, претседателот Заев го информираше амбасадорот на Грција Јанакакис дека со оглед на ситуацијата со Коронавирусот, овојпат сите политички партии ќе водат сосема поинаква кампања односно ќе биде сведена на мас – медиуми, без јавни собири и митинзи.
Двете страни се согласија дека по решавањето на клучното прашање со името на државава, двете земји уште повеќе ќе ја продлабочат меѓусебната соработка на сите полиња од кои придобивки имаат и државите и граѓаните.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска се заблагодари за честитката од ЕУ: Со нетпрение очекувам да ја продолжиме соработката
Силјановска Давкова се заблагодари за честитката од ЕУ и порачува дека со нетпрение очекува да ја продолжам соработка со Европската Унија за конечно заокружување на европската интеграција на целиот регион.
„Денеска, како избрана претседателка, добив официјално соопштение од Европската Унија со кое ми се честита победата на изборите. Темелот на мојата на кампања беше градењето на консензус помеѓу сите политички партии во Собранието, како од власта, така и од опозицијата, граѓанското општество и македонските граѓани, независно од нивните разлики. Нашиот клучен стратешки проект е европската интеграција и истата останува да биде темел за градењето на консензус помеѓу различните чинители во општеството. Потенцирам дека под мое водство нашата надворешна политика ќе продолжи да биде целосно усогласена со заедничката надворешна и безбедносна политика на Европската Унија. Со нетпрение очекувам да ја продолжам соработка со Европската Унија за конечно заокружување на европската интеграција на целиот регион“, се наведува во соопштенеито испратено од тимот на Гордана Силјановска Давкова.
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархеи.
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
Македонија
(Видео) Стоилковски го поздрави лидерот на ДУИ јадејќи бисквита: „Поздрав, Али“
Портпаролот на ВМРО-ДПМНЕ, Наум Стоилковски, на социјалните мрежи објави видео во кое, јадејќи бисквита го поздрави лидерот на ДУИ, Али Ахмети.
Стоилковски вели дека оди на состанок со коалициските партнери на ВМРО-ДПМНЕ, а потоа зема бисквита и почнува да ја јаде.
„Поздрав, Али“ , вели Стоилковски.
Стоилковски алудира на изјавата на Ахмети која тој ја даде од митингот на „Европскиот фронт“ во Скопје пред одржувањето на првиот круг од претседателските избори кога рече оти лидерот на ВМРО-ДПМНЕ е израснат со бисквити и гурабии.
Македонија
ЕУ: Очекуваме соработка со претседателката на Македонија, парламентот и владата за да работиме на европскиот пат
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархељи
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
„Двете институции треба да работат заедно на подобрување на европскиот пат на Северна Македонија, кој вклучува имплементација на клучните реформи, особено во областа на владеењето на правото и борбата против корупцијата, во интерес на сите нејзини граѓани“, се вели во заедничката изјава на Борел и Вархеи.