Македонија
Заев за договорот со Бугарија: Спорот ќе го решиме на едно кафе
Премиерот Зоран Заев изјави денеска во Софија дека меѓу Македонија и Бугарија долг период имало студени односи од политички причини, но од вчера тој завршил”.
На состанокот со бугарскиот премиер Бојко Борисов и во присуство на двајцата министри за надворешни работи вчера биле дискутирани четирите отворени сегменти од договорот за добрососедство. Три биле трајно затворени, останал еден за кој Заев се надевал дека ќе биде решен „на едно кафе” меѓу двајцата премиери и кабинетите.
Заев ја истакнал важноста од спроведување на транспортниот Коридор осум кој ќе отвори перспективи за секаков вид економска соработка и за раздвижување на бизнисот. Тој повеќепати ја истакнал важноста на претседавањето на Бугарија со ЕУ изразувајќи надеж дека во 2018 година Македонија ќе добие датум за почеток на преговори.
„Очекувам многу спортски и културни настани, зголемен број комерцијални договори, што ќе значи подобрување на квалитетот на животот”, рекол Заев нагласувајќи дека Бугарија е значајна и за енергетскиот сектор кај нас бидејќи нашата земја увезува 40 отсто од електричната енергија, а голем дел доаѓа токму од овој сосед.
Одговорајќи на новинарски прашања Заев во врска со приемот на Македонија во НАТО под рефренцата ПЈРМ, рече дека тоа е решение што го прифаќа и генералниот секретар на НАТО Столтенберг и претставува решение за Бугарија и верува дека во добар дух и како добри соседи може да се најде решение со Грција да се одблокираат евроинтегративните процеси.
„Убеден сум дека и тие се исправени пред одлуката каков регион сакаат, што е подобро за Грција и нивните граѓани – да остане Македонија заглавена или да ги користат сите бенефити што ги носи НАТО, рече Заев и додаде дека не мора веднаш да има решение со прашањето за името туку може со Грција да се договори да се отпочнат процесите за интегрирање.
Во врска со терминолгијата во учебниците по историја во Македонија, тој одговори дека тоа е едно од отворените прашања и оти постои консензус во Македонија сите нови изданија да ги отстранат сите грешки што создаваат непријатност која не е во функција за она за што се залагаме.
„Веќе се направени одредени прашања за таа соработка да расте и тоа и во минатото не само од новата влада. Има многу датуми што се чествуваат, се обновуваат одредени обележја кои се значајни и за нашата и за бугарската историја, рече Заев и додаде дека на историските личности гледа како одлична можност за зголемување на соработката меѓу народите, граѓаните и државите.“
Запрашан за СЈО Заев одговори дека ги доставил сите материјали што ги поседува, но изрази стравување дека е кратко времето за отворање на сите истраги.
„Доказите постојат и тие се таму и не можат да исчезнат. И да не се продолжи рокот, овие докази постојат и верувам дека друго обвинителство или друг надлежен орган ќе ги преземе и ќе утврди дали постојат и материјални докази за да има обвинителни акти или се само индиции кои што ќе завршат намери кои никогаш не направиле кривично дело или злоупотреба на закон,“ рече Заев.
Потенцира дека во Македонија повторно ќе вадеат правото и правната држава и законот еднакво ќе важи за сите.
„Сакам граѓаните на Македонија, странските и домашните инвеститори секој наш граѓанин и секој што ќе дојде ако е правичен да добие право во секаква околност. А ако се огрешил пред закон да преземе одговорност. Тоа е насушно потребно ако сакаме да имаме перспектива,“ истакна премиерот Заев Заев и ги повика експертите да влезат во судството, а политичарите, како што рече, воопшто да не се мешаат во процесот на создавање независно судство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Центар наскоро ќе стане првата општина во земјава со систем за мерење на бучава, рече Герасимовски
Општина Центар наскоро ќе стане првата општина во земјава со систем за мерење на бучава во реално време, најави градоначалникот Горан Герасимовски. Според него, јавната набавка е завршена, а веднаш по изборите ќе бидат поставени 30 мерни единици на различни локации.
„Заврши јавната набавка, чекаме да поминат изборите за да ги поставиме мерните единици – првично 30. Преку мобилна апликација, секој граѓанин ќе може да провери каква е фреквенцијата на бучава на одредена локација“, изјави Герасимовски.
Системот, како што објасни, ќе им овозможи на граѓаните докази при пријавување во Министерството за внатрешни работи или до општинските инспекциски служби. Целта е брза и ефикасна реакција на прекршителите, особено во зони каде што постојат проблеми со прекумерна бучава од угостителски објекти и сообраќај.
Во вториот дел од изјавата, Герасимовски зборуваше за следниот голем проект на општината – постепено затворање на Дебар Маало за моторен сообраќај, со што ќе се намали хаосот со паркирањето и ќе се создаде подобар квалитет на живот за жителите.
„Имаме ревидиран проект за затворање на Дебар Маало. Тој е доставен до Министерството за внатрешни работи и веќе имавме два состанока со МВР за да го подобриме и да добиеме одобрување. Така и беше договорено на последниот состанок“, рече Герасимовски.
Планот е Дебар Маало да се затвора дел по дел, почнувајќи веднаш по завршувањето на изборниот процес, а првата рампа веќе е поставена.
„Веќе поставивме рампа на почетокот на Боемска улица. Разговараме за начинот на кој таа зона ќе функционира, и тоа ќе биде пример за затворање и на други населби каде што сообраќајот и паркирањето се хаотични“, додаде градоначалникот.
Македонија
Николоски го претстави планот за Николиќ во Дојран: Уредена плажа, патека и подобро електроснабдување
Потпретседателот на ВМРО-ДПМНЕ, Александар Николоски, при посетата на дојранското место Николиќ, најави повеќе инфраструктурни и развојни проекти за локалното население и туристите.
Николоски посочи дека приоритет е решавањето на проблемот со снабдувањето со електрична енергија, бидејќи местото брзо се шири со нови куќи и викендици.
Како втор проект го најави уредувањето и осветлувањето на пешачката патека што ќе води од населбата до плажата, која, според него, ќе стане туристичка атракција.
Трет приоритет е уредувањето на плажата Николиќ, која ќе добие концесионер со обврска да ја трансформира во современо туристичко место.
Николоски додаде дека се разговара и за изградба на културен дом и решенија за предучилишно згрижување на децата.
„Убеден сум дека Илија Николиќ ќе биде новиот градоначалник на Дојран и дека заедно ќе ги реализираме овие проекти со поддршка од Владата“, изјави Николоски.
Македонија
Мицкоски од Пробиштип повика на масовна излезност во вториот круг
Во првиот круг коалицијата којашто ја предводи ВМРО-ДПМНЕ освои 33 градоначалници. Двајца во меѓу време, помеѓу првиот и вториот круг, против кандидати на нашите кандидати се откажаа, што значи дека сега веќе се 35 градоначалници и во уште 24 општини сме во вториот круг. Во недела ќе се одлучува кој ќе биде градоначалник во тие 24 општини. Во 6 од тие 26 општини сме второпласирани, со тенденција и со голема шанса, бидејќи разликата е премногу мала, да бидеме првопласирани, рече претседателот на ВМРО-ДПМНЕ, Христијан Мицкоски на вечерашниот мини митинг во Пробиштип во рамките на изборната кампања под слоган „Вистинскиот избор! Твојот човек! Твоето место! За твојата иднина!“ за вториот круг од локалните избори во недела на 2 ноември.
Мицкоски изрази убедување дека коалицијата предводена од ВМРО-ДПМНЕ, после овие локални избори ќе има 59 градоначалници.
„Истовремено, дозволете ми да информирам дека во 58 општини советничките листи ан коалицијата предводена од ВМРО-ДПМНЕ победија и имаат убедливо мнозинство во Советот. Кога на сето тоа ќе се додаде и резултатот во Градот Скопје, односно убедливото водство на идниот градоначалник на Градот Скопје, Орце Ѓорѓиевски, 90 илјади наспроти 30 илјади, отприлика нешто повеќе од 3 спрема 1, очекуваме во вториот круг таа бројка да дојде до 120 можеби 125 илјади гласа. И убедливата победа на советничката листа на коалицијата предводена од ВМРО-ДПМНЕ за Град Скопје, доаѓаме до фантастична бројка од 60 општини во кои што се состои и Градот Скопје, нешто што до сега на ниту една политичка коалиција во независна Македонија не и се случило“, истакна Мицкоски.
Втората крупна политичка порака, вели Мицкоски, која сакам денес од Пробиштип да ја испратам, е дека конечно, партијата која повеќе од 20 години беше дел од сите влади во Македонија, Демократската унија за интеграција, на овие локални избори е поразена.
„Ние велевме на парламентарните избори пред година и половина ги развластивме и дека ќе дојде време, кога на локалните избори, тие ќе бидат поразени. И тие практично се поразени на овие локални избори“, рече Мицкоски.
Додаде дека во вториот круг имаме три опции, од кои првата е да се гласа за коалицијата која ја претставува ВМРО-ДПМНЕ, која е победничката коалиција, додека втората опција е поранешната владина коалиција предводена од СДСМ, која е опција која не враќа назад во времето и која ја ограбуваше, понижуваше и распродаваше Македонија.
„И третата опција, по мене, најкатастрофални е да останеме дома и да не излеземе на изборите и да дозволиме некој друг да одлучува во наше име“, дециден беше Мицкоски додавајќи дека со седењето дома никој не се казнува, туку со тоа се казнуваат самите граѓани кои не излегле на гласање.
Затоа, Мицкоски ги повика граѓаните на Пробиштип, но и на цела Македонија во недела на 2 ноември да излезат на гласање што е можно помасовно и да го дадат својот глас онака како што тие мислат дека е најдобро.
„Но, убеден сум дека кога ќе застанете позади параванот, со пенкалото во рака и со гласачкото ливче пред вас, ако го слушате разумот и вашето срце, и длабоко погледате во вашата душа, ќе видите и ќе препознаете дека таму извира бројот 9 и името на Тони Тоневски. И јас сум убеден дека тоа ќе биде вашата опција за следните четири години“, посочи Мицкоски.

