Македонија
(Видео) Заев сведочи пред Мијалков за прислушувањето: „Груевски бараше да му пуштам бомби“
Премиерот Зоран Заев и ексдиректорот на УБК Сашо Мијалков попладнево се соочија во судницата на сведочењето за предметот со масовното прислушување „Таргет-Тврдина” на СЈО.
Заев како сведок рече дека првпат слушнал дека во државата нелегално се прислушува во 2013 година од, како што рече,професор доктор Зоран Верушевски, непосредно по неговиот избор за претседател на партијата. Тогаш Верушевски бил претседател на партиската комисија за безбедност.
„Верушевски ме запозна со работата на комисијата. Еден сегмент беше нелегалното следење на комуникациите“, рече Заев. Тој појасни дека имале материјали во пишана форма и аудиоматеријали.
Според него, најмногу била прислушувана тогашната опозиција, на второ место биле новинарите, па експертите, меѓу кои и универзитетските професори, претставници на невладините организации и верските заедници, неколку броеви на високи претставници на тогашната власт и претставници на албанските политички партии.
Заев кажа дека бомбите биле заклучени во простории на СДСМ, со процедури и стандарди, а пристап имале само тој и Зоран Верушевски.
Звонко Костовски и Ѓорѓи Лазаревски, кои ги предадоа материјалите, тогаш не ги познавал и, како што рече, немал информации дека преку нив одел преносот на бомбите, а дека тој бил следен и со посебни истражни мерки
„Ја потврдувам автентичноста на моите разговори и СМС-пораки”, рече Заев, на прашање на обвинителот дали прислушуваните материјали се негови.
Заев кажа дека четири пати се сретнал со тогашниот премиер Никола Груевски во неговиот кабинет до првата објава на бомбите на 9 февруари 2015 година и му раскажувал содржини од бомбите.
„Груевски се шегуваше на средбата дека тоа не е точно, дека не може да поседуваме такви материјали“, кажа Заев во сведочењето пред судот.
„Еден од тие разговори беше како тој тајно купува плац на Водно“, рече Заев за поранешниот премиер. Груевски барал и лично од Заев да ги чуе аудиоматеријалите, но Заев тоа не му го овозможил, туку само му ја раскажувал содржината.
Досега како сведоци во предметот беа сослушани инженерите во поранешното УБК, Ѓорѓи Лазаревски, Звонко Костовски, Сашо Трајковски и поранешниот разузнавач Зоран Верушевски.
Обвинети се 12 лица, меѓу кои поранешниот началник на Петтата управа во МВР Горан Грујевски и вработениот во УБК Никола Бошкоски, кои избегаа во Грција, ексминистерката за внатрешни работи Гордана Јанкулоска и поранешниот директор на УБК Сашо Мијалков, тогашнииот шеф на неговиот кабинет Тони Јакимовски.
Обвинетата Елена Џиланова призна вина и доби условна казна затвор. Првото рочиште за предметот се одржа на 22 декември 2017 година.
Според обвинението, преку три системи за следење на комуникациите во УБК, во периодот од 2008 до 2015 година незаконски биле следени 4.286 телефонски броеви за кои воопшто не биле издадени судски наредби.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Метеоролозите најавуваат поинтенезивни врнежи ноќеска и утре, од среда стабилизирање
Времето денес променливо облачно со повремени локални врнежи од дожд, најпрвин во западните делови каде ќе бидат пообилни и поројни со услови за појава на грмежи. Ќе дува умерен југоисточен, а во западните делови повремено засилен ветер од југозападен правец. Минималната температура ќе биде во интервал од 6 до 12, а максималната ќе достигне од 16 до 22 степени.
Во Скопје, променливо облачно со повремени врнежи од дожд, особено во текот на ноќта. Ќе дува умерен југоисточен ветер. Минималната температура ќе се спушти до 11, а максималната ќе достигне до 19 степени, јавува УХМР.
Денес најпрвин во западните, а во текот на ноќта и во понеделник претпадне насекаде, ќе има врнежи од дожд кои повремено ќе бидат пообилни и поројни со услови за појава на грмежи. Поинтензивни процеси во форма на невреме со пообилен пороен дожд (локално над 30 l/m²) и засилен ветер се очекуваат во текот на ноќта, особено во западните делови од земјата. Во вторник ќе има локални врнежи од дожд со послаб интензитет, а потоа во следните денови времето ќе биде стабилно со благ пораст на дневните температури.
Македонија
Герасимовски: Воведуваме „Центарска картичка“ со попусти за културни, спортски настани, локали и продавници
Кандидатот за градоначалник на Општина Центар, Горан Герасимовски, денеска најави дека се воведува „Центарска картичка“ со попусти за културни и спортски настани, локали и продавници.
„Секој центарец добива еднаш годишно бесплатна карта за театарска претстава, а за секоја следна купена карта добива 20% попуст. Со картичката, овоможуваме и 20% попуст за натпреварите на нашиот најтрофеен клуб „Работнички“, како и попусти за влез на базен. На нашите центарци, на децата и возрасните им овозможуваме подобри услови и поволности“, рече Герасимовски.
Македонија
Почина Агим Јонуз
Политичкиот анлитичар, Агим Јонуз, почина во Скопје на 63 години по боледување.
Јонуз беше активен во политичкиот живот во Македонија не само како аналитичар и колумнист, туку и како поранешен советник и портпарол на поранешниот претседател на Собранието, Лупчо Јордановски и на поранешниот премиер Бучковски.
Во 2021 година Јонуз беше носител на листа на советници за Град Скопје предложен од „Твоја Партија“.
Јавноста го познаваше како чест гостин во политичките дебатни емисии на телевизиите.
Погребот на Агим Јонуз ќе се одржи утре, 26 октомври 2025 година, на гробиштата во Бутел.

