Македонија
Заев убеден дека Груевски нема да формира влада

Зоран Заев, лидер на СДСМ смета дека Никола Груевски, лидерот на ВМРО-ДПМНЕ кој го доби мандатот од претседателот да формира влада, нема да успее во тоа.
По главната судска расправа во Куманово, каде Заев е обвинет по приватна тужба од Владимир Цветковски, за незаконско објавување на прислушуваните материјали, одговарајќи на новинарско прашање околу формирањето на новата влада, Заев рече дека лидерот на ВМРО-ДПМНЕ го има мандатот за состав на новата влада, но оти е убеден дека тој не ќе може да ја формира владата.
Во врска со разговорите со Демократската унија за интеграција, Заев рече дека на средбата начелно било разговарано за позициите на двете партии и оти се најавени следни средби.
„На вчерашната средба како што соопштивме беше начелно зборувано за позициите на СДСМ и на ДУИ и не навлеговме во детали заради тоа што немаме нешто посебно што да соопштиме. Најавени се следни средби. Штом ќе се случат и како ќе течат разговорите, ќе ја информираме јавноста“, изјави Заев./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Се излеа Маркова Река кај Батинци

Маркова Река се излеа денес по обилните врнежи од дожд.
Во селото Батинци, водата е надојдена, излевајќи се на неколку места околу речното корито.
Ангажирана е механизација за санирање на штетата, а градоначалник на Студеничани, Азем Садики, објави дека забележана е материјална штета во дворовите од куќите кои се наоѓаат во близина на реката.
Засега, според градоначалникот, нема потреба од евакуација.
Фото: ТВ21/скриншот
Македонија
Тетово повика на јавна дебата за промена на имињата на улиците

Општина Тетово в петок, со почеток во 15:00 часот, организира јавна дебата за предлози за имиња на улиците.
„Ги повикуваме сите граѓани, здруженија, невладини организации и граѓанскиот сектор да учествуваат на оваа јавна дебата за именување на улиците“, велат од општината преку допис.
Додаваат дека секој предлог од граѓаните е важен и помага овој процес да биде инклузивен и успешен за граѓаните и градот Тетово.
Македонија
Тошковски: Припадниците на МВР денеска примија плата зголемена за 10 отсто

Припадниците на МВР денеска примија плата зголемена за 10 отсто, информира министерот за внатрешни работи, Панче Тошковски.
„Изминативе години сосема оправдано имаше критики дека платите во МВР се ниски, а очекувањата и одговорностите големи. Често се укажуваше на разлики во однос на некои сродни служби, а чувството на потценетост беше реално и оправдано. Ова зголемување не е доволно, но е еден од многуте чекори што ќе следат во насока на враќање на достоинството и угледот на полицаецот. Целта е јасна – да изградиме модерна, професионална и силна полиција која ќе биде вистински сервис на граѓаните. Продолжуваме понатаму кон обезбедување на подобри услови, поголема поддршка и вистинско вреднување на трудот што секојдневно се вложува“, напиша Тошковски во објавата на социјалните мрежи.