ВМРО-ДПМНЕ на секој начин ја отежнува и така тешката ситуација на Кочани и на оние коишто настрадаа во несреќата и на нивните семејства, истакна Оливер Спасовски, пратеник и координатор на пратеничката група на СДСМ. Спасовски со реакција за седницата на Комисијата за политика демографија и млади, водена од пратеничката Благица Ласовска од ВМРО-ДПМНЕ.

„Се случи груба узурпација на правото на претседаваwe со комисијата од страна на колешката Ласовска со тоа што првично не дозволуваше промена дневниот ред. По нашата реакција дзоволи да имаме предлог со којшто точката на дневен ред од 12 побаравме да биде прва точка на дневниот ред. За жал не добивме поддршка од ВМРО-ДПМНЕ. Но исто така не дозволи ниту да се предложи нова точка на дневен ред а тоа знаете дека бараме на секоја седница, точката за т.н. Закон за бранителите.
Во текот на седницата, кога дојде до моментот да се разгледа предлог Законот за заштита на децата седницата беше прекината.

Во изминатиот период имавме постојано барање дека овој Закон е исклучително важен, да помине за да можат да се лиценцираат луѓе односно кандидати кои што сакаат да работат во детска заштита, во градинки. Денеска се случи нешто што покажа дека немала никаква итност во однос на носењето на Законот за заштитта на децата. Но покажа и дека она што треба да е врвен приоритет а тоа за семејствата на загинатите и оние членови на нивните семејства и на лицата коишто се повредени, над 25 во Кочани. Седницата беше прекината и да не се продолжи“, кажа Спасовски.

Според него, воопшто не е јасно, како и зошто пробуваат со такви акробации, на деловнички кршења воопшто да не дојде на дневен ред оваа точка на комисијата.

Спасовски оценува дека нема поважна тема во државата од Кочани, и дека нема поважна потреба од носење на законски решенија отколку законот за настраданите во Кочани.

„Час поскоро треба ВМРО-ДПМНЕ да поддржи и ние очекувавме дека ова ќе биде точка на дневен ред сите заедно ќе ја пратиме пораката на солидарноста, пораката на единството и пораката на подавање на рака на институциите од граѓаните заради тоа што оваа е многу потребна. Ние како пратеничка група инсистиравме да ова законско решение се донесе час поскоро, да определиме финансиски средства кои ќе бидат доделени на семејствата.

Меѓутоа очигледно дека тоа не е приоритет за ВМРО-ДПМНЕ приоритет да се именуваат услови за директори за да можат да бидат поставени на одредени функции, веројатно приоритет е нешто друго во однос на трошењето на парите за набавки за папаја, за манго, итн за владините службеници. А не е приоритет одредување на финансиии и законско решение со коешто ќе се помогне на настраданите во Кочани“, заклучи Спасовски.

Во изминатите неколку денови, во делови од Гази Баба беше евидентирано значително загадување на амбиенталниот воздух, што предизвика загриженост кај граѓаните, а особено се чувствуваше во раните утрински часови.

По тој повод градоначалникот Бобан Стефковски информира дека од првиот момент кога ја регистрирале оваа состојба, го задолжил Секторот за инспекциски работи дапочне со вонредни инспекциски контроли за откривање на изворите на загадување и санкционирање на прекршителите.

„Изречени се глоби и изготвени записници за повеќе физички лица за кои постојат докази дека го прекршиле Законот“, изјави Стефковски.

Тој најави и пакет конкретни мерки и активности, меѓу кои мобилен пункт на Вардариште, пришто секој ден од 8 до 22 часот, инспектори од Секторот за инспекциски работи ќе бидат стационирани на дивата депонија со цел постојан надзор и спречување на понатамошни прекршувања.

Стефковски ги повика сите граѓани да соработуваат.

„Доколку имате информација за причинители на загадувањето, ве молам пријавете ги. Само заедно можеме да ги детектираме и санкционираме несовесните поединци“, повика Стефковски кој тврди дека нема да прави компромис со оние што го кршат Законот.

„Загадувањето е кривично дело – тоа е напад врз нашето здравје. Тој воздух го дишам и јас, како и моите две деца. Ве уверувам – ќе направам сѐ за да се откријат и казнат виновниците. Апелирам до сите: граѓани и институции – обединете се со нас во оваа борба!“, додаде Стефковски.

Бујар Аземи – сопственикот на 12-катницата во Чаир за која градоначалничката Данела Арсовска, тврди дека е небезбедна и изградена без документација, одобрение, проект и платени комуналии упатил бројни закани за што е поднесена пријава до МВР, информира Арсовска преку допис до медиумите.

Градоначалничката тврди дека досега се пребројани 61 стан во зградата, сите биле незаконски градени, а постои обид да се легализираат прикажани лажно дека се градени во 2011 со документација фалсификувана од Висар Ганиу и Ејуп Адеми.

„Вчера Бујар Аземи фатен како дивоградбата се обидува нелегално да ја приклучи на водоводна мрежа, а која веќе нелегално ја приклучил на струја, упати бројни сериозни закани за што е поднесена пријава до МВР! Денес до Основното јавно обвинителство за гонење на организиран криминал и корупција доставуваме уште еден предмет со илјадници страни фалсификати и злоупотреби од Општина Чаир, каде се инволвирани повеќе функционери и вработени во општина Чаир.“, вели градоначалничката.

Арсовска додава дека во нормални услови и нормална држава би ги повикала институциите да реагираат веднаш за заканите и насилието од криминалците, ама живееме во Македонија, каде ако не си со тие на власт, ќе си чекаш некој да те убие зашто очигледно знаат дека нема никој да ги спречи.

Арсовска во текот на вчерашниот ден се вклучи на социјалните мрежи од пред зградата. Соопшти дека затекнале луѓе кои веќе живеат таму, а тие на лице место се заканувале на инспекторите од Град Скопје и им ги исекле гумите со нож. Арсовска во преносот вчера рече дека објектот поседува нелегален приклучок на струја и нелегален приклучок на вода.