Македонија
Зошто Бектеши ја откажа прес-конференцијата за „Иловица“, СДС го брани ДУИ среде Струмица, тврди ВМРО-ДПМНЕ

Зошто министерот Бектеши ја закажа па ја одложи прес-конференцијата за „Иловица“? Дали Ковачевски сега ќе биде силен, па да побара одземање на концесијата или ќе продолжи вазалството, во кое СДС ќе го брани ДУИ среде Струмица, велат од партијата ВМРО-ДПМНЕ.
„Криминогената Влада на СДС и ДУИ дава зелено светло на Назиф Дестани за влез во ‘Иловица’, а тој нема никакво искуство со ископ на бакар и злато. Човекот на ДУИ, Дестани, знае дека влегува во сигурна бизнис-зделка. Ова е уште еден чекор на Владата, поточно на СДС, со кој се штитат бизнис-интересите на ДУИ воопшто. Оваа криминогена Влада ги обезбедува лицата блиски до ДУИ со милионски профити на штета на интересите на граѓаните во Струмичко“, дополнуваат од партијата.
Според нив, оваа Влада не прави ништо за граѓаните, што е дополнителен доказ дека нема ништо од изјавата на Димитар Ковачевски дека рудник во „Иловица“ нема да се гради.
„Ковачевски не бара одговорност од Крешник Бектеши затоа што ги излажал министрите од СДС, кои, како што велат самите, затоа гласале за спојување на концесиите ‘Иловица-Штука’. Бектеши бега од јавноста. Вчера пак ја образложуваше ситуацијата за ‘Иловица’ во Владата, но не излезе и пред јавноста. Закажаниот прес за вчера го одложи за денес. Криминогената Влада на СДС и ДУИ продолжува да тера бизниси на грбот на граѓаните, односно да носи одлуки спротивни на интересите на граѓаните“, велат од ВМРО-ДПМНЕ.
Како што додаваат, граѓаните не забораваат, а по изборите, ќе следува одговорност за сите вклучени во криминални активности.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сончево и многу топло, максималната температура до 40 степени

Времето денеска ќе биде сончево и многу топло. Ќе дува слаб до умерен ветер од југоисточен правец. Минималната температура ќе биде во интервал од 12 до 21, а максималната ќе достигне од 32 до 40 степени.
Во Скопје сончево и многу топло со слаб до умерен ветер од југоисточен правец. Минималната температура ќе се спушти до 17, а максималната ќе достигне до 39 степени.
Времето во наредните денови
Под влијание на многу топла воздушна маса во текот на оваа седмица ќе се задржи сончево и топло време со умерена облачност во текот на денот. Ќе дува слаб до умерен ветер од југоистоичен правец.
Македонија
Се’ уште гори кај Јасен, активни пожари на четири локации низ Македонија

Денес до 18 часот се регистрирани вкупно 10 пожари на отворен простор. Од нив, четири се активни и моментално се гаснат, додека шест се целосно изгаснати.
Активните пожари се лоцирани во различни делови на земјата. Еден од нив е во Националниот Парк Јасен во општина Македонски Брод, каде што гори мешана шума. Друг пожар е пријавен во село Теарце, општина Теарце, каде што се гори ниска вегетација. Во општина Сарај, во село Радуша, исто така се активни пожари кои зафаќаат сува трева и мешана шума. Четвртиот активен пожар е во општина Кичево, на потегот помеѓу селата Челопејци и Миокази, каде исто така гори мешана шума, соопшти Центарот за управување со кризи.
Надлежните служби постојано апелираат до граѓаните да ги почитуваат сите препораки и забрани за палење оган на отворен простор, со цел да се спречи ширење на пожарите и да се заштитат природните ресурси.
Македонија
Најмногу туристи ни дојдоа од Турција во јуни

Според податоците од Државниот завод за статистика, во јуни годинава во земјата биле регистрирани вкупно 126.415 туристи, од кои 20,1 отсто се домашни, а 79,9 проценти странски туристи.
Од странските туристи кои ја посетиле земјата во јуни 2025 година, најмногу дошле од Турција – вкупно 34.366 лица, следат Србија со 8.897, Германија со 8.011 и Холандија со 3.604 туристи.
Во периодот јануари – јуни 2025 година, во однос на истиот период од претходната година, вкупниот број на туристите е зголемен за 13,5%, со намалување од 2,5% кај домашните туристи и зголемување од 19,7% кај странските туристи. Вкупниот број на ноќевања во првото полугодие се зголемил за 8,5%, при што кај домашните има мало намалување од 1,1%, а кај странските зголемување од 13,3%.