Контакт

Македонија

Иванов помилува 54 лица за Нова година, меѓу кои и Панде Лазаров и Весна Николиќ

Објавено пред

По повод Нова година, претседателот на Република Македонија Ѓорге Иванов помилува 54 осудени лица.

Според Одлуката на Претседателот, од натамошно извршување на казната затвор делумно се ослободуваат 54 осудени лица. Меѓу нив се имињата на поранешниот директор на ЕСМ Панде Лазаров, кој беше осуден на петгодишна затворска казна поради злоупотреба на службената положба, потоа Ѓорѓи Топаловски, кој беше осуден на осум години затвор за убиството што го извршил во 2007 година кај Зоолошката градина во Скопје, Весна Николиќ, која беше осудена на 10 години за аферата „Фиком“, Мариче Пецова, која со првостепената пресуда беше осудена на 11 години затвор за случајот „Керозин“, Флорим Малоку од Косово, осуден на осум години казна затвор за грабеж на Прокредит банка, како и Столе Трпевски кој за случајот „Детонатор“ беше осуден на казна затвор од една година и три месеци.

Во Одлуката, Претседателот се повикува на членот 84, став 1, алинеја 9 од Уставот на Република Македонија, во кој се пропишува дека Претседателот дава помилување во согласност со закон, и на членот 1 од Законот за помилување, во кој се пропишува дека Претседателот на Република Македонија дава помилување на поименично определени лица за кривични дела предвидени со закони на Република Македонија, во согласност со одредбите на Кривичниот закон и одредбите од Законот за помилување.

Делумно се ослободуваат од натамошно извршување на казната затвор осудените лица:
ЗОРАН НАСТЕ ЗДРАВКОВСКИ од Скопје, вo траење од 3 месеци
БЕРАТ ЈАКУП ЈАКУПИ од Скопје, во траење од 6 месеци
БЕКИМ ЗЕКИРИЈА ЈАХИЈА од Скопје, во траење од 6 месеци
ПАНДЕ НИКОЛА ЛАЗАРОВ од Скопје, во траење од 6 месеци
СИНИША ДАНЕ СПАСИЌ од с.Иванковци, во траење од 3 месеци
ИЛИЈА ЉУПЧО НАСТОВ од Кавадарци, во траење од 6 месеци
САШО МОМЧИЛО СТОИЛКОВСКИ од Скопје, во траење од 3 месеци
ЕНИС АКИФ ЏАФЕРОВСКИ од Скопје, во траење од 6 месеци
АЛЕКСАНДАР РАДЕ ДИМИТРОВСКИ од Скопје, во траење од 6 месеци
ИСНИ САДИК ЈАКУПИ од с.Паничари, Скопје, во траење од 6 месеци
ИЛЧО ЉУПЧО СПАСЕНОВСКИ од с.Глоѓи, Тетово, во траење од 6 месеци
ЗЛАТКО ДИМИТРИЈА ЃЕРАСИМОВСКИ од Скопје, во траење од 4 месеци
МАРИЧЕ НИКОЛА ПЕЦОВА од Неготино, во траење од 6 месеци
ВЕСНА СЛАВКО СТАЛЕВСКА НИКОЛИЌ од Скопје, во траење од 6 месеци
МИРЈАНА ИЛИЈА РИСТЕСКА ТРАЈКОВА од Охрид, во траење од 6 месеци
ВАЛЕНТИНА ЗЕФ МЕСУЛИ од Тетово, во траење од 3 месеци
АХМЕТ АРИФ АРИФИ од с.Копаница, Скопје, во траење од 6 месеци
БУРХАН ЌАНИ ТУША од с.Блаце, во траење од 6 месеци
СЕФЕДИН ВЕБИ РАМАДАНИ од Скопје, во траење од 6 месеци
САБИТ МУАМЕТ ДУРАКУ од с.Рашче, Скопје, во траење од 3 месеци
ОЛИВЕР БРАНКО СТАНКОВСКИ од Куманово, во траење од 4 месеци
ЏЕМАЛ ФАДИЉ МЈАКИ од Скопје, во траење од 3 месеци
ЗЛАТКО БЛАГОЈА РИСТЕСКИ од Прилеп, во траење од 6 месеци
ИРФАН АБДУЛБАРИ ИДРИЗИ од с.Џепчиште, Тетово, во траење од 6 месеци
НУХИЈА СЕЛАМ ЏЕМАЉЕДИН од Тетово, во траење од 6 месеци
НУРЕДИН ЏАФЕР НУРЕДИНИ од Скопје, во траење од 6 месеци
СЛАВЧО ЛУЈЗА МИШКОВ од Велес, во траење од 6 месеци
ДЕМИР ФАЗЛИ МЕМЕД од Скопје, во траење од 1 година
ФЛОРИМ МУСЛИ МАЛОКУ од Приштина, Република Косово, во траење од 1 година
ЃОРЃИ ВАСИЛ ТОПАЛОВСКИ од Скопје, во траење од 6 месеци
БЛАГОЈ ЈОВАН КОЦЕВ од с.Пиперево, Струмица, во траење од 3 месеци
САШКО МИРКО НИКОЛОВСКИ од с.Драмче, Делчево, во траење од 3 месеци
ПЕТРЕ БОРИС ВАСКОВ од Штип, во траење од 6 месеци
АЛЕКСАНДАР ВАНГЕЛ ДЕРЕБАНОВ од Охрид, во траење од 2 месеци
МЕДИН АСТРИТ КАБА од с.Велешта, во траење од 3 месеци
ИГОР СЛОБОДАН ЛАЗАРЕСКИ од Струга, во траење од 3 месеци
НИКОЛА РИСТО ЛАЗАРЕВСКИ од Битола, во траење од 3 месеци
ВАСИЛ ВЛАДО ЛАЗАРОВ од с.Прдејци, во траење од 3 месеци
МИОДРАГ ВОЈО ПЕТРУШЕВСКИ од Куманово, во траење од 3 месеци
АВДУЛА ЕСАТ АЗИЗИ од Куманово, во траење од 3 месеци
АЛИ ФАЗЛИ КАДРИЈА од с.Никуштак, во траење од 3 месеци
ЈАШАР ЕДИС БЕЈРАТ од Штип, во траење од 3 месеци
ЕНЕС ЌЕНАН САБЕДИН од Скопје, во траење од 6 месеци
РИСТО СТОЈАН ТИМОВ од Прилеп, во траење од 6 месеци
ЉУБИША ПЕТАР ТАСЕВСКИ од Скопје, во траење од 6 месеци
ЕЛВИР АВДУЛА РИЗВАНОВИЌ од Скопје, во траење од 3 месеци
ЉУБОМИР ДАНЕ СЛАВЕВСКИ од Скопје, во траење од 6 месеци
КОСТАДИН НИКОЛА ДУЛЕВ од Струмица, во траење од 3 месеци
СТОЛЕ ВАНЧО ТРПЕВСКИ од Кочани, во траење од 3 месеци
ЛОКМАН БАСТРИ ЗЕЌИРИ од с.Пирок, во траење од 6 месеци
ЉАТИФ АВДИЉ АЉИМИ од Ново Село, Тетово, во траење од 6 месеци
АЗИЗ РАХМАН АЗИЗИ од с.Падалиште, Гостивар, во траење од 6 месеци
ХАРУН САМЕТ СЕЈДИ од с.Џепчиште, во траење од 3 месеци
ИДРИЗ ЈАШАР РАМАДАНИ од с.Чегране, во траење од 3 месеци.

Оваа Одлука влегува во сила со денот на донесувањето, а ќе се објави во „Службен весник на Република Македонија“./крај/мф/бб

Македонија

Мицкоски: Полицајците на Спасовски и Заев кои злосторнички се здружиле и вршеле притисоци, извршиле тешко кривично дело

Објавено пред

Претседателот на ВМРО-ДПМНЕ Христијан Мицкоски вечерва од Вевчани истакна дека на граѓаните им се случува инфлација, додавајќи дека покрај пораст на цените на горивата, маслото, шеќерот, брашното се очекува силна енергетска криза, а како што вели тој, владата покажала дека не умее да се справи со проблемите и токму поради тоа се потребни промени.

„ Тие се толку отсутни од реалноста што чекаат повторно да дојдеме до голем тресок за да потоа се растрчаат и започнат да обвинуваат други за кризата која што ним им се случува, а од кој жртва е народот. Ако дојде до такви големи шокови, ќе дојде до уште поголема сиромаштија од таа што е до сега. Владата покажа дека не умее да се справува со проблемите, и затоа потребни се сериозни промени, рече Мицкоски.

Мицкоски потенцираше и за скандалот кој што денеска ВМРО-ДПМНЕ го обелодени а тоа е дека полицијата на Оливер Спасовски преку злосторничко здружување вршеле притисоци и малтретирање на народот а со тоа извршиле тешко кривично дело, порачувајќи дека ако народот одлучи да излезе и да гласа и да даде доверба, тогаш полицијата на Спасовски, заканите и поткупот на Заев и обвинителството на Русковска не може да го спасат, бидејќи народот е газда на оваа земја.

Наместо да решаваат вистински проблеми, гледаме дека тие се занимаваат со притисоци, прогон и малтретирање на опозицијата. Тоа го покажува и случајот кој денес го објавивме каде се гледа комуникација помеѓу полицајци блиски до нив, кои направиле злосторничко здружување за да следат, пишуваат казни на народот, малтретираат и заплашуваат. Оној дел од полицијата на Спасовски и Заев кои решиле пред народот да ја стават партијата на власт извршиле тешко кривично дело, директно потврдувајќи зошто земјава е прогласена за хибриден режим. Случајот за кој ви го раскажувам се случи во Прилеп, и ете одговорот за ова го добија, во првиот круг од изборите. Победа на ВМРО-ДПМНЕ во Прилеп и народот над бандитизмот и злоупотребите со повеќе од 7 ипол илјади гласови разлика. Така беше и во останатите 22 општини во Македонија во првиот круг, кога народот гласаше и покрај притисоците, и покрај заканите, и покрај уцените, и покрај поткупот не можат против народот. Ако народот одлучи да гласа и да даде доверба не може полицијата на Спасовски, заканите и поткупот на Заев и обвинителството на Русковска да го спасат. Народот е газда на оваа земја, истакна тој.

Мицкоски ги повика граѓаните на обединување, нагласувајќи дека позади параванот се сами и сами одлучуваат, истакнувајќи дека овие избори се борба на народот против аздисана, корумпирана, арогантна и неспособна власт на СДСМ и Заев.

Немојте да заборавите дека позади параванот сте сами, вие и вашиот глас. Вие и вашата волја да ги промените работите. Промените започнаа, тогаш ајде да ги финишираме со голема победа во недела на народот на Македонија. Затоа и повикувам на обединување против оваа власт. Ова е наша заедничка борба. Ова е борба на народот против оваа аздисана, корумпирана, арогантна и неспособна власт, повика Мицкоски.

Прикажи повеќе...

Македонија

Арсовска: Од Кисела Вода испративме порака дека времето на неработниците и на лажните ветувања е завршено

Објавено пред

Од Кисела Вода испративме порака дека времето на неработниците и на оние што даваат лажни ветувања а ништо не исполнија од тоа што ветија, е завршено. Сега ќе имате свој човек, поточно жена која ќе овозможи вратите на градот секогаш да бидат отворени и за секоја потреба да се најде решение”, им порача независната кандидатка за градоначалник на Скопје, Данела Арсовска, на граѓаните од Кисела Вода при денешната средба.

Арсовска се сретна со граѓаните од 11ти Октомври, Македонија парк, Пржино и Црниче и разговараше со нив за проблемите што ги имаат, што им недостига и им престави според програмата што ја нуди како Кисела Вода ќе стане урбана населба со зеленила, функционална инфраструктура, уреден простор за сите жители и град со чист воздух.

“Програмата е направена според вашите потреби, секојдневните проблеми, маки и барања за решенија. И затоа ќе почнеме да работиме уште од првиот ден и за 82 дена ќе биде многу направено, што некој не успеал да направи ни за 4 години, ние тоа ќе го направиме за 82 дена. А останатиот дел, поголемите и покрупни проекти ќе бидат решени уште во првата половина од мандатот. Ако нешто се сака и се може, а сите овие барања се потребни и затоа проектите се реални и остварливи”, истакна Арсовска.

Жителите на Кисела Вода се пожалија на преголемата изградба на згради, неплански, узурпирање на јавниот простор, канализациски и инфраструктурни проблеми.

Арсовска уште им порача на жителите на Кисела Вода дека обврска на Град Скопје е генералниот план да им го даде на увид на граѓаните, да знаат што се планира и што ќе се гради во иднина. “Овој град треба да биде отворен за сите, да може секој да најде одговор на своите барања и да си го реши проблемот, без чекање, без одлагање. Имам цел а и задача да направам овој град да биде гордост за сите нас”, истакна Арсовска.

Прикажи повеќе...

Македонија

Почина Атанас Вангелов – книжевен научник, филолог, пратеник

Објавено пред

Денес, во седумдесет и петтата година од животот почина проф. д-р Атанас Вангелов (1946-2021) – сестран филолог, книжевен научник, литературен теоретичар, критичар и есеист, повеќестран автор, поет, раскажувач, романсиер, драмски автор, преведувач, публицист.

Бил истакнат општественик, амбасадор на Република Македонија во Република Унгарија, пратеник во Собранието на Република Македонија, пратеник во Советот на Европа, директор на Државниот архив на Македонија.

Бил декан и продекан на Филолошкиот факултет „Блаже Конески“ во Скопје, раководител и долгогодишен универзитетски професор по предметот Теорија на книжевност на Катедрата за македонска книжевност и јужнословенски книжевности. Бил лектор и наставник по македонски јазик и литература на ИНАЛКО при Универзитетот „Сорбона‟ во Париз.

Бил претседател на Советот на „Струшките вечери на поезијата“ и член на Друштвото на писателите на Македонија.

Роден е во Богданци на 6 февруари 1946 година. Завршил Филолошки факултет во Скопје, каде што магистрирал на тема „Артизмот и современата македонска литература“ и докторирал на тема „Семантичките фигури во македонската народна лирика“.

Автор е на книгите: Земјата на цветот (поезија, 1966), Препев на планината (поезија, 1970), Мистер Порфирие (телевизиска драма, 1971), Живеалиште (поезија, 1974), Глетки и привиденија (поезија, 1977), Песме/Песни (двојазичен избор, поезија, 1978), Артизмот и современата македонска поезија (студија, 1978), Преданија (поезија, 1978), Литературни студии (1981), Строго доверливо (поезија, 1985), Решето (критики, 1985), Неодредени лични заменки (драма, 1986), Семантички фигури во македонската народна лирика (студија, 1987), Траги (поезија, 1991), Преписите на Божин Павловски (студија, 1992), Traces (избор поезија на англиски, 1993), Микрочитања (критики, 1993), На безгласје глас (поема, 1994), Гласови, траги (избор поезија, 1995), Исказот и стварноста (критики, 1995), Водопад (избор поезија, 1998), Морфологија на бо(љ)шевизмот (студија, 1998), Pro et contra македонизми (колумни, 1998), Див занес (роман, 2002), Македонски писатели (I) (критики, 2004), Маките на Моцарт од Жван (студија, 2007), Изучување на молкот (избор поезија, 2008), Looking for dogwood (избор поезија на англиски, 2010), Деспот Караѓоз (студија, 2010), Studying the silence (избор поезија на англиски, 2011), Неодређене личне заменице (драма, превод на српски, 2012), Деспот Кољ (драма, 2020), Лирската биографија на Конески (студија, 2020) и Филолошката критика на Конески (студија, 2021).

Добитник е на наградите: „Млад борец“, „Браќа Миладиновци“, „Божидар Настев“, „Димитар Митрев“ (два пати), „Златно перо“, „Григор Прличев“, „11 Октомври”.

Прикажи повеќе...

Најново

Регион10 часа

Словенечкиот премиер и министерот за одбрана добија писма со смртна закана

Словенечкиот премиер Јанез Јанша добил пратка со закана за смрт за нему и неговото семејство, а слична закана добил и...

Регион13 часа

Ердоган протерува десет амбасадори

Турскиот претседател Реџеп Таип Ердоган се закани дека ќе протера десет западни амбасадори, меѓу кои седум членки на НАТО. Во...

Македонија13 часа

16 починати и 227 новозаболени од Ковид-19

Министерството за здравство информира, согласно податоците од Институтот за јавно здравје дека во последните 24 часа направени се 2.595 тестирањe,...

Топ15 часа

Тела на починати мигранти пронајдени во гевгелиско

Тела на две починати лица, најверојатно мигранти, вчера биле пронајдени на местото викано „Јаворица“, атар на с.Миравци, гевгелиско. По овластување...

Регион17 часа

Српски виролог: Ковид – пропусниците треба да важат 24 часа, а не само по 22 часот

Ковид – пропусниците во Србија се воведени доцна и неправилно бидејќи треба да важат 24 часа, а не само од...

Регион18 часа

Брнабиќ откри дека било планирано убиство на Вучиќ

Премиерката на Србија, Ана Брнабиќ, изјави дека било планирано убиство на претседателот на Србија, Александар Вучиќ. Според неа, атентатот бил...

Свет19 часа

Во Кина вакцинирани 75 отсто од населението

Кина досега целосно вакцинираше 75,6 отсто од своето население против коронавирусот, изјави портпаролот на Националната здравствена комисија Ми Фенг. „Околу...

Топ20 часа

Автомобил излета од патот кај Ласкарци, едно лице загина, тројца тешко повредени

Едно лице загина, а три се тешко повредени во сообраќајна несреќа што се случила на автопатот Тетово – Скопје. Според...

Македонија1 ден

Во Македонија 482 нови случаи на коронавирус, 12 починати

Во последните 24 часа во Македонија се потврдени 482 нови случаи на коронавирус, а 12 лица починаа, информира Министерството за...

Македонија2 дена

Мицкоски за Бугарија: Ние нема да им ветуваме сѐ и сешто

Ние нема како Заев да ги вовлекуваме во некои непринципиелни односи ветувајќи им се и сешто, од нас може да...

Македонија2 дена

(Видео) Заев најави дека во вториот круг СДСМ ќе ги поддржи кандидатите на своите коалициски партнери

Премиерот Зоран Заев кажа дека во вториот круг од локалните избори СДСМ ќе ги поддржи кандидатите на своите коалициски партнери....

Свет2 дена

Русија се соочува со рекорден број починати и заболени со коронавирус – Путин донесе построги мерки

Во Русија, петти ден по ред, е поставен нов рекорд, 1.075 починати од Ковид-19 и 37.678 нови инфекции во изминатите...

Македонија2 дена

Две дози вакцина примиле 46 отсто од полнолетните граѓани, а 4.720 примиле трета доза

Во текот на вчерашниот ден аплицирани се вкупно 6.830 дози вакцини, од кои 638 се аплицирани како прва доза, 1.472...

Свет2 дена

Австрија ги заострува мерките – воведува „локдаун“ за невакцинираните

Во Австрија од 1 ноември вработените ќе можат да доаѓаат на работа само доколку се вакцинирани, ако прележале коронавирус или...

Регион2 дена

Хрватските граѓани од денеска во САД можат да патуваат без визи

Од денеска на хрватските граѓани им е овозможено да патуваат во САД без виза, објави Американската амбасада во Загреб. Оваа...

Свет2 дена

Нови детали: На снимањето на филмот имало и други проблеми и инциденти

Пиштолот од кој актерот Алек Болдвин пукаше на снимањето на филм и ја уби директорката на фотографија, му го дал...

Македонија3 дена

Ангел Димитров: Сè потешко ми е да информирам за работата на заедничката комисија за историски прашања

Сè потешко ми е да ве информирам за работата на нашата комисија. Не сме во позиција бидејќи не се постигнати...

Македонија3 дена

Регистрирани 411 нови случаи на Ковид-19, пријавени се 4 починати лица

Министерството за здравство информира, во согласност со податоците од Институтот за јавно здравје, дека во последните 24 часа биле направени...

Свет3 дена

Вакцината на „Фајзер“ со ефикасност од 90,7 отсто кај децата на возраст меѓу 5 и 11 години

Неодамнешните истражувања покажаа дека вакцината на „Фајзер“ против коронавирусот е 90,7 проценти ефикасна во спречувањето симптоматски инфекции кај деца на...

Свет3 дена

(Видео) Емотивно во Брисел на последниот самит на Меркел – канцеларката испратена со овации

Лидерите на ЕУ собрани на самитот во Брисел со внатрешна церемонија се простија од Ангела Меркел, за која ова беше...

Досие