Македонија
(Видео) Избран нов заменик-претседател на Судскиот совет, решен бил да носи мудри и храбри одлуки

Судијата Ханиф Зендели е избран за нов заменик-претседател на Судскиот совет. Тој беше предлог на членот Ивица Николовски. Како нов челник на Советот посочи дека може да се донесат мудри и паметни одлуки.
„Многу кажа колегата Ивица. Благодарам на поддршката. Состојбата е таква каква што е, сите знаеме. Во оваа состојба мислам дека заедно можеме да постигнеме резултати. Да направиме чекори што му личат на еден судски совет, да донесеме мудри, паметни и добри одлуки“, рече Ханиф Зендели.
Претходно, Николовски рече дека Зендели може да раководи со Советот.
„Мојот предлог е за заменик-претседател, го предлагам Ханиф Зендели. Колегата е долгогодишен судија, помина основен суд, подолг период беше и апелациски судија. Исто така, тој беше претседател и на суд. Овие негови придобивки ми даваат надеж дека располага со знаења и доволно искуство во менаџирањето како претседател во комуникациите суд – Судски совет. Како член на Судскиот совет е подолг период тука, така што имал можност да го збогати своето искуство во решавањето на потребите, т.е. проблемите поврзани со судството. Во овој момент двајца судии ќе раководат со Судскиот совет“, рече Ивица Николовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Непречен сообраќај по влажни коловози низ државата

Сообраќајот на државните патишта се одвивa непречено, по влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја дел од Гази Баба

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 12.00 часот, корисниците од улица Трубарево – крак 2, општина Гази Баба.
Македонија
Променливо облачно со повремени врнежи од дожд

Времето денеска променливо облачно со повремени врнежи од дожд, пообилни во источните делови (над 15 l/m2). Ќе дува слаб до умерен ветер од северен правец.
Минималната температура ќе биде во интервал од 4 до 10, а максималната ќе достигне од 12 до 17 степени.
Во Скопје, променливо облачно со повремени врнежи од дожд. Ќе дува слаб до умерен ветер од северен правец. Минималната температура ќе се спушти до 9, а максималната ќе достигне до 16 степени.
Во сабота времето ќе биде променливо облачно со сончеви периоди и со услови за локална појава на нестабилност со пороен дожд, грмежи и засилен ветер.
Во недела ќе има брз продор на студена воздушна маса од север и врнежи од дожд, на планините и на повисоките места од снег.
Ќе дува засилен северен ветер, температурите значително ќе опаднат и врнежи од снег се очекуваат и во некои од пониските места.
Во понеделник наместа ќе провејува слаб снег, а утринските температури на повеќе места ќе бидат негативни.