Македонија
„Институциите го игнорираат прашањето за внатрешно раселените лица од војната во 2001 година“, велат од партијата Левица
„Во месец декември, Секторот за политички систем при политичката партија Левица го актуелизираше прашањето за над 70.000 внатрешно раселени лица од страна на терористичката УЧК во воениот конфликт во 2001 година и поднесе Жалба на неодговореното Барање за информации од јавен карактер од страна на Министерството на Артан Груби“, соопшти партијата Левица.
„Поднесената жалба беше усвоена од страна на Агенцијата за информации од јавен карактер со која се наложува Министерството да одговори во законски дадениот рок од две недели. Ова наложување, Министерството за политички систем и односи помеѓу заедниците не го испочитува, бидејќи за Артан Груби не важат закони.
За ова непостапување од страна на Министерството на Груби, како и целокупната документација, беа испратени до: вицепремиерката за добро владеење, Славица Грковска, како и до сите останати релевантни државни институции, меѓународни и локални НВО, кои се занимаваат во областа на човековите права, како и нашите до „стратешки партнери“: Европската Унија, како и релевантните амбасади, кои даваат безрезервна поддршка на необалистите од ДУИ.
По испратениот маил со сите информации, народниот правобранител отвори претставка против Министерството. Одговор не добивме, ниту од вицепремиерката Славица Грковска, ниту од „загрижените“ невладини организации, кои постојано говорат за „граѓански права“, ниту од „демократската“ ЕУ, која постојано говори дека е загрижена за човековите права во Македонија, додека дава поддршка на најголемите прекршители на истите.
Оттука се поставуваат прашањата: Зошто никој не презема одговорност за уништениот живот на огромниот број семејства и дали е еден граѓанин принуден да тужи, за да ги оствари своите уставно загарантирани права?“, се наведува во соопштението на партијата Левица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Сервисни информации
Променливо облачно и нестабилно, наместа со пороен дожд и грмежи
Времето денеска, ќе биде променливо облачно и нестабилно, наместа со пороен дожд и грмежи. Особено попладне и локално процесите ќе бидат поинтензивни во форма на невреме со пообилен дожд за кратко време, силни електрични празнења, засилен ветер и појава на град. Минималната температура ќе биде во интервал од 7 до 13, а максималната ќе достигне од 16 до 23 степени.
Во Скопје времето ќе биде променливо облачно и нестабилно со пороен дожд, грмежи и засилен ветер. Во делови од котлината ќе има услови за појава на краткотрајно невреме. Минималната температура ќе се спушти до 11, а максималната ќе достигне до 22 степени.
До петок времето ќе биде променливо облачно и посвежо, на повеќе места нестабилно со пороен дожд и грмежи. Локално процесите ќе бидат поинтензивни во форма на невреме со пообилен дожд за кратко време, силни електрични празнења, засилен ветер и појава на град. Во сабота ќе биде краткотрајно претежно стабилно, а потоа се очеку променливо време со послаба нестабилност.
Македонија
ДИК: ВМРО-ДПМНЕ освои 59 мандати, СДСМ 19, Европски фронт 18, ВЛЕН 13, Левица 6 и ЗНАМ 5 мандати
Државната изборна комисија ги објави првичните резултати за парламентарните избори, а бројките ги потврдија пресметките на партиските штабови.
„На ниво на држава по мандати коалицијата ’Твоја Македонија’ со ВМРО-ДПМНЕ освои 59 мандати, коалиција ’За европска иднина’ со СДСМ 19 мандати. Коалицијата ’Европски фронт’ има 18 мандати, коалиција ВЛЕН 13 мандати, политичка партија Левица 6 мандати и ЗНАМ 5 мандати. Може да се случат некои мали промени да претрпат овие бројки. 94,05 е голем процент на обработени податоци, не верувам дека ќе има некои сериозни промени. Тоа ќе го знаеме веќе утре“, рече претседателот на Државната изборна комисија, Александар Даштевски.
Вечерва почнаа да течат и рокови за приговори за парламентарните избори. Приговори за текот на гласањето може да се поднесат до 19 часот на десетти мај, а приговори за сумирање и утврдување резултати до 23.30 часот исто така на десетти мај.
Македонија
ВМРО-ДПМНЕ ја слави двојната победа, Мицкоски порача: Сите кои што мислеа дека можат да ја уништат Македонија, завршија на буниште
Членовите на партијата ВМРО-ДПМНЕ, заедно со своите симпатизери ја слават победата на претседателските и парламентарните избори на плоштадот во Скопје.
На насобраните луѓе им се обрати лидерот на ВМРО-ДПМНЕ, Христијан Мицкоски.
„Ја ослободивме Македонија. Сите тие кои што мислеа дека можат да ја ограбат Македонија, да ја понижат, да ја уништат, денеска завршија на буниште, а набргу ќе одговараат“, порача тој.
Мицкоски претходно ги повика граѓаните да дојдат на плоштадите низ сите градови на Македонија заедно да ја прослават победата.