Македонија
Искрениот коментар на холандскиот амбасадор им ја потопи кампањата за европскиот фронт на ДУИ и СДС, велат од ВМРО-ДПМНЕ

Од ВМРО-ДПМНЕ велат дека прво беше загрозена безбедноста на македонското небо, два НАТО авиони слетувале додека бандитите на ДУИ тепале вработени во М-НАВ, а сега и амбасадор на земја членка на ЕУ укажува на криминалот и корупцијата кои се вистинскиот проблем зошто Македонија не е членка на ЕУ, сето ова во првите две недели од новата година.
„Политичкото влијание на ДУИ и СДС врз правосудството се гледа и по ослободувањето на бандитите од ДУИ кои упаднаа во М-НАВ, едниот оди на работа со луѓето кои ги тепал, 4 не се достапни за полицијата, а другите се дома, и тоа не за учество во маалско семејна тепачка како што Ковачевски сака да претстави, туку за организиран упад во контрола на летање. Нема толкав криминал што може ДУИ да направи, а судиите под нивна и контрола на СДС да не го амнестираат“, додаваат од ВМРО-ДПМНЕ.
Соред нив, правосудството е целосно во канџите на власта, а притисоците се секојдневие.
„Искрениот коментар на холандскиот амбасадор, им ја потопи кампањата за европскиот фронт на ДУИ и СДС, државата страшно застранила од европскиот пат. Никогаш не било полошо. Важно е да ги поразиме“, завршуваат од ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода дел од Кисела Вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека денеска поради изведување на водоводен приклучок на водоводна мрежа со пречник од Ф-150 мм на улицата Христо Татарчев бр. 47, прекинато водоснабдување ќе имаат корисниците од истата улица и кулите – Расдник, oпштина Кисела Вода.
Водоснабдувањето ќе биде прекинато од 09:00 часот до завршување на работните активности.
Македонија
Сончево и топло, максималната температура ќе достигне до 34 степени

Времето денеска ќе биде сончево и топло со мала локална облачност. Ќе дува слаб до умерен, а наместа долж Повардарието повремено засилен ветер од северен правец. Минималната температура ќе биде во интервал од 9 до 19, а максималната ќе достигне од 27 до 34 степени.
Во Скопје, сончево и топло. Ќе дува умерен, во делови од котлината повремено засилен ветер од северен правец. Минималната температура ќе се спушти до 17, а максималната ќе достигне до 34 степени.
Времето во наредните денови
Во следните денови времето ќе биде стабилно, претежно сончево и топло. Ќе дува умерен, во сабота наместа долж Повардарието повремено засилен северен ветер.
Македонија
„Уапсени се полицајци и полициски функционери кои биле на смена кобната вечер“: СДСМ ја поздрави акцијата на ОЈО ГОК за Кочани

„Ја поздравуваме вечерашната акција на Обвинителството за организиран криминал и корупција во која се лишени од слобода полицајци и полициски функционери кои биле на смена кобната вечер на 16 март во т.н. дискотека Пулс во Кочани“, соопшти СДСМ.
„Фактот што четири месеци ВМРО-ДПМНЕ се обидуваше да ја сокрие одговорноста на полицајците и полициските функционери, фактот што нивната вина беше негирана од страна на Панче Тошковски и Христијан Мицкоски укажува на тоа дека сите биле вмешани или на некој начин знаеле за нелегалното работење на Пулс и тоа го одобрувале.
Само поради обидите да се сокрие одговорноста од страна на Тошковски и Мицкоски на лицата кои тие ги поставија за полицајци, командири и началници би требало веднаш да си поднесат оставки.
Одговорност мора да има и за Александар Јанев, директорот на БЈБ. Тошковски и Јанев не смеат повеќе да ја попречуваат истрагата ниту да влијаат некој да не сноси одговорност.
Вистината за Кочани која цела недела ја објавуваше СДСМ е точна. Се покажа дека без силен притисок на јавноста, на дел од медиумите и на СДСМ нема да има правда за Кочани. Време е за одговорност, време е за оставки“, се додава во соопштението на СДСМ.