Македонија
Исмет Гури: Избламирани сме со судењето и нарушен ни е интегритетот

Во кривичниот суд по четврти пат од почеток почна судењето за предметот на СЈО за уништување изборен материјал во предметот „Титаник 3“. Претседател на судечкиот совет е судијката Марија Клетничка.
Обвинетите Исмет Гури и Ејуп Алими рекоа дека во согласност со Законот за употреба на јазиците бараат обвинението и сите досегашни списи да им бидат преведени на албански јазик.
„Текстуално разбирам за што сум обвинет, а суштински не“, рече Исмет Гури. „Толку сме избламирани со судењето што ни е нарушен интегритетот“, кажа пред судот обвинетиот Исмет Гури. И двајцата рекоа дека не се чувствуваат виновни.
Судењето почна од почеток откако судијката Оља Ристова побара да биде изземена поради изјава на специјалната јавна обвинителка Катица Јанева и написите во медиумите, со кои, како што беше официјално соопштено, се вршел притисок врз судот во врска со заканите кои му ги упатил адвокатот на Ејуп Алими, Мефаил Исмаили на обвинителот Гаврил Бубевски, како и поради начинот на водењето на предметот.
Претходните одлагања на овој предмет беа поради промена на судечкиот совет. Во „Титаник 3″, за уништување изборен материјал обвинети се координаторот на ДУИ, Ејуп Алими и Исмет Гури. Првото рочиште се одржа на 16 март 2018 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Постапка против осум лица за масовна тепачка во Скопје: фрактура на черепот со крварење на мозокот, скршена долна вилица

Јавен обвинител од Основното јавно обвинителство Скопје поведе постапка против осум лица заради учество во масовна тепачка на улицата „Славеј Планина”, од кои едно се товари за обид да изврши кривично дело – Убиство од член 123 став 1 во врска со член 19, едно за нанесување тешка телесна повреда што е казниво според член 131 став 1, додека шест се осомничени за кривично дело – Учество во тепачка од член 132 став 1 од Кривичниот законик.
До тепачката дошло поради нерасчистени семејни односи меѓу две групи. За обид за убиство е осомничено лице кое во тепачката користело дрвена даска со која тешко повредил едно лице од спротивставениот табор, нанесувајќи му фрактура на черепот со крварење на мозокот. Друг осомничен нанел тешка телесна повреда – скршена долна вилица, удирајќи со тупаници еден од останатите учесници во инцидентот. Сите останати се осомничени за учество во тепачката, која се случила на 16 август.
За осомничениот за обид за убиство, ценејќи ги сите околности под кои тој ги извршил дејствијата и фактот дека станува збор за млада личност која тукушто наполнила 18 години, но кај која сепак постои ризик од бегство, влијание врз сведоци или повторување на делото, јавниот обвинител предложи мерка куќен притвор. За останатите учесници во кривично-правниот настан предложени се мерки на претпазливост.
Македонија
Променливо облачно, посвежо и нестабилно со локален пороен дожд и грмежи

Времето денеска ќе биде променливо облачно, посвежо и нестабилно со локален пороен дожд и грмежи. Наместа процесите ќе бидат поинтензивни со пообилен пороен дожд за кратко време (над 15 l/m²) и услови за краткотрајно невреме со засилен ветер и изолирана појава на град.
Минималната температура ќе биде во интервал од 10 до 18, а максималната ќе достигне од 24 до 32 степена.
Во Скопје, променливо облачно и нестабилно со пороен дожд и грмежи. Во делови од котлината ќе има услови за краткотрајно невреме со засилен ветер и изолирана појава на град. Минималната температура ќе се спушти до 16, а максималната ќе достигне до 30 степени.
Времето во наредните денови
До петок ќе преовладува претежно стабилно време со постепен пораст на дневната температура.
Македонија
Дел од Карпош денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 10.00 до 14.30 часот, корисниците на улица Нерешка со број 10,12,14 и 16. (Општина Карпош)