Македонија
ИЈЗ: Зголемен бројот на починати лица од Ковид-19 во однос на минатата недела

Според неделниот извештај на Институтот за јавно здравје, во периодот од 29 март до 4 април 2021 биле тестирани вкупно 26.142 материјали во лабораториите во кои се спроведува молекуларно и антигенско тестирање за присуство на SARS-CoV-2, со зголемување од 5,0 % во однос на минатата недела. Притоа биле регистрирани 7.933 нови позитивни случаи од 35 града во државата со зголемување од 6,9 % во однос на минатата недела, информираат од ИЈЗ.
Најголем дел од регистрираните случаи се од Скопје, дури 44,5 %, со неделна инциденца –572,2/100.000.
Највисока неделна инциденца од 583,3/100.000 е регистрирана во ПЕ Кавадарци, велат од Институтот.
Според податоците од таму, процентот на позитивност во споменатиот период се движи од 21,0 до 35,2 % или во просек 29,3 %, со зголемување од 1,7 % во однос на минатата недела.
Биле регистрирани заболени лица од сите возрасни групи.
Сепак, потенцираат дека најзастапена е возрасната група на лица на возраст над 60 години со 30,2 %.
Голем број заболени се регистрирани и кај лицата во возрасните групи од 50 до 59 години или 17,9 %, лицата на возраст од 30 до 39 со 17,8 %, оние од 40 до 49 со 16,6 % и на возраст од 20 до 29 со 11,6 %. Најмал број е регистриран кај децата од 0 до 9 со 1,2 % и од 10 до 19 години со 4,8 %.
Од ИЈЗ информираат дека по добиени 2 негативни теста за присуство на SARS-CoV-2 или со употреба на новиот алгоритам статус оздравени стекнале 4.861 лице, кои биле хоспитализирани или на домашно лекување, со зголемување од 19,8 % во споредба со минатата недела.
Биле пријавени и 260 смртни случаи од 27 града или дури 27,5 % повеќе во однос на минатата недела, велат од ИЈЗ.
Во однос на возраста, 215 лицa биле над 60 години, 27 лица на возраст од 50 до 59 години, 13 лица од возрасната група од 40 до 49 години, 4 лица од групата 30-39 години и едно лице од груапта 20-29 години.
Од Институтот информираат дека на 17.2.2021 во РС Македонија почна вакцинацијата против Ковид-19.
Заклучно со 4.4.2021 вкупно се вакцинирани 7.009 здравствени работници со првата доза или 4.015 со „Фајзер/Бионтек“, 2.996 со „спутник В“ и 4.413 (3.805 – „Фајзер/Бионтек“ и 608 – „спутник В“) со втора доза од вакцината против Ковид-19.
ИЈЗ потсетува дека од 31.3.2021 почна вакцинацијата на населението за лицата над 77 години и заклучно со 4.4.2021 вакцинирани се 1.968 лица.
Детаљниот извештај на Институтот за јавно здравје за состојбата со Ковид-19 за периодот од 29 март до 4 април 2021 година, како и кумулативната состојба со Ковид-19 во Република Северна Македонија, се објавува на веб-страницата на Институтот за јавно здравје: http://iph.mk/.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Партиите од ВЛЕН отсега ќе делуваат како еден политички субјект

Коалицијата ВЛЕН известува дека „денес е направен првиот чекор кон целосно политичко обединување, со заедничка визија и обединета структура, како единствена сила што ја претставува надежта, достоинството и иднината на Албанците во оваа земја“.
„На денешниот состанок беше формирано Заедничкото Претседателство на ВЛЕН, како прв орган што ќе ги координира сите политички и организациски активности на коалициско ниво.
Од денес стапува во сила мораториум на јавните активности на политичките партии учеснички во ВЛЕН, при што сите активности и настапи ќе се реализираат исклучиво под името, логото и единственото претставување на ВЛЕН.
Во наредниот период ќе се формираат и другите заеднички органи, вклучително и Раководството на ВЛЕН и Шефот на Изборниот штаб, кој ќе ја води подготовката за претстојните избори.
Пратеничката група на ВЛЕН ќе продолжи да функционира со актуелните пратеници кои го поддржуваат процесот на обединување и се посветени на јакнење на заедничкиот глас на Албанците“, велат од ВЛЕН.
Македонија
(Видео) Запален домот на Александар Пандов: Нема да не запрат и нема да не поколебаат

Директорот на Управата за извршување на санкции, Александар Пандов на социјалните мрежи објави дека му бил запален домот.
„Ова е данокот за нашата борба за владеење на правото без калкулации? Ова е цената за удирањето по мафијата! Домот ми беше запален, и имам основано сомневање дека станува збор за смислен атак на криминалците!
Нема да не запрат и нема да не поколебаат. Никој не е над законот! Нема враќање назад кога се бориш за правдата. И кога ќе тргнеш против криминалот, тој се брани со насилство. Но ова нема да ме запре — напротив, само не зајакнува!“, напиша Пандов.
Тој додаде дека очекува институциите да го најдат и казнат сторителот.
Македонија
Милошоски: Не помина интерпелацијата на Левица и СДСМ за Тошковски, целта им беше лична дискредирација и злоупотреба на трагедијата

„Не помина интерпелацијата на Левица и СДСМ против МВР, Панче Тошковски. Целта им беше провидна“, напиша на социјалните мрежи Антонио Милошоски.
„Прво лична дискредитација на Тошковски, а потоа злоупотреба на семејните емоции од големата трагедија во Кочани. Манипулативни намери, наместо реални предлози и поддршка“, додаде тој.