Македонија
И другите членови на Судскиот совет да си поднесат оставки, велат од Коалицијата „Сите за правично судење“
Коалицијата „Сите за правично судење“ ја поздравува одлуката на членовите на Судскиот совет кои денес поднесоа оставка од нивната функција.
Од Коалицијата се надеваат и ги охрабруваат и останатите членови на Судскиот совет да поднесат оставки како би можело понатаму да се изберат нови членови на ова тело кое ќе биде легитимно во извршување на своите надлежности согласно Законот.
„Судскиот совет е тело од исклучително значење за гарантирање на независноста и професионалноста на работењето на судиите, а сé со цел да им се овозможи на граѓаните да имаат фер и правично судење пред независен и непристрасен суд. Дополнително, начинот на работата на Судскиот совет влијае на зголемување на довербата на граѓаните во судскиот систем“, велат од Коалицијата „Сите за правично судење“.
Претходно денес, судиите Зоран Герасимовски и Мирјана Радевска-Стефкова поднесоа оставки од функциите членови на Судскиот совет. Причините за овој чекор се непознати за јавноста, а оставките се депонирани до претседателот Сашко Георгиев. Од Судскиот совет за „Макфакс“ потврдија дека двете оставки се архивирани, но досега не е закажана седница за нивно констатирање.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба Османи – Конаковиќ
Министерот за надворешни работи, Бујар Османи, во рамки на состанокот на министрите за надворешни работи на Процесот за соработка на Југоисточна Европа (ПСЈИЕ), кој се одржува во Скопје, оствари билатерална средба со министерот за надворешни работи на Босна и Херцеговина, Елмедин Конаковиќ.
Соговорниците го поздравија постигнатиот консензус за новиот Генерален секретар на РСС, Амер Капетановиќ, што претставува значаен успех на нашето претседавање со ПСЈИЕ.
Во фокусот на разговорите беше билатералната соработка, подготвеноста за унапредување на регионалната соработка со цел справување со предизвиците за регионална безбедност и европската интеграција на Западен Балкан, нагласувајќи дека напредокот во овој процес е од круцијално значење за стабилноста и просперитетот на земјите од регионот.
Воедно, стана збор и за усвојувањето на Резолуцијата за Сребреница од страна на Генералното собрание на ОН и прогласувањето на 11 јули за Меѓународен ден на сеќавање и комеморација на геноцидот извршен во Сребреница во 1995 година. Османи потенцираше дека Република Северна Македонија одлучи не само да ја поддржи, туку и да ја коспонзорира резолуцијата на Обединетите Нации за сеќавање на жртвите од геноцидот во Сребреница, бидејќи осуда на геноцид е универзална човекова должност и тоа не е поврзана со било која припадност.
Македонија
Средба на претседателката Сиљановска Давкова со Денис Беќировиќ, претседавач на Претседателството на БиХ
Претседателката Гордана Сиљановска Давкова, денеска во Вила Водно, во пресрет на одржувањето на Самитот на шефови на држави и влади на учесниците во Процесот за соработка во Југоисточна Европа, оствари средба со претседавачот на Претседателството на Босна и Херцеговина, Денис Беќировиќ.
На средбата беа разменети мислења за севкупните билатерални односи, за актуелните состојби и европската перспектива на двете земји, како и за безбедносните и политички аспекти во регионот.
Двајцата соговорници ги потврдија заложбите за целосна интеграција во Европската Унија и изразија подготвеност за размена на искуства, меѓусебна помош и поддршка во реформските процеси.
На средбата беше посочена важноста од натамошно унапредување на меѓународната и соработката во регионалните иницијативи, со цел интензивирање на евроинтеграциите и справување со предизвиците на регионално ниво.
Соговорниците ја потврдија взаемната заложба за натамошно интензивирање на соработката во сите области од заеднички интерес и ја посочија потребата од подобрување на инфраструктурното поврзување.
Скопје
Асфалтирање на седум нови улици во Стопански двор во Ѓорче Петров
Општина Ѓорче Петров денеска стартуваше со асфалтирање на улицата 52 во Стопански Двор која има шест краци. Улицата конечно добива нов асфалт на главната артерија, а следно и на краците во должина од приближно 1.200 метри или над 3.000 м2 површина.
Како локална единица, Општина Ѓорче Петров досега самостојно реконструираше над 60-тина улици во општината со што значително се подобри инфраструктурата.
„Пружената рака со граѓаните е наша заложба дека ќе го решиме нивниот проблем. Никогаш не ветувам ако не можам да остварам, и никогаш не отстапувам ако ветам. Денеска на мое задоволство остваривме уште едно ветување за кое долги години се бараше решение, проблем кој се провлекуваше со години и никој сериозно не се заложи да им го реши на граѓаните на ул.52 во Стопански Двор“, рече градоначалникот Александар Стојкоски.
Тој истовремено најави и нова градежна офанзива во сите делови на Ѓорче Петров.
„Ве уверувам дека лошата патна инфраструктура во нашата општина ќе биде минато“, подвлече Стојкоски.