Македонија
„Како канцери со метастази сте се закачиле на државниот организам“, остри реакции за децата и снаите што стануваат судии и обвинители
Остри реакции, негодувања, но и иронија, донесоа снаите, синовите ќерките и сопругите на политичари и обвинители, кои положија завршен испит на Академијата за судии и јавни обвинители и се на чекор да гонат или судат криминал. Адвокатот Јанаки Митровски не е изненаден што 18 отсто од положените кандидати се деца на звучни имиња. Драган Пешевски, исто така адвокат, остро реагира и вели: „Срам да ви е!“ Воислав Димоски, адвокат и ексобвинител, смета дека решение за ваквата појава е ветинг (проверка).
Митровски смета дека има проблем во изборот на вакви кадри за судии и обвинители.
„Воопшто не сум изненаден од информациите што излегоа во јавност дека една петтина од конечната ранг-листа се деца на политичари, судии, обвинители. Напротив, изненаден сум од нискиот процент и очекував да биде двојно поголем. Како адвокат што имал родител етаблиран адвокат можам да направам компарација. Конкретно, јас дипломирав во петок и почнав во понеделник. Сум ги поминал сите чекори од носење бурек до пишување жалби. Сметам дека не им прават добро на своите деца бидејќи од самиот почеток им го подриваат авторитетот“, посочи Митровски за „Макфакс“.
Пешевски посочува дека со вакви избори ќе нема кој да ги гони високиот криминал и корупцијата.
Само децата на политички подобните и моќните ќе нè гонат и судат. Кој ќе го гони својот татко, брат, сестра, роднина за висок криминал и корупција? Никој, точно! Ќе го ‘јадат’ обични смртници за релативно ситен криминал за да може овие горенаведените да покажат дека работат нешто. Ама и тие обични ќе фатат џаде од тука и после што? Како канцери со метастази сте се закачиле на државниот организам и го ништите без усул, ама знаете што… кога ќе умре организмот и канцерот умира со него, така што последицата е таа. Срам да ви е!“, пишува адвокатот.
Според адвокатот Димоски, само ветинг може да ја реши оваа појава.
„Кога роднини на политичари стануваат кандидати за судии, има поле да зборуваме за сторена злоупотреба на положбата. Кога деца/сопружници на судии и обвинители стануваат кандидати за правосудни функционери, има поле да зборуваме за корупција. Ако некој ме прашува мене, сето ова треба да биде опфатено со ветинг.
п.с. Ова како родител: Им правите мечкина услуга на вашите деца. Јасно е дека немајќи можност да им оставите занает, во наследство им ги оставате функциите! Единствено што треба да остави во наследство одговорен родител е чист образ! Нормално, ако го има“, посочува Димовски.
„Макфакс“ објави дека речиси 18 проценти од положените кандидати, кои се идни судии и обвинители, се синови, ќерки, снаи и сопруги на актуелни политичари, сегашни и поранешни судии и обвинители. Ова го покажува јавно објавената ранг-листа на Академијата за судии и обвинители „Павел Шатев“. Од 58 кандидати, само еден го нема положено завршниот испит. Во листата има и многу звучни имиња.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Здружението на судии загрижено за изјавите за Управниот суд: со нив се врши притисок врз судиите и судиското одлучуваљње
Здружението на судии во врска со реакцијата на Управниот суд на РСМ, ја искажува својата загриженост за изјавите на поединци со кои, како што се истакнува во соопштението, директно или индиректно се врши притисок врз судиите и судиското постапување и одлучување.
Како што велат, припадноста кон одредена политичка партија и можноста за идно владеење односно учество во извршната власт, не смее да се користи за коментирање, заканување или влијание врз судиското одлучување.
Оценуваат дека таквите изјави се штетни пред се за политичките субјекти кои ги пласираат во јавноста, а истовремено може да се разберат и како обид да се поткопа непристрасноста и интегритетот на судиите.
„Во однос на неоснованите обвинувања кои беа упатени на адреса на Претседателот на Управниот суд на РСМ, како Здружение на судии даваме целосна поддршка на колегите од именуваниот суд и напоменуваме дека секој избран судија е независен во своето одлучување и таа независност му е Уставно загарантирана. Па во тој правец и при најмал сомнеж за евентуален обид за притисок или влијание врз неговата работа, без разлика од кого доаѓа, е должен да ги извести надлежните судиски инстанци. Воедно, сите останати општествени чинители, а особено претставниците на политичките партии се должни да ја почитуваат загарантираната судиска независност што е во духот и на демократскиот развој и Европскиот просперитет на земјата“, потенцираат од ова здружение.
Македонија
Одбиена тужбата на „Европскиот фронт“ за избирачкото место во Долнени
Управниот суд ја одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија” за избирачкото место 1470 во Долнени на Парламентарните избори 2024.
„Европскиот фронт“ поднесе седум тужби против решенија на ДИК на Парламентарните избори 2024.
Досега Управниот суд ja одби како неоснована и тужбата за избирачкото место 1194, во Општина Крушево.
Македонија
Мицотакис со предупредување: Ако некои веруваат дека можат да го игнорираат Договорот, треба да разберат дека нивниот пат кон Европа ќе остане затворен
Грчкиот премиер Киријакос Мицотакис уште еднаш ја предупредува Македонија дека прекршувањето на Договорот од Преспа, со кој се реши долгогодишниот спор за името меѓу двата соседа, ќе ги загрози амбициите на балканската земја за членство во ЕУ, пишува грчки „Катимерини“
Говорејќи од градот Верија во северна Грција за време на неговата кампања пред изборите за Европскиот парламент во јуни, Мицотакис изјави дека трите меморандуми за разбирање поврзани со договорот од 2018 година нема да бидат ратификувани од Парламентот се додека новото раководство во Скопје продолжи со прекршување на договорот.
„Ако некои веруваат дека можат да го игнорираат договорот, треба да разберат дека нивниот пат кон Европа ќе остане затворен, а меморандумите нема да бидат ратификувани освен ако не се почитува она што го предвидува договорот“, рече тој.