Нашите амандмани ќе бидат вградени во предлогот што Владата ќе го достави до Собранието, рече денеска пратеничката Елизабета Канческа-Милевска во изјава во врска со уставните амандмани.

Како што истакна таа, целта на гласањето за отворање на Уставот била да се покрене јавна расправа со цел пратениците и пошироката јавност заеднички да придонесат за договорот со Грција.

„Баравме амандаман со кој ќе се гарантира македонскиот идентитет, во членот 49 од Уставот, со обврска на Републиката да го штити културното и историското наследство на македонскиот народ. Второто наше барање е одредба во Уставот доколку Грција не го ратификува договорот и повторно блокира, да има поништување на сите уставни амандмани“, рече Канческа-Милевска, додавајќи дека за неа тоа е многу важно бидејќи нема да постои можност да ја прифатиме географската одредница во случај на блокада од Грција.

Во врска со третиот предложен амандман, таа нагласи дека истиот се онесува на постепена примена на промената на името.

Канческа-Милевска додаде дека активно ќе се следи јавната расправа во која ќе се вклучат да дадат придонес.

„Во оваа фаза на уставните амандмани само со дебата и креатаивност ќе дадеме што повеќе. Апелирам колегите од ВМРО-ДПМНЕ да учествуваат во сите овие процеси“, наведе таа додавајќи дека не го видела текстот со нацрт- амандманите.

Нагласи дека иницијативата за помирување е предложена како интерпартиско парламентално тело за помирување и интеграција во Собранието на РМ.

„Се надевам дека на координацијата во понеделник ќе се одреди методологијата, да има контури и за во иднина, сериозно да се пристапи. Да одиме во насока на помирување. Ни треба соработка и обединување. Очекувам и треба да  учествуваат и колегите од ВМРО-ДПМНЕ“.

Канческа-Милевска додаде и дека долго време е член на ВМРО-ДПМНЕ, како што кажа  и семејно, а не само лично. Според неа,  некои реакции се изнесени избрзано и треба да има аргументи.