Контакт

Македонија

(Видео) Кацарска: Јанкулоска ме гледа како припадник на другата опција, но за мене во судница се сите исти

Објавено пред

Сопругот на Гордана Јанкулоска, кој е и нејзин адвокат, Влатко Илиевски, пред тричлената комисија од Судскиот совет, повеќе од еден и пол час ја објаснуваше претставката за разрешување на судијката Добрила Кацарска.

dobivaj vesti na viber

Претставката е поднесена поради три основи: пристрасно водење на постапката, намерна повреда на правата за правично судење и груба повреда на судискиот кодекс.

Илиевски се повика на пресуди од Европскиот суд за човекови права во Стразбур и рече дека Кацарска при изрекувањето на пресудата за случајот „Тенк“ за Груевски и Поповски веќе имала заземен став и не побарала изземање од судењето за неговата сопруга. Тој цитираше пресуди и спомена за брзината со кое се одвивало судењето за набавката на „мерцедесот“.

Како што рече Илиевски, кога Јанкулоска била во ризична бременост и два месеца потоа, со јавно кажаните закани дека ќе биде присилно донесена на судење, доколку не се појави на закажаните рочишта, Кацарска сакала да ја оствари целта за донесување одлука за постоењето вина на ексминистерката.

„За дваесетина дена, Јанкулоска имала 15 судски рочишта кога таа е два месеца по породувањето и треба да се грижи за своето дете. Рочиштата траеја и по десет часа со по повеќе од девет сведоци на рочиште“, рече Илиевски и дополни дека потврда за тоа е документот дека Јанкулоска е дискриминирана, кој го издаде Комисијата за заштита од дискриминација предводена од Александар Даштевски.

Кацарска во Судскиот совет дојде со двајца адвокати: Вулнет Пачуку и Фани Михајловска.

Кацарска во нејзиниот говор рече дека нема дамка во нејзината 33-годишна кариера како судија.

„За 33 години и претходно 4 години како приправник и стручен соработник немам дамка ниту во кариерата, ниту во приватниот живот“.

„Причина за долгите рочишта е по вина на обвинетите. Од 10 до 15 часот се изнесуваа само приговори и барања за изземање од самите адвокати. Во 15 часот бранителите бараа да прекине расправата поради истек на работното време. Расправа не се одлага поради протек на работно време“, рече Кацарска и дополни дека судењата биле закажани на самиот почеток.

Ниту едно право на обвинетата не ѝ беше ускратено, рече судијката и појасни дека нема одредба во Законот за кривичната постапка која забранува да и’ се суди на мајка, или родител, но Јанкулоска добила 60 дена период по породувањето да нема расправа и еден и пол час пауза за мајчинските обврски.

„Среќна сум што ништо не и’ се случи на долгите рочишта, иако таа не го извести судот за нејзината бременост. Како жена и мајка драго ми е што без последици роди здраво и живо дете“, рече Кацарска при тричлената комисија во Судскиот совет.

Во однос на прашањето дека на Јанкулоска и’ било ускратено правото на одбрана, бидејќи имала и други судења, Кацарска рече дека таа не е виновна за тоа.

„Не гледам вина кај мене што Јанкулоска е обвинета во други предмети“, кажа судијката.

„Изгледа затоа што Јанкулоска е припадник на ВМРО-ДПМНЕ, ме третираат како припадник на другата опција. За Јануловска јас сум комуњарка, а забораваат и не сакаат да видат дека има и професионалци, а не само политички послушници. Јас сум професионалец и во судница сите странки се подеднакви“, рече судијката за наодите дека политички ја дискриминирала Јанкулоска.

Кацарска рече дека на седницата била ставена во неееднаква позиција со адвокатот на Јанкулоска, бидејќи тој говорел надвор од писменото барање, а таа немала време тоа да го разгледа и да одговори.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

(Видео) Манасиевски: Левица и Апасиев во директен договор со Извршител и банка купиле конфискуван имот за 3 пати пониска цена

Објавено пред

Левица и Апасиев во директен договор со Извршител и банка купиле конфискуван имот за 3 пати пониска цена, кажа денеска на прес-конференција Валентин Манасиевски, член на ЦК на ВМРО-ДПМНЕ.

dobivaj vesti na viber

„Левица и Апасиев се фатени ин флагранти во зделката на деценијата, за која многу светски инвеститори можат да им позавидат. Само Левица и Апасиев можат да купат деловен објект одземен преку извршител од некој граѓанин или фирма кои не можеле да го враќаат кредитот, за 3 пати пониска цена од пазарната. Левица и Апасиев кои декларативно беа против Извршителите, не се колебаат да купат одземен имот, од истите тие Извршители“, рече Манасиевски.

Според него, уште поголем проблем е ставот на Левица дека Извршителот немал ништо со преговорите, туку дека тие се договориле со банката и објектот го земале со хипотекарен кредит.

„Ако договарале со банката, како истите ја постигнале таа цена, кога во околината се продава имот за 3 пати повисока цена? Дали има некој скриен договор или друга услуга која не е заведена договорно? Граѓаните ја немаат таа среќа да купуваат одземен имот од Извршители кои извршуваат граѓани во финансиски потешкотии, како Левица, ниту да се договорат со некоја банка за толку ниски цени. Левица и Апасиев се демаскирани, аскетизмот одамна го замениле со хедонизам, ако воопшто и некогаш биле аскети“, истакна Манасиевски.

Прикажи повеќе...

Македонија

Средба Исени – Филипиду: Со заеднички сили во управување со миграциите и борбата со илегалната миграција

Објавено пред

Заменик Министерот за внатрешни работи Астрит Исени денеска оствари работна средба со делегација од Амбасадата на Република Грција во Скопје, Н.Е. Софија Филипиду. Во придружба на почитуваната Амбасадорка беа и Димитрис Каиридис, поранешен министер за миграција и азил, и полициското аташе на Република Грција во земјава, Димитриос Лиаскос.

dobivaj vesti na viber

На средбата Заменик Министерот Исени ја подвлече важноста, но и посветеноста на Министерството за внатрешни работи на Република Северна Македонија за продлабочување на меѓусебната соработка и на стратешко и на оперативно ниво, истакнувајќи притоа дека единствено со заеднички сили и волја можеме да постигнеме успех и да бидеме ефикасни во борбата против илегалната миграција и воопшто во управувањето со миграциите.

Двете страни воедно ја потврдија и неопходноста за соработување и содејство не само на билатерална основа, туку и во рамки на регионални и меѓународни иницијативи, каде што токму можноста за разменување на искуства, приоритети и предизвици може да даде голем придонес во управувањето со миграциите и во борбата со сите форми на криминал, истовремено овозможувајќи воспоставување и зајакнување на нови и постоечки партнерства.
Средбата заврши со уверување од двете страни за натамошна интензивна соработка во сите области на дејствување на Министерството за внатрешни работи.

Прикажи повеќе...

Македонија

Словенија ја поддржува реформата на јавната администрација во Македонија

Објавено пред

Министерот за јавна администрација на Република Словенија, Франк Пропс, во рамки на својата официјална посета на Скопје, одржа интензивни работни состаноци со претставници на Министерството за јавна администрација, со цел продлабочување на соработката и размена на успешни практики во јавниот сектор.

dobivaj vesti na viber

Во фокусот на разговорите беа реформата на јавната администрација, професионализацијата на административните службеници и европската интеграција.

Состаноците со Секторот за реформа на јавната администрација и Секторот за Академијата за стручно усовршување на административни службеници резултираа со конкретни заклучоци и чекори за соработка во следните области:

-Подобрување на системот за управување со човечките ресурси – усвојување на мерит-системот и најдобрите европски практики за селекција, напредување и обука на административните службеници.

-Јакнење на капацитетите на Академијата за обука – воведување на нови, практично ориентирани програми за стручно усовршување и професионален развој.

-Следење и евалуација на реформите – воведување механизми за мерење на ефектите од реформските политики и нивно прилагодување согласно европските стандарди.

Министерот Минчев нагласи дека реформата на јавната администрација не е само техничко, туку и суштинско политичко прашање кое ја одредува иднината на европската интеграција на државата.

„Професионална и ефикасна администрација е клучна за изградба на функционална држава. Нашата цел е создавање модерен јавен сервис кој ќе одговара на потребите на граѓаните, а не на партиските интереси. Во тој процес, поддршката од Словенија и од ЕУ е од суштинско значење“ – истакна тој.

Министерот Пропс ја потврди поддршката на Словенија за реформите, нагласувајќи дека Република Македонија треба да остане на европскиот пат и дека модернизацијата на администрацијата е клучна во тој процес.

„Реформите во јавната администрација се меѓу најсложените, но и најважните чекори во секоја држава што се стреми кон членство во ЕУ. Република Македонија има политичка волја и капацитет да успее во овој процес, а Словенија е подготвена да ја поддржи со своето искуство“ – рече министерот Пропс.

Официјалната посета на словенечката делегација испраќа јасна порака дека реформите се стратешки приоритет на Владата и дека нашата држава е подготвена да ја зајакне својата администрација во согласност со европските вредности.

Прикажи повеќе...

Најново

Македонија31 минута

(Видео) Манасиевски: Левица и Апасиев во директен договор со Извршител и банка купиле конфискуван имот за 3 пати пониска цена

Левица и Апасиев во директен договор со Извршител и банка купиле конфискуван имот за 3 пати пониска цена, кажа денеска...

Македонија47 минути

Словенија ја поддржува реформата на јавната администрација во Македонија

Министерот за јавна администрација на Република Словенија, Франк Пропс, во рамки на својата официјална посета на Скопје, одржа интензивни работни...

Македонија4 часа

Семејствата на починатите во кочанската дискотека денеска излегуваат на протест

Семејствата на починатите во кочанската дискотека организираат „Марш за ангелите“. Протестот ќе се одржи денеска во 12:05 часот. Маршот ќе...

Свет4 часа

САД почнаа да ги наплаќаат новите царини на Трамп од 10%

Американските царински службеници почнаа да ја наплаќаат едностраната царина од 10 отсто на претседателот Доналд Трамп за сите увозни производи...

Македонија5 часа

Денеска облаци и сонце, утре дожд и снег

Утре голема промена на времето. Времето денеска ќе биде променливо облачно со сончеви периоди. Локално ќе има услови за развој...

Македонија19 часа

(Видео) „Поршето“ во Дебар маало не било на полицаец туку на ексамбасадорот Срѓан Керим

Паркираното „порше“ во Дебар маало не било на полицаец, туку било во сопственост на Срѓан Керим, ексминистер за надворешни работи,...

Македонија21 час

Се организира транспортот на телото на Александар Карадакоски – управителот на „Пулс“ кој почина во Литванија

Институциите го организираат транспортот од Литванија на телото на 29-годишниот Александар Карадакоски, кој е 60 жртва од пожарот во дискотеката „Пулс“...

Македонија22 часа

90 отсто од дишните органи на 29-годишниот Карадакоски биле изгорени од пламенот што го вдишал, утврдиле лекарите во Литванија

Директна причина за смртта на 29-годишниот Александар Карадакоски, кој утрово почина во Литванија, се изгореници на дишното стебло, извести попладнево...

Македонија23 часа

Палевски свртен со грб му постави 97 прашања на Кешишев: „Ништо од штабот не беше изнесено без знаење на Палчо“

Обвинетиот Влатко Кешишев за грабнувањата и убиствата на Вања и Панче денес одговараше и на прашањата на првообвинетот Љупчо Палевски,...

Македонија24 часа

Обвинителството ја запре постапката против починатиот управител на „Пулс“

Основното јавно обвинителство Кочани ја запира постапката против Александар Карадакоски, кој денеска почина по повредите добиени во пожарот во дискотеката...

Топ1 ден

Повредени две лица меѓу кои и дете, биле во возилото што излета во Вардар

Две лица, меѓу кои и малолетничка се повредени во несреќата со автомобилот што синоќа излета во Вардар кај тетовско. Случајот...

Македонија1 ден

Од 1 април му откажаа бубрезите, 40 отсто од телото му беше со изгореници, Таравари потврди дека во Литванија почина управителот на дискотеката „Пулс“

Министерот за здравство Арбен Таравари утрово потврди дека на повредите од пожарот во Кочани во Литванија, каде што беше на...

Македонија1 ден

Уште една жртва од пожарот во Кочани, почина управителот на дискотеката „Пулс“

По неколкунеделно лекување, почина Александар Карадакоски, управител на „ММММ кафе“ ДООЕЛ, која управувала и со дискотеката „Пулс“, во која животот...

Македонија1 ден

ДУИ: Дали новиот општествен договор е антипод на Охридскиот договор и почеток на реформатирање на уставниот модел на државата?

„Како е можно лидерска средба за таканаречен „нов општествен договор“ да се одржи меѓу првопласираната и третопласираната партија на изборите?...

Македонија1 ден

„Во буџетот обезбедивме 17 милијарди денари за зголемување на пензиите и за здравствено осигурување на пензионерите“, велат од Владата

„Грижата за пензионерите е приоритет на Владата. Пензионерите, конечно, го добија заслуженото. Линеарното зголемување на пензиите за 5.000 денари на...

Македонија1 ден

(Фото) Голем одрон на регионалниот пат Струмица – Костурино – Валандово

„Голем одрон на регионалниот пат Струмица-Костурино-Валандово“, извести градоначалникот на Струмица, Костадин Костадинов преку социјалните мрежи. Тој ги повика граѓаните да...

Свет1 ден

Венс за падот на берзата: Беше тоа само еден лош ден, ќе имаме бум

Американскиот потпретседател Џеј Ди Венс изјави за Newsmax дека вчерашниот пад на берзата, најголем од 2020 година, е само еден...

Свет1 ден

Данската премиерка за Америка: „Не можете да анектирате друга земја, дури и со аргументот за меѓународна безбедност“

Премиерката на Данска Мете Фредериксен вчера повторно ги отфрли повиците на американскиот претседател Доналд Трамп за анексија на Гренланд. Трамп...

Свет1 ден

Трамп: Случајот против Марин Ле Пен е лов на вештерки

Американскиот претседател Доналд Трамп денеска и понуди поддршка на лидерката на француската екстремна десница, Марин Ле Пен, откако судот во...

Свет1 ден

Историска одлука: Уставниот суд го смени претседателот на Јужна Кореја

Уставниот суд на Јужна Кореја одлучи да го смени претседателот Јун Сук Јеол, потврдувајќи го неговото отповикување во парламентот поради...