Македонија
Кекеновски: Како тоа никогаш Северна секогаш Македонија кога Мицкоски свесно не ја спречи промената на името
Универзитетскиот професор Јове Кекеновски се огласи на Фејсбук, по вчерашниот говор на лидерот на ВМРО-ДПМНЕ, Христијан Мицкоски, нагласувајќи дека опозицискиот лидер и неговата партија бесрамно лажат и манипулираат и немаат намера да го вратат името на државата и да го поништат договорот со Грција.
„Како тоа никогаш Северна секогаш Македонија кога: наметнатнатиот лидер и раководство свесно не ја спречија промената на името. 8 нивни пратеници гласаа за промена на името, а други чекаа да им кажат како да гласаат, наметнатиот лидер во емисија кај Јанко ,,Јади бурек” јавно призна дека Преспанскиот договор и променетото име се реалност и за да не биде лицемерен (бидејќи земал плата од државата) ке го почитувал тоа, поради немање јасен и цврст став на партијата по однос на Преспанскиот договор по чие потпишување се промени името на нашата држава скоро половина членство гласаше на референдумот, нивниот лидер во 11.55 се одлучува да не излезе на референдумот. Дотогаш калкулираше и чекаше да види каква е излезноста. Цело раководство постојано пелтечи дека доколку освојат 2/3 од вкупниот број пратеници ќе го врателе името, иако знаат дека тоа ни пратично ниту теоретски е можно“ напиша Кекеновски на Фејсбук.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Без струја денеска делови од Чаир, Бутел и Шуто Оризари
Од ЕВН Македонија АД известуваат дека денеска без електрична енергија ќе останат:
· во периодот од 08.00 до 11.00 часот корисниците од дел од улицата Бајрам Шабани и дел од улицата Чаирска, општина Чаир;
· во периодот од 09.00 до 10.00 часот корисниците од објектите околу Фитофарм-Визбегово, општина Бутел;
· во периодот од 09.00 до 12.00 часот корисниците позади бензинската ОКТА во Шуто Оризари, општина Шуто Оризари.
Македонија
Делови од Карпош и Шуто Оризари денеска без вода
Од ЈП Водовод и Канализација известуваат дека денеска поради уличен дефект на улицата Демирхисарска бр 13 прекинато водоснабдување ќе имаат корисниците од улицата Демирхисарска, од 17:30 часот до завршување на дефектот, општина Шуто Оризари.
Од ЈП Водовод и Канализација исто така известуваат дека денеска поради изведување на водоводен приклучок ф-100мм на ул. Софиска 7, прекинато водоснабдување ќе имаат корисниците од следниве улици: Софиска, Бриселска, Петар Драганов, Његошева, Копенхагенска и Стокхломска, општина Карпош.
Водоснабдувањето ќе биде прекинато од 09:00 часот до завршување со работните активности.
Македонија
Утрото постудено и магливо, преку денот сончево со мала до умерена облачност
Утрото постудено со услови за појава на магла по одделни котлини и речни долини. Преку денот времето ќе биде сончево со мала до умерена локална облачност. Ќе дува слаб ветер од јужен правец.
Минималната температура ќе биде во интервал од -3 до 4, а максималната ќе достигне од 16 до 21 степен.
Во Скопје, утрото постудено, во делови од котлината магливо. Преку денот времето ќе биде сончево со мала до умерена облачност. Ќе дува слаб југоисточен ветер. Минималната температура ќе се спушти до 2, а максималната ќе достигне до 18 степени.
Времето во наредните денови
Под влијание на висок воздушен притисок следува период на стабилно и суво време со постудени утра, а дневната температура ќе биде во пораст, особено во деновите од викендот. Претпладне по одделни котлини и речни долини ќе има услови за појава на магла.

