Македонија
Ковачевски во Виена: Економската соработка и интеграција на земјите е клучна за регионот и движечка сила кон ЕУ, Македонија постигна многу и ќе продолжи да напредува на тој пат

Премиерот Димитар Ковачевски, денеска на виенскиот Економски форум учествуваше на панелот ,,Градење економска соработка во тешки времиња“.
Ковачевски во своето излагање говореше за важноста на интеграција на регионот во ЕУ, од економски, безбедносен и политички аспект.
,,ЕУ не може да има две граници, тоа не е одржливо. Во моментов има надворешна граница на ЕУ и внатрешна граница што е токму околу земјите од Западен Балкан. Затоа, интеграцијата мора да се случува во политичкиот но и во економски дел. Затоа ние цврсто го поддржуваме и го побаравме планот од претседателката на ЕК за раст на Западен Балкан, бидејќи тој се потпира и лежи врз придобивките на интеграцијата. Северна Македонија во изминатите 2 години во време на криза, постигна многу релевантни работи, осоебно во делот на зацврстувањето на односите со ЕУ. Ние го надградивме сето тоа со членството во НАТО”, истакна премиерот Ковачевски.
Говорејќи за регионалните иницијативи на земјите од регионот како Берлински процес и Отворен Балкан, претседателот на Владата, Ковачевски ја потенцираше важноста дека надградувањето на економската соработка носи придобивки за граѓаните од сите земји.
,,Трговијата по иницијативата со Србија и Албанија меѓу трите земји се зголеми за 25%. Трговијата на Северна Македонија со Србија се зголемени за 50%, а со Албанија за 40%. А туризмот процвета бидејќи граѓаните најдоа можности да ги посетуваат земјите во регионот.Сето ова оди рака под рака со добрите политички односи, без добри политички односи секако не може да има економска интеграција” рече Ковачевски.
Премиерот потенцираше дека Северна Македонија е првата земја во регионот на Западен Балкан која усвои Стратегија за развој на енергетскиот сектор во 2019 година, заснована на столбовите на Зелениот договор на ЕУ.
,,Во изминативе две години издадовме 658 лиценци за производство на обновливи извори на енергија, околу 600 мгв соларна и енергија од биогас произведуваат веќе енергија и во споредба со потрошувачката тоа е енергија која што се произведува од обновливи извори која што може да задоволи потреби на многу домаќинства во земјата. Исто така работиме на стратешки проекти заедно со нашите соседни земји особено со Грција. И ќе започнеме до крајот на годината со проект менаџментот и спроведувањето на проектот за новиот гасовод кој што ќе дозволи на СМ да се приклучи на транс-атланскиот гасовод”, истакна Ковачевски.
Претседателот на Владата говореше за придобивките со членството во ЕУ.
,,Новиот план за раст како што е претставен ќе има позитивно влијание дефинитивно. Во неколку различни сегменти. Ќе ги зголеми реформите, затоа што дополнителните средства ќе бидат поврзани со реформите кои што ги прават земјите кандидати. Ќе ја зголеми регионалната соработка меѓу земјите од ЗБ бидејќи средства ќе бидат достапни по приклучувањето на регионалните проекти во делот на инфраструктурата, енергетиката транспорот итн. Ќе ја зголеми соработката со ЕУ, затоа што ќе ја отвори можноста за одредени индустрии да се приклучат на заедничкиот европски пазар со што ќе се зголеми економијата на обем”, рече премиерот.
Ковачевски истакна дека интеграцијата на регионот во ЕУ ќе им донесе пристап до единствениот европски пазар што ќе донесе економски напредок и зголемен економски стандард.
,,Економскиот стандард и перформансите на поранешните југословенски републики тој бил навистина на врвно ниво во споредба со држави како Романија, Бугарија, Полска, Чехословачка и за сите останати. Ние бевме она што Австрија е денес за Западен Балкан, тоа бевме ние за земјите од Варшавскиот договор. Единствената работа што ги разви економски е интеграцијата на Единствениот европски пазар, ништо друго, тоа е единствената причина зошто се тие денес економски развиени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ВМРО-ДПМНЕ: „По четири години ја нема катната гаража која Јакимовски, кандидат на СДС, Заев и Филипче ја вети на Орце Николов во 2021“

„Во изборната кампања во 2021 година, кандидатот на СДС, Зоран Заев и Венко Филипче, Стевчо Јакимовски вети катна гаража на Орце Николов.
Вети дека до 2025 година ќе изгради катна гаража на четири нивоа и дека со тоа ќе се реши проблемот со паркирањето во Карпош 2.
Еве ја дојде и ветената 2025 година, но катна гаража на Орце Николов во Карпош 2, нема. Тоа што го има се само дупки, купишта ѓубре и голем метеж, посебно во работните денови“, оценуваат од ВМРО-ДПМНЕ.
Прашуваат, зошто граѓаните нема каде да ги паркираат своите возила, зошто, како што велат, хроничниот лажго и за катната гаража излажа.
„Кандидатот на СДС, Заев и Филипче, Стевчо Јакимовски на граѓаните им вети дека ќе го реши проблемот со паркирањето во Карпош 2. И по четири години проблемот не е решен, туку напротив, сега, за разлика од пред четири години.
Не може да му се верува на Стевчо Јакимовски, кандидат на СДС, Заев и Филипче, зошто исто како неговите поддржувачи, а зине а лаже, а вети нешто, не исполнува.
Јакимовски лаже како што лажеа Заев и Филипче“.
Карпошани, додаваат од партијата на власт, нема да дозволат, повторно Заев и Филипче, преку Стевчо Јакимовски, да имаат градоначалник во Карпош.
„Општината нема нови 4 години за губење, затоа што е време за вистинскиот избор. Со твојот човек! За твоето место! За твојата иднина“
Македонија
„Нема независно судство со членовите под команда на СДС и ДУИ кои Филипче го спасија од одговорност за пожарот во модуларната во Тетово“, велат од ВМРО-ДПМНЕ

„Долгогодишните коалициски партнери СДС и ДУИ, додека заедно владееја судовите ги наполнија со свои луѓе од доверба. И овие луѓе избрани во штабовите во Струмица и Зајас во судството го спасија Венко Филипче од одговорност за пожарот во модуларната болница“, велат од ВМРО-ДПМНЕ.
„Филипче како министер за здравство ја потпишал спецификацијата за модуларната болница во Тетово и тој е директно одговорен за смртта на 14 луѓе.
Затоа што правеше анекси на договори за да ќари 20% повеќе пари, живи изгореа 14 луѓе во модуларната болница во Тетово, а за тоа не беше повикан ни на разговор во обвинителството.
Ако нашето судство и обвинителство не беше во скутот на Заев и Ахмети, Филипче до сега ќе беше зад решетки, всушност како во секоја држава со независни судско обвинителски органи.
Но, сепак, ние сме во Македонија, каде што судиите со 2% доверба од граѓаните мораа да ги оправдаат нивните назначувања и да го спасат од одговорност Филипче.
За да не лежи и кривично одговара Венко Филипче, лежат странични ликови во здравството, како тогашните директори на болницата Етеми и Бесими. Но, и тие, исто така, не смееше да бидат осудени со реални казни, за да не пропеат и го издадат нивниот шеф, па добија по само година и пол затвор.
Судиите и обвинителите заробени во канџите на Заев и Ахмети, за пожар во болница каде што живи горат 14 луѓе, доделија вкупно 3 години затвор на директорите, а за Филипче станаа неми, слепи и глуви.
Релацијата на одредени судии и обвинители кои сè уште работат по насока на СДС и ДУИ, ги оставија криминалците по улиците, а народот без правда.
Со овие судии и обвинители не може да се очекува независно судство и обвинителство. Потребни се итни реформи за конечно во државата да дојде вистинска правда и одговорност“, соопшти ВМРО-ДПМНЕ.
Македонија
Со нова енергија против неспособноста и расипништвото на власта, велат од СДСМ

Oва е борба за нашиот заеднички дом, Македонија, со оваа порака СДСМ и коалицијата ја започнуваат кампањата за Локалните избори.
Од партијата оценуваат дека речиси година и пол откако ВМРО-ДПМНЕ ја презеде целата централна власт и четири години локална власт, граѓаните се сведоци на неспособност, корупција, расипништво ароганција. Наместо економски развој, според СДСМ, има застој, платите стагнираат а стандардот на граѓаните опаѓа.
„Наместо правда, има партизација и селективност. Наместо грижа за граѓаните, гледаме расипништво и трошење на јавните пари за лични привилегии на функционерите на власта.
СДСМ и коалицијата настапуваат со чесни и компетентни кандидати за градоначалници и советници, луѓе со интегритет, со програми кои нудат реални и остварливи решенија.
Овие избори се помеѓу лагите и расипништвото на сегашната власт и борбата за чесност, солидарност и достоинство. Избор помеѓу партизацијата и заробените институции, или враќање на власта во рацете на граѓаните“.
СДСМ, додаваат од опозициската партија, ја презема обврската и одговорноста да биде движење за слобода, правда и еднаквост.
„Нашиот дом е Македонија и ние ќе се бориме за него, за сите граѓани, за сите општини, за иднината на државата“.