Македонија
Ковачевски за амандманите од Левицата: Кога претседател на партија се поклонува на гробот на Енвер Хоџа, не треба ништо да ве чуди

Премиерот Димитар Ковачевски рече дека не се чуди оти законите се преплавени со амандмани од Левицата и ВМРО-ДПМНЕ, но не одговори дали очекува, покрај ваквата состојба, да се донесат осумте закони кои се важни за компаниите „Бектел и Енка“ и за изградбата на Коридорот 8. Ковачевски повтори дека ВМРО-ДПМНЕ е заложник на Левицата.
„Мене не ме чудат амандманите од Левицата. Кога претседател на една партија оди и се поклонува на гробот на Енвер Хоџа, не треба ништо да ве чуди, а особено не треба да ве чуди од партија што е заложник на партија на која претседателот оди да се поклони на гробот на Енвер Хоџа. Така што сметам дека специјалниот закон е предложен и донесен од пратеници во Собранието, без некој да е против. И сите постапки се правени со тој специјален закон“, рече Ковачевски.
Прашан зошто измените на деветте, односно сега осумте закони (без спорниот за културното наследство), не се поднесени од Владата, туку од пратеници во Собранието, Ковачевски одговори: „Сметам дека пратениците имаат доволно знаење и визија за да донесат законски решенија, кои ќе обезбедат побрзо и поефикасно работење на компаниите проектанти и изведувачи на овој проект за конечно нашата држава да добие Коридорот 8 и Коридорот 10 д каков што државата немала, а граѓаните заслужуваат“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Ковачки: Целта на Бугарија е бришење на јазикот и удирање по идентитетот, СДС знаеше за ова и го дозволуваше

Вчера на површина излегоа сите лаги на СДС и на Бугарија. Сите тези дека само да влезат Бугари во Устав и влегуваме во ЕУ се покажаа како целосна невистина, истакна на прес-конференција Драган Ковачки, пратеник на ВМРО-ДПМНЕ.
Според него, гласањето во ЕП за бришење на термините македонски јазик и идентитет од Извештајот за напредокот на Македонија, покажа дека Бугарија нема намера да застане кај внесувањето на Бугарите во Уставот.
Всушност, вели тој, тоа е само изговор за се друго.
„Целта не била Бугари во Устав туку бришење на јазикот и удирање по идентитетот. Бугарија е разоткриена.
Вчера пропаднаа и сите лаги на СДС, чии политики не донесоа до ова дереџе, и кои кога подававме рака за соработка и заедничка национална стратегија не прифатија, туку тераа по свое, продавајќи се што може.
И сега, кога го избришаа Македонскиот јазик и идентитет од Извештајот на ЕП, СДС не чекаа ниту минута, и тргнаа да се ситат.
Се е на виделина, веќе нема ништо сокриено. Политиките на Заев и Филипче на ,, еден народ, две држави” и ,,Делчев е Бугарин” сега го земаа својот данок“.
Жално е, додава Ковачки, што тоа што ние го говоревме, а за жал се случи вчера, го знаеја и во СДС и свесно првин потпишаа штетен договор, а потоа и со сите сили сакаа да ја обезличат нацијата ставајќи ја во процес кој требаше да заврши со целосна негација на Македонскиот јазик и идентитет.
ВМРО-ДПМНЕ, според него, во таа игра не влегло, и како што рече, нема да влезе.
„Само противењето на ВМРО-ДПМНЕ од сам почеток уште кога СДС го потпишуваше договорот ја спаси државата од целосен срам и бришење на идентитетот.
Воедно ќе остане запишано и за векови запаметено дека европскиот извештај со македонски идентитет и македонски јазик помина на АФЕТ, на Комитетот за надворешна политика при Европскиот парламент и пред да се донесе срамниот амандман, се најде на масата на сите европратеници коишто гласаа во рамките на Европскиот парламент.
Вистинските цели на Бугарија од вчера се на чисто, тие сакаат бришење на Македонскиот јазик и идентитет, бришење на историјата и бришење на вистината“.
Ковачки оценува дека е трагично што за своите шовинистички политики се обидуваат да ја користат ЕУ.
„Пораката од ВМРО-ДПМНЕ е јасна, ние нема да дозволиме ново предавство и нема да отстапиме од заветот на ВМРО“.
Македонија
„Во време на СДС, додека гореше државата, Заев и Филипче беа на грчките плажи, сега сликата е поинаква“, реагира ВМРО-ДПМНЕ

„СДС треба да се срами што го лаже и манипулира народот, бидејќи вчера претседателот беше на состанок на кризен штаб на кој беа преземени сите потребни чекори за борбата против подметнатите пожари“, реагира ВМРО-ДПМНЕ на соопштението на СДСМ.
„За разлика од порано кога Заев и Филипче се сончаа на грчките плажи додека Македонија гореше, сега сите функционери од ВМРО-ДПМНЕ вклучувајќи го и претседателот на било каков начин се вклучени за да се најде решение.
Среќа, активни пожари има само 9 активни, 4 под контрола, 1 локализиран, а 49 изгаснати. Македонија нема да изгори како во време на СДС, Заев и Филипче!“, се додава во реакцијата на ВМРО-ДПМНЕ.
Македонија
Герасимовски: Општина Центар го промовира културниот идентитет, пријавете се на повикот за афирмација на значајни личности и настани

Општина Центар објави jавен повик за реализација на проектот „Одбележување на настани и личности“, со цел афирмација на македонската култура и историја.
„Во рамки на овој проект предвидено е организирање настани посветени на истакнати личности од Општина Центар, кои твореле и делувале во сите сфери на животот и оставиле трага во својата професија, како и одбележување на јубилеи на значајни настани од нашето културно и историско наследство. Преку ваквите настани се промовира автентичноста и богатата традиција на нашата општина“, посочи градоначалникот на Општина Центар, Горан Герасимовски.
На повикот може да се пријават поединци, здруженија и правни субјекти што работат во областа на културата, уметноста или маркетингот, со седиште или живеалиште во Општина Центар.
“Потребно е да имаат најмалку една година активно дејствување и искуство во организација на слични настани.
Заинтересираните можат да аплицираат по пошта на адреса: Општина Центар – Скопје, ул. „Михаил Цоков“ бр. 1, или лично во архивата (барака 6), од 09:00 до 15:00 часот. Рокот за пријавување e 5 дена од објавувањето на повикот на веб-страницата на Општина Центар.