Македонија
Ковачевски за писмото од Агелер: Не е на погрешна адреса, треба да се мери работата на секој поединец во судството
Писмото од американската амбасадорка Анџела Агелер со критики за судството не е на погрешна адреса, туку е испратено секаде каде што е потребно, смета премиерот Димитар Ковачевски. Го добиле министерот за правда и судските органи, а Владата како дел од извршната власт, која е одвоена од судската и законодавната, веќе презела сè што можела за унапредување на судската пракса, односно донела нов Кривичен законик, нов закон за судската академија, нови закони за ренумерација на судии и обвинители, но голем повеќето од нив се блокирани во Собранието за што премиерот вели дека е одговорна опозицијата. Тој нагласи дека инвестирале во судството и за време на голема економска криза, се дигитализираат судниците и не е намален буџетот за судството, но посочи дека треба да се зајакне комуникацијата на судиите со Собранието.
„Она што можеби дополнително треба да се направи е да се вклучи повеќе Собранието, политичките партии во делот на комуникација со судовите бидејќи и според Уставот и според законот членовите на Судскиот совет се избираат во Собранието, а подоцна тие ги избираат судиите и управуваат со нивното работење. Сметам дека треба да се воведат подетаљни мерливи показатели за работата на секој поединец во правосудната фела. Не би генерализирал дали нешто комплетно не функционира или комплетно функционира, бидејќи сепак се работи за систем од поединци во кој дел, веројатно, добро си ја извршуваат работата, некои помалку добро ја извршуваат, други треба да го унапредат своето работење, а трети можеби треба да бидат освежени со нови кадри, но тоа не е во делот на ингеренции на Владата“, рече премиерот.
Како пример за транспарентност во судството премиерот Ковачевски ја наведе Америка.
„Јас сум учел и живеел во Америка. Таму секоја судска одлука се објавува во дневен весник, во тоа време беа весниците од ’92-’93. Се објавува кој судија каква одлука донел во дневен весник. Сега веројатно тоа го прават на електронските портали. Гледам во Србија веќе имаат електронски портал за судството, каде што на многу транспарентен начин може да се види што се случува“, потсети премиерот Ковачевски.
Тој е согласен дека постапките што се предмет на критика во писмото од амбасадорката Агелер навистина се одолжуваат.
„Тоа писмо содржи некои случаи за кои јас, за жал, можам да кажам дека се одолжени. Постапката оди со враќање од повисоки кон пониски инстанции во повеќе наврати и сепак тоа се прашања за судиите што работат и за оние што управуваат со работата на судиите“, рече премиерот Ковачевски.
Во писмото амбасадорката Агелер наведува дека е разочарана од враќањето на предметите напред-назад меѓу Апелација и основните судови, што укажува на очигледна неспособност на судовите бргу да ги процесираат предметите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Кацарска ја чува обезбедување, денес добила закани дека „страшно ќе одговара“
Непознато лице денеска напладне во близина на ТЦ „Рамстор“ во центарот на Скопје вербално и се заканувало на претседателката на Уставниот суд, Добрила Кацарска. По инцидентот интервенирало нејзиното обезбедување.
„Полициски службеници од полициската станица Центар денеска во 14:00 часот го лишиле од слобода В.П.Г. (57) од Богданци, постапувајќи по претходна пријава дека во угостителски објект во трговски центар на подрачјето на Центар во Скопје упатил закани кон Д.К.(67) од Скопје со зборовите ‘ќе одговараш, страшно ќе одговараш’. Лицето било задржано во полициска станица и по целосно документирање на случајот во координација со јавен обвинител против него ќе биде поднесена кривична пријава по член 144 од Кривичниот законик“, соопшти МВР.
Пред неколку дена во подземна гаража на зграда во Центар пронајдени се импровизиран кревет и кујнски нож на гражаното место на Кацарска.
Од МВР потврдуваат дека известен е јавен обвинител, предметите се подигнати за вештачење и се преземаат мерки за расчистување на случајот.
Македонија
Утре затворени неколку улици во Скопје
Утре од 08.30 до 12.30 часот, поради одржување на натпревар „Стопански триоги триатлон”, со стартно-целна позиција кај Спортскиот центар „Борис Трајковски” во дел од градот ќе има изменет режим на сообраќај, соопшти СВР Скопје.
Посебниот режим на сообраќај ќе опфати дел од уличната мрежа околу СЦ „Борис Трајковски” и дел од булеварот Илинден (десна коловозна лента), потоа на потегот од крстосницата со булевар 8 Септември до крстосницата со улицата Никола Парапунов и обратно.
Утре исто така со почеток во 09.45 часот, поради одржување на спортско-рекреативен настан „Прв до врв” ќе има посебен режим на сообраќај во делот од градот каде што ќе се реализира манифестацијата.
Настанот почнува пред Музеј на град Скопје – улица Св.Кирил и Методиј, потоа лево по булеварот Св.Климент Охридски, во продолжение право по булеварот Мајка Тереза, па лево по улицата Тодор Александров и по локалниот пат за Средно Водно до врв на Водно („Милениумски крст”).
Македонија
Сиљановска Давкова – Павловски: Максимално да се искористат сите можности за економски развој на земјава
Претседателката Гордана Сиљановска Давкова остварила средба со Крис Павловски, директор на водечката светска компанија за дигитални платформи Рамбл, кој е во посета на земјата во рамките на конференцијата Македонија 2025.
На средбата, како што соопшти претседателскиот кабинет, Павловски ја претставил работата на Рамбл, компанија која котира на индексот Наздак на берзата во Њујорк, со нејзината етаблирана видео платформа и е во подем во дејноста на развојот на дигиталната инфраструктура и клауд услугите.
Како водечки претприемач со македонско потекло, Павловски изнел мислења за состојбата во дигиталниот сектор, за трендовите и перспективите кои може да се искористат.
Претседателката Сиљановска Давкова го информирала Павловски за нејзината иницијатива за развивање на соработката со македонската дијаспора, со цел максимално да се искористат сите можности за економски развој на земјава.