Македонија
Ковачевски покажува дека ниту има демократски капацитет ниту има култура и елементарно воспитание, велат од ВМРО-ДПМНЕ

Димитар Ковачевски покажува дека ниту има демократски капацитет, ниту има култура и елементарно воспитание, велат од ВМРО-ДПМНЕ.
„Без никаков повод, само затоа што некои медиуми ја критикуваа неговата влада за криминали или за неспособност или пак објавуваа релевантни анкети на кои губи неговата СДС, тој почна да ги напаѓа, да навредува, етикетира и да се заканува на тие медиуми. Тој за медиумите употреби изрази како “ќе квицкаат по подруми“ или дека “евтино се продаваат“ што освен што е навредливо истовремено е и закана по тие медиуми и по слободата на говор“, додаваат од ВМРО-ДПМНЕ.
Според нив, Ковачевски толку е исфрустриран и полн со омраза, што не знае ниту пристојно да се извини.
„Впрочем исто вака лицемерно и иронично се извинуваше и пред една година кога идентично етикетираше и навредуваше медиуми и се мешаше во нивната уредувачка политика. „Во државата има медиум, чија што уредувачка политика повеќе наликува на уредувачка политика на компанија која што тргува со енергенси, а има и медиум чија што уредувачка политика повеќе личи на уредувачка политика на партиски сектор за комуникација“- рече Ковачевски во јануари 2023 година, па потоа се извини со половина уста, за сега уште посилно да удри по медиумите проширувајќи ја листата со нови. Очигледно е дека Ковачевски е лицемер. Очигледно е дека кога се извинува, всушност тоа не е искрено туку уште повеќе се полни со омраза. Јавноста и медиумите ги предупредуваме дека како што ќе ближи изборната катастрофа на Ковачевски така неговата нервоза и непристојноста ќе растат. Но колку повеќе навредува толку повеќе ќе тоне и толку казната од народот ќе му биде поголема“, завршуваат од ВМРО-ДПМНЕ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Филипче: Истрагата за Кочани досега се води селективно, СДСМ ќе ги искористи сите механизми

Претседателот на Социјалдемократскиот сојуз на Македонија, Венко Филипче, на денешната прес-конференција, порача дека СДСМ дава поддршка на институциите да ја завршат истрагата за трагедијата во Кочани професионално и транспарентно, но дека целиот процес се води селективно.
Филипче потенцираше СДСМ во следниот период ќе следи како се одвива истрагата и ќе реагира доколку продолжи со истата тенденција на селективност.
„Најодговорните во МВР коишто имале ингеренции и на денот на случување на трагедијата и на самото место, не преземале одредени дејства кои требало и можело да ги преземат. Вчера на Извршниот одбор на СДСМ донесовме заклучок дека ќе ја следиме истрагата, ќе го пратиме процесот како се води, и доколку оваа тенденција продолжи ќе побараме и Анкетна комисија и сите други механизми кои што ќе бидат на располагање“, рече Филипче.
При тоа тој нагласи дека во оваа во оваа фаза кога истрагата се уште не е завршена, СДСМ укажува на одредени работи за кои што смета дека е водење на селективна правда и дека таа верига на настани како што ја нарекува Владата, не може да се запре само со поранешните функционери.
Филипче посочи дека токму механизмите како анектената комисија може да бидат инструмент што ќе даде резултат во водењето на транспарентна и професионална истрага.
„Истрагата се уште трае и можеби нешто во следниот временски период ќе има некаква интервенција во насока на тоа што ние заедно со правници го констатираме, дека треба да бидат пфатени и други лица со истрагата“, рече Филипче.
Одговарајќи на новинарско прашање, во врска со независен кандидат за градоначалник на Кочани, Филипче појасни дека тоа е нешто за што треба да се разговара, но дека во ниту еден момент од трагедијата во Кочани не треба политички да се профитира и затоа предлогот е во таа насока.
Македонија
Мицкоски за средба со Филипче: Стојам на располагање во секое време, јас сум сериозен човек

Подготвен сум да го примам на средба претседателот на СДСМ, Венко Филипче, но непристојно е за ова да се разговара преку медиуми. Јас сум сериозен човек и најмалку што треба е да се прави естрада на јавна сцена, изјави премиерот Христијан Мицкоски откако лидерот на СДСМ, Венко Филипче, на прес-конференција рече дека е потребен концепт за нов општествен и политички дијалог и дека е спремен во следните денови за ова да разговара со премиерот.
На новинарско прашање дали ќе има среда со Филипче, Мицкоски рече дека стои на располагање во секое време.
„Јас кажав дека ова е сериозна тема и за сериозна тема се седнува и се разговара. За мене е непристојно преку медиуми да се разговара. Јас реков, подготвен сум да го примам на средба претседателот на СДСМ да го образложи планот, бидејќи се сериозни времиња, јас сум сериозен човек и најмалку што треба е да се прави естрада на јавна сцена. Доколку навистина има план и желба да помогне стојам на располагање во секое време, на полноќ на полноќ, после полноќ после полноќ. Кога ќе каже тогаш, да го сослушам неговиот план и да видиме дали може со тој план нешто да се реши“, рече Мицкоски.
Тој додаде дека, сепак, нема да прифати секакви планови.
„Доколку планот опфаќа „пристап Стабри“ како што беше за време на короната, тогаш јас такви планови не можам да прифатам“, рече Мицкоски.
Македонија
ДУИ не се грижи за Бектеши, ниту за правда за Кочани, плачат само за вниманието што секојдневно го губат, велат од „Вреди“

Според коалцијата „Вреди“, ДУИ ја игра улогата на жртва пред камерите, но и овој пат, како што велат, биле фатени во измама.
Според „Вреди“ од ДУИ била поднесена иницијатива за Анкетна комисија со само 16 пратеници, а Уставот бара најмалку 20.
„Значи, или не го знаат Уставот, или само сакаат медиумско шоу.
Вистината е едноставна: ДУИ не се грижи за Крешник Бектеши, ниту за правдата за Кочани. Плачат само за една работа – вниманието што секојдневно го губат. Тие не се во можност ниту да ја консолидираат сопствената пратеничка група, таканаречениот „Европски фронт“. Од 18 пратеници што ги има овој фронт, успеале да обезбедат само 16 потписи – ова повеќе отколку било која изјава говори за внатрешната состојба во оваа групација. Кога не можат да ги убедат ниту сопствените пратеници, како ќе бараат јавна правда“, прашуваат од „Вреди“.
Според нив, во оваа политичка паника која сè повеќе ги зафаќа секојдневно, ДУИ е подготвена да оди до крајност, да ги бојкотира локалните избори и да се обиде да предизвика политичка криза, само за да се спаси себеси.
„Вреди“ велат од коалицијата, е дециден дека со вистината нема да се манипулира. Бараат Анкетна комисија за сите трагедии, не само за оние кои ДУИ ги користи за пропаганда – од Ласкарца, модуларната болница во Тетово, Беса транс, до Кочани. Подвлекуваат дека нема да дозволат ДУИ да ја игра улогата на селектор на болката и правдата.