Македонија
Ковачевски ќе разговара за финеси за датумот на изборите, но во законските рокови и во работни групи: помина времето кога премиерот на аеродром кажуваше кога да има избори
Разговори за одредување датум за претседателските и парламентарните избори треба да има, но исклучиво во работните групи во институциите, вели премиерот Димитар Ковачевски. По вчерашниот апел од претседателот на Собранието, Талат Џафери, до Нова година политичките партии да се договорат за датумот на изборите, Ковачевски вели дека може да се разговара за тоа, но во рамките на законските рокови. Тој извести дека работна група, во која членуваат политичките партии за претстојните избори, е веќе формирана во Министерството за правда како што налагаат прописите и, единствено, ВМРО-ДПМНЕ нема делегирано свој претставник.
„Јас ги поттикнувам да делегираат свој претставник бидејќи не може една или две партии да одлучуваат за процес во кој учествуваат триесет и повеќе политички партии. Местото за такво нешто е во работна група. Таму, прво, ќе бидат усогласени финално препораките на ОБСЕ и ОДИХР во законот и исто така може да се разговара за точниот датум на изборите бидејќи изборите се распишуваат во согласност со законот, во согласност со Уставот и во согласност со мандатот на избраните функционери, тука, пред сè, мислам на претседателот на државата и на пратениците. Во рамките на законските рокови може да се разговара за финеси во однос на датумот. Сè друго, одржување средби, кои се надвор од тој формат, каде што сите треба да си го дадат својот збор, но и своето мислење, мислам дека е вонинституционално“, рече премиерот Ковачевски денес од Дојран по почетокот на санацијата и реконструкцијата на колекторскиот систем и изградба на нова пречистителна станица.
Ковачевски остро го критикува неучеството на ВМРО-ДПМНЕ во работната група во Министерството за правда и порача дека поминало времето кога премиер од аеродром кажува кога да бидат изборите. Уверува дека одлуките за претстојните избори ќе се носат институционално и законски.
„Ние такви работи сме гледале во минатото за време на 11 години владеење на ВМРО-ДПМНЕ кога тогашниот претседател на Владата на аеродром кажуваше кога ќе има избори, па потоа се водеа секогаш тешки преговори, кои државата не ја однесоа никаде напред, туку стоеше во место. На крајот, заврши со голема политичка криза, која ја надминавме во 2017 година и денес изградивме демократско општество, во кое сите процеси се водат во институциите, според закони и според она што е пропишано за одржување демократски процеси, каде што врвен процес се изборите“, рече премиерот Ковачевски.
Претседателот на Собранието, Талат Џафери, вчера, на политичките партии им посочи дека 8 мај не е соодветен датум за претседателските избори оти новиот претседател треба да биде инаугуриран најдоцна до 12 мај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска: Како никој не се сети да им каже во ЕУ дека самите во член 4 гарантираат немешање во внатрешните работи и почитување на уставните структури
Како може некому да ветите дека ќе го смените Уставот, кога Уставот може да го сменат само пратениците во Уставот. Како знаете, дека вие можете однапред да ветите нешто што не е ваша надлежност?, му порача кандидатката за претседателка од ВМРО-ДПМНЕ, Гордана Силјановска-Давкова на нејзиниот опонент Стево Пендаровски во телевизиско соочување вечерва.
„Деновиве Макрон даде изјава дека ЕУ не е само територија, туку е концепција на човештвото и правото. Е, од тоа тргнувам и јас кога размилувам за ЕУ. За нејзините темелни вредности и принципи без кои таа не е политине заедница туку е само машинерија. Значи таа не е догма. Што ќе направам јас? Најпрво ќе направам регионални чекори. Штом ќе завршат изборите јас сакам да разговарам со моите соседи и заради регионалната политика и заради очекуваната поддршка од нив. Сакам да објаснам дека и кога има една преговарачка рамка не е логична заканата со вето. И дека може, дури и кога преговарачката рамка е ваква, низ интерпретација поинаква да се примени. Од типот, ако вие речете дека нема да употребувате вето за идентитески прашања, за историските дилеми и слично, протоколите, туку за Копенхагенските критериуми, јас ќе бидам сосема согласна. Значи, мислам дека е време кога ќе се смени власта, да чуе што мислиме и ние. Оти тоа е дијалогот што е нужен за добрососедски односи. Ако некој не го кажувал и ова досега, веројатно и тогаш било се во нивни раце“, рече Силјановска-Давкова.
Понатаму, како што додаде, како никој не се сетил да им каже на оние од Советот и од Европската комисија и сите останати со тоа се рушат темелните вредности на ЕУ? Бидејќи ЕУ гарантира во членот 4 почитување на уставните и политичките структури, немешање во внатрешните работи, почитување на дигнитет и интегритет, различности, неставање на билатерални спорови во рамката. Ако тоа не го кажете, вие ќе останете на прагматичните решенија.
Доаде и дека ниту еден од темелите на кои почивала програмата на Пендаровски во 2019 година не останале. Сите се урнале и ништо не е остварено.
Македонија
СДСМ за Димитриевски: Ароганција е кога човек-партија одработува против своите довчерашни сопартијци
Ароганција е кога човек-партија одработува против своите довчерашни сопартијци и во тоа нема ништо социјалдемократски ниту вредносно туку единствено и само личен интерес, реагира СДСМ по обвинувањата кои ги упати Максим Димитриевски од ЗНАМ, дека дозволиле отварање на бугарски клубови во Македонија и нивната ароганција е ненадминлива.
„За тоа кој ги отвораше клубовите со имиња како Ванчо Михајлов адресата е Белиот дворец на ДПМНЕ. Многу позната адреса каде ЗНАМ ги договара идните чекори за соработка заедно со поддршката на Гордана Силјановска Давкова.
Освен сликите на Ванчо Михајлов по штабовите на ДПМНЕ доволно говорат сликите на Мицкоски со основачите на тие клубови по манастирите низ државава за кои не слушнавме ниту збор од ЗНАМ.
Дали е тоа поради враќање на стари долгови за локалните избори 2021 година во Куманово или нови долгови јавноста ќе види многу скоро“, се вели во реакцијата на СДСМ.
Македонија
Утревечер и во петок нестабилно време со пороен дожд и грмежи
Времето утре ќе биде променливо облачно.
Од пладневните часови на повеќе места ќе биде нестабилно со пороен дожд и грмежи, локално во форма на краткотрајно невреме со засилен ветер и услови за изолирана појава на град. Услови за пороен дожд ќе има во текот на ноќта. Минималната температура ќе биде во интервал од 6 до 12, а максималната ќе достигне од 18 до 25 степени.
Во Скопје променливо облачно. Од пладневните часови во делови од котлината ќе биде нестабилно со пороен дожд, грмежи, засилен ветер и услови за изолирана појава на краткотрајно невреме. Минималната температура ќе се спушти до 12, а максималната ќе достигне до 23 степени, јавува УХМР.
Во наредните денови, следува период на променливо облачно време со повремени локални врнежи од дожд. Утре, во ноќта кон петок и во петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град.
Дневната температура од утре до сабота ќе биде во постепено опаѓање, а во недела ќе се покачи за 2 до 4 степени..