Македонија
Ковачевски ќе тера дневна шема во скопските кафулиња на 31 декември: По една-две пијачки во центарот, секогаш денот го завршувам со семејството

Премиерот Димитар Ковачевски, в недела, пред пречекот на Нова година, ќе тера дневна шема во скопските кафулиња оти тоа му било традиција со другарите. Денес, по свеченото отворање на спортската сала „Наум Наумовски-Борче“, поранешна „Партизан“ во Карпош, одговарајќи на новинарски прашања, тој кажа какви му се плановите за пречекот на 2024 година.
„Како и секога година, ќе ја прославам и оваа Нова година. Јас сум човек што секогаш за 31 сум некаде во скопските кафулиња. Така било со години, со моите другари од детството, со семејството. По една-две пијачки во центарот на Скопје, секогаш денот го завршувам со семејството“, рече премиерот Ковачевски.
Тој и денес повтори дека на изборите во новата година ќе победи СДСМ и тие ќе ја формираат новата влада.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Непречен сообраќај по влажни коловози низ државата

Сообраќајот на државните патишта се одвивa непречено, по влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја дел од Гази Баба

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 12.00 часот, корисниците од улица Трубарево – крак 2, општина Гази Баба.
Македонија
Променливо облачно со повремени врнежи од дожд

Времето денеска променливо облачно со повремени врнежи од дожд, пообилни во источните делови (над 15 l/m2). Ќе дува слаб до умерен ветер од северен правец.
Минималната температура ќе биде во интервал од 4 до 10, а максималната ќе достигне од 12 до 17 степени.
Во Скопје, променливо облачно со повремени врнежи од дожд. Ќе дува слаб до умерен ветер од северен правец. Минималната температура ќе се спушти до 9, а максималната ќе достигне до 16 степени.
Во сабота времето ќе биде променливо облачно со сончеви периоди и со услови за локална појава на нестабилност со пороен дожд, грмежи и засилен ветер.
Во недела ќе има брз продор на студена воздушна маса од север и врнежи од дожд, на планините и на повисоките места од снег.
Ќе дува засилен северен ветер, температурите значително ќе опаднат и врнежи од снег се очекуваат и во некои од пониските места.
Во понеделник наместа ќе провејува слаб снег, а утринските температури на повеќе места ќе бидат негативни.