Македонија
Ковачки: Дрин Ахмети е најпосакуван бизнис-партнер, други плаќаат за да им биде ортак, Владата му дава концесии, зарем ЈО мисли дека без Али Ахмети тоа е можно?
Дрин Ахмети со вчерашното признание дека презеде 39 % од сопственоста на деловниот центар „Соравија“, без да даде ниту еден денар за тоа, само затоа што има претприемачки дух, фрла сомнеж и дополнително го инкриминира Али Ахмети дека тој лично стои зад целата оваа зделка, вели Драган Ковачки, член на ИК на ВМРО-ДПМНЕ и пратеник.
„’Тор нидустриес’ на Дрин Ахмети, внук на Али Ахмети, е фирма која е основана во 2020 година, таа не прикажува профит, напротив, работи и со загуба. Истата оваа фирма, сега заедно со албанската ‘Певлаку ШПК’, го презеде деловниот центар ‘Соравија’ и наместо со паричен влог, фирмата партнер од Албанија е таа што плаќа, а младиот Ахмети добива 39 % затоа што е млад и има убав поглед кон иднината. И како таков треба да го менаџира деловниот центар. Кога си внук на Али Ахмети, покрај тоа што други фирми плаќаа за да ти бидат партнери, и Владата ти дава милионски бизниси, министрите од ДУИ се редат за да гласаат за тебе“, рече Ковачки.
Додаде дека на 14.5.2019 година на седница на Владата, на која биле Бујар Османи и Крешник Бектеши, е донесена одлука да се даде концесија за изградба на мала хидроцентрала на ‘Еверест ЏД’ на Дрин Ахмети кога младиот претприемач имал само 21 година. Концесијата е на 23 години, а предвидената хидроцентрала треба да биде со моќност од 387 KW. За да се направи таква хидроцентрала, потребни се 1,2 милиона евра, вели Ковачки.
„Гледајќи како функционира Дрин Ахмети, сигурно некоја банка одлучила во целост да ја покрие инвестицијата на 21-годишникот.
ЈО и органите на прогонот треба да отворат истрага веднаш. Како 25-годишниот внук на Ахмети влегува во милионски бизниси, без вложен денар? Дали за тоа му помогнала функција на чичко му? Дали Ахмети тргувал со влијание за младиот Дрин Ахмети бесплатно да добие 39 % сопственост на 30-милионскиот деловен центар ‘Соравија’? Дали Али влијаел за Дрин да добие концесија за хидроцентрала и потоа и да ја изгради?
Внукот на Ахмети очигледно е најпосакуваниот бизнис-партнер во Македонија, за тој да влезе во бизнис, не плаќа, туку други плаќаат за него.
Секој граѓанин, но и ЈО и истражните органи, треба да си дадат пред себе одговор на следното прашање. Дали кој било друг бизнисмен од Македонија или каде било во светот ќе добие 39 % од некоја милионска луксузна недвижност, без да плати за тоа ниту еден цент, само затоа што има претприемачки дух?
Сите добро го знаеме одговорот на ова прашање. Одговорот е не! Токму затоа непостапувањето од страна на ЈО и на истражните органи ќе значи нивна вмешаност, но и ќе остане запаметено како најподаничкото однесување на ЈО и одлика на заробената држава од страна на ДУИ и на СДС.
Сите инволвирани треба да знаат дека за ова одговорност ќе има“, рече Ковачки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Делови од општина Карпош денеска без струја
ЕВН Македонија АД известува дека денеска без електрична енергија ќе останат делови од општина Карпош.
· во пеиодот од 09.00 до 15.00 часот дел од корисниците во село Горно Нерези во општина Карпош.
· во периодот од 09.00 до 14.00 часот корисниците од дел од улицата Ринхини и улицата Езерци – населба Влае во општина Карпош.
Македонија
Силјановска-Давкова: Грозоморен напад врз словачкиот премиер, се молиме за негово здравје
Македонската претседателка Гордана Силјановска Давкова реагираше на веста за атентатот врз словачкиот премиер Роберт Фицо.
„Бев длабоко шокирана кога ја слушнав веста за грозоморниот напад врз словачкиот премиер Роберт Фицо. Се молиме за негово здравје и брзо закрепнување! Нашите мисли се со неговото семејство и со народот на Словачка“, напиша Силјановска Давкова.
I was deeply shocked to hear the news of the heinous attack against the Slovak Prime Minister Robert Fico. We pray for his health and swift recovery! Our thoughts are with his family and the people of Slovakia.
— Гордана Силјановска Давкова (Gordana Siljanovska) (@gogamkd) May 15, 2024
Словачкиот премиер Роберт Фицо е затрелан по владин состанок, околу 150 километри североисточно од Братислава.
Обидот за атентат се случил кога Фицо отишол меѓу насобраните луѓе.
Според информациите, премиерот на Словачка бил застрелан со два до три куршуми во градите и стомакот. Со хеликоптер итно бил пренесен во болница во Братислава.
Напаѓачот е уапсен на самото место.
Словачките медиуми јавуваат дека состојбата му е многу тешка и ќе биде опериран.
Македонија
Министерство за правда изрази благодарност до турските власти за екстрадицијата на Палевски
Министерството за правда изрази благодарност до турските власти за преземањето на сите неопходни мерки за екстрадицијата на Љупчо Палевски-Палчо, кој вечерва од Турција е пренесен во земјава и спроведен во истражниот затвор Шутка.
– Министерството за правда и министерот Кренар Лога изразуваат голема благодарност до турските власти, особено до министерот за правда на Република Турција, Јилмаз Тунч за нивната брза реакција и преземањето на сите мерки за екстрадиција на Љупчо Палевски. Целата постапка се спроведе во релативно краток период за неполни пет месеци. Ова е добар знак за општеството и порака дека правдата ќе ве стигне, каде и да сте, стои во објавата на Министерството за правда.
Љупчо Палевски Палчо по пет месеци стигна во затворот во Шутка откако заврши постапката за екстрадиција од Турција.
Палевски со возила без полициски ознаки пристигна во истражниот затвор Скопје затоа што во отсуство му е одредена мерка притвор.