Македонија
Колева: ДПМНЕ лаже, да беа чесни нема да создаваа паника и хистерија кај граѓаните

СДСМ го решава проблемот и затоа денес излезе со конкретен закон и конкретно решение за личните документи за граѓаните. Граѓаните треба да бидат спокојни, затоа што ние имаме предлог закон со кој ќе го решиме проблемот и не треба да се грижат. СДСМ носи одговорност кон граѓаните, за разлика од ДПМНЕ кои се главни креатори на проблемите и лагите.
„ ДПМНЕ лажат сите овие години и мислат дека некој ќе им верува, посебно пак сега. Последно што направија, е, дадоа предлози за технички министри кој што не знаат што зборуваат. На емисија кажуваат дека ќе важат патните исправи, а потоа, да даваат соопштенија во недела, во кој кажуваат дека не важат. Знаат ли министрите на ДПМНЕ што е официјална изјава и што треба да кажат или намерно креираат паника меѓу граѓаните“, рече пратеничката на СДСМ, Даниела Колева
Граѓаните треба да бидат спокојни затоа што СДСМ со предлог закон ќе го реши проблемот со документите за лична идентификација.
Колева потенцираше дека ДПМНЕ се грижи за граѓаните, само од говорница и само кога се во опозиција. Кога се на власт, или местат избори, или крадат и лажат и прават се најлошо што може да се направи.
-Пустош направија 11 години во државата. И ниту еден проблем не решија. На телевизија на вестите се им беше позитивно, се сликаа со лопата на најмали проекти, ама во позадина, во бомбите се изнаслушавме што се не направиле. ДПМНЕ освен што освен што блокираа клучни закони, манипулираат и лажат. Постојано шират паника, дека ќе имало бугаризација, дека ќе имало рестрикции за струја, ќе немало храна. Се тоа се лаги и манипулацијата на ДПМНЕ. Ако се искрени и чесни , нема да создаваа паника и хистерија. Но, тие создаваа паника во ковид- пандемија, а не пак сега, кога голем дел од работите се регулирани“, рече Колева.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ЗНМ: Апелите од Министерството за здравство се на граница на цензура

Здружението на новинари на Македонија (ЗНМ) со загриженост ја следи јавната комуникација на Министерството за здравство, во која се упатуваат апели до медиумите кои се ограничувачки по својата содржина и претставуваат обид за воспоставување на лоша институционална пракса во односите со медиумите.
„Како ЗНМ, го осудуваме обидот на Министерството да наметнува практични правила за тоа како медиумите треба да известуваат, особено кога тоа се однесува на чувствителни настани од јавен интерес. Таквите инструкции, иако формално претставени како апели, во суштина се форма на институционален притисок и можна цензура, што е спротивно на основните демократски принципи и правото на слобода на изразување“, велат од ЗНМ.
Потсетуваат дека членот 16 од Уставот гарантира слобода на јавното информирање и забрана на цензурата, а прашањата поврзани со новинарската етика и професионализмот припаѓаат исклучиво на саморегулаторната сфера. За тие прашања постојат Советот за етика во медиумите и Судот на честа при ЗНМ, кои се единствено надлежни да оценуваат евентуални повреди на етичките норми.
„Ги повикуваме новинарите и медиумските работници да продолжат да известуваат со професионализам, етика и чувствителност, особено кога се работи за трагични настани и ранливи групи. Но истовремено, укажуваме дека секој обид за институционално ограничување на пристапот до информации и начинот на известување е неприфатлив и штетен по јавниот интерес“, велат од Здружнието.
ЗНМ останува отворено за дијалог со институциите со цел унапредување на транспарентноста и заемната соработка, но цврсто стои во одбрана на уредувачката независност, медиумската слобода и правото на јавноста да биде информирана – како темелни вредности на секое демократско општество.
Македонија
Евакуација во Психијатриската болница Бардовци, пожарот го зафати дворот

Попладнево избувна пожар во населбата Геге кој се прошири кон населбата Бардовци и зафати дел од површината на дворот на Психијатриската болница Бардовци, обраснат со висока сува трева и дрвја.
Од Центарот за управување со кризи (ЦУК) информираа дека пожарот претставувал опасност да се прошири во целиот комплекс на болницата. Пациентите и персоналот веднаш биле евакуирани, безбедно изнесени надвор од кругот на болницата.
ЦУК под водство на директорот Мухамед Али, побарал дополнителни сили од Бригадата за противпожарна заштита (БППЗ) и координирал со Хеликоптерската единица на Министерството за внатрешни работи (МВР). Првично се разгледувала можноста за пренасочување на воздушната поддршка, која дејствувала во општина Чучер Сандево – Блаце, за да помогне во гаснењето на пожарот во Бардовци.
Во моментот, пожарот е ставен под контрола и нема потреба од дополнителна воздушна поддршка. Хеликоптерот на МВР останува ангажиран кај Блаце, општина Чучер Сандево.
На лице место, заедно со директорот на ЦУК, Мухамед Али, беше и директорот на болницата, Иса Абдулаи, кои ја координираа целата акција.
Македонија
Хеликоптер го гасне пожарот кај Блаце

Хеликоптер на Министерството за внатрешни работи е веќе вклучен во акцијата за гаснење на пожарот кој избувна над магистралниот пат Скопје – Граничен премин Блаце.
Пожарот избил на потегот пред тунелот, од десната страна на коловозот. Зафатил тежок и непристапен терен, па по дојава на бројот за итни случаи 112, Центарот за управување со кризи (ЦУК) веднаш побарал воздухопловна поддршка. Хеликоптерската единица бргу се активирала, а акцијата на терен се координира заедно со припадници на противпожарните служби и други надлежни институции.