Македонија
Комплексот кај поранешна „Треска“ предвидува згради само до пет ката
Во врска со информациите што досега излегуваа во јавноста дека на локацијата кај старата фабрика „Треска“ ќе се градат облакодери и ќе дојде до задушување на просторот, сопствениците на приватните имоти на овој опфат коментираат дека се работи за шпекулација и дека нивниот план е во согласност со конкретниот урбанистички план за просторот кај „Треска“, кој е донесен во 2012 година.
Комплексот што го планираат, како што предвидува и самиот важечки ДУП, предвидува изградба на згради со височина од најмногу приземје со 5 ката и потпокрив, а во дел и приземје со 4 ката и потпокрив, во класична блоковска распореденост, со многу зеленило помеѓу зградите, но и со голем парк во рамките на блоковите. Всушност, се работи за максимална висина што нема да надмине вкупно 16 метри, што е сосема спротивно на досегашните шпекулации во јавноста.
Тие потсетуваат и на конкурсот за идејни решенија за оваа локација и на концептите што беа пристигнати, а се всушност надвор од урбанистичките регулативи и параметрите што ги дозволува важечкиот ДУП. Во јавноста веќе беа презентирани овие идејни решенија и објавени во јавноста на веб-страницата на Општина Центар, а и сè уште се достапни на линкот: https://marh.mk/izvestaj/
Таму се наведува дека прворангираниот концепт од идејните решенија е оформен од пет полуотворени станбени блока со комбинирана катност од приземје + 4 ката, но и до приземје + 8 ката, што е 3 ката над дозволената висина во согласност со актуелниот ДУП. Второрангираното предвидува станбени блокови со приземје + 6 ката и станбени кули со 17 ката, а треторангираното конкурсно решение предвидува вертикален елемент кула од 71 метар со намена хотел. Урбанистички можеби висината не е единствениот параметар што се гледа, но сепак понудените конкурсни решенија излегуваат од важечката регулатива наспроти планот на сопствениците на градежните парцели, кои ветуваат ниска градба, со многу зеленило и јавни површини.
Она што е реална слика, во согласност со најавите од сопствениците на парцелите на поранешната фабрика „Треска“, е дека е предвидена изградба на комплекс од вкупно 6 блока, при што најмалиот е со вкупна површина од речиси 3.900 м2, а најголемиот 8.920 м2 и кај сите 6 блока се предвидува голема површина на зеленило како партерно уредување.
Всушност, она што е важно да се потенцира е дека актуелниот ДУП од 2012 година на оваа површина предвидува само 5 % зеленило, меѓутоа инвеститорите предвидуваат и повеќе од законскиот минимум од 20 % или вкупно 8.200 м2 зелена површина како партерно уредување во рамките на блоковите, а дополнително предвидена е и изградба на јавен парк со вкупна површина од 9.474 м2. Во согласност ова, вкупното зеленило предвидено за овој простор достигнува речиси 18.000 м2, што е значително над минимумот што го наложува новиот Закон за урбаното зеленило.
Каков ќе биде исходот и што точно ќе биде изградено на оваа локација, се надеваме дека јавноста ќе дознае бргу. Но, она што е важно е дека оваа локација, која сега е мини депонија среде Центар, мора да се реши и урбанизира. Впрочем, урбанизација и конечно решение за „Треска“ бараат и жителите од околните згради затоа што она што е останато од некогашната фабрика за мебел е потенцијален извор на инфекции.
Група сопственици на приватни парцели кај „Треска“
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Минчев: Подобрениот ПВР процес е основа за поквалитетни закони
Министерот за јавна администрација, Горан Минчев, денес се обрати на дводневната работилница „Зајакнување на капацитетите за подобро управување на Проценката на влијанието на регулативата (ПВР) во Република Северна Македонија“, организирана од страна на Министерството за јавна администрација со поддршка на СИГМА
На работилницата учествуваат државни службеници од сите ресорни министерства и релевантни институции, вклучително и координатори и заменици за ПВР, со цел да ги унапредат практичните и аналитичките вештини за управување со ПВР, како и да обезбедат повисок квалитет во подготовката на прописите.
Министерот Минчев во своето обраќање ја истакна важноста од континуираното јакнење на капацитетите на администрацијата и партнерството со меѓународните организации.
„Проценката на влијанието на регулативата претставува интегрален дел од подготовката на законите. Таа обезбедува почитување на начелата на добро владеење и ја поддржува определбата на Владата за квалитетни, образложени и на докази засновани политики. Во наредниот период ќе продолжиме интензивно да работиме на целосно почитување на постапката за ПВР, на јакнење на капацитетите на службениците, како и на подобрување на соработката меѓу министерствата, Владата и Собранието.“
Тој ја нагласи и значајната улога на СИГМА и Британската амбасада во унапредувањето на процесот.
„Нашата заедничка работа со СИГМА и Британската амбасада ни овозможува да ги примениме најдобрите европски практики и да изградиме стабилен систем за донесување политики засновани на докази.“
Најавувајќи конкретни мерки, министерот информираше дека од почетокот на следната година мислењата на Министерството за јавна администрација по Извештаите за ПВР ќе бидат јавно достапни на ЕНЕР, со што ќе се зголеми транспарентноста и довербата во законодавниот процес.
Работилницата, преку интерактивни сесии и практични вежби, има за цел да обезбеди сеопфатен преглед на актуелната методологија за ПВР, да идентификува клучни предизвици, како и да отвори дијалог за можни подобрувања, вклучително и проширување на опфатот на ПВР и унапредување на механизмите за контрола на квалитетот.
Министерството за јавна администрација останува посветено на унапредување на ПВР како едно од темелните средства за подобрување на квалитетот на законите, јакнење на институционалната одговорност и унапредување на доброто владеење.
Македонија
(Видео) Филипче: Нападот врз Инфомакас е почетокот, ВМРО-ДПМНЕ се обидува да ја скрие вистината за мигрантите
-Синоќа се случи инцидент. Повиците за насилство, претставници и симпатизери на власта резултираа со најголемиот медиумски инцидент после упадот во А1 телевизија во 2010 година, со физички напад во живо врз новинарите на Инфомакс, додека траеше програмата. Според информациите што ги добивме, напаѓачот е член на владејачката партија ВМРО-ДПМНЕ. Злоупотребата на власта и на моќта синоќа ја видовме на дело, рече претседателот на СДСМ, Венко Филипче, на денешната прес-конференција.
Тој посочи дека со ова јасно се гледа дека слободата на граѓаните и слободата на медиумите е загрозена и дека српското сценарио на ВМРО-ДПМНЕ започна синоќа со нападот на новинарите од Инфомакс.
Причините за ваквите напади, потенцираше Филипче, се поврзани и со прашањата за мигрантите:
„Повеќе денови наназад предупредуваме дека премиерот Мицкоски договорил преземање мигранти во Македонија. И како што гледате, нема одговор! Одговорот е јасен: Мигранти во јуни во Македонија“ посочи Филипче.
Токму поради ова, како што рече, власта се обидува да се дефокусира јавноста од проблемот со мигрантите.
„Синоќешниот напад врз новинар и медиум е само почеток на заплашувањето. ВМРО-ДПМНЕ не може да дозволи пред избори народот да дознае дека ја издале Македонија,“ рече претседателот на СДСМ.
Македонија
Во прекин сообраќајот на граничниот премин Богородица, на Меџитлија прекинот е само за моторни возила
Сообраќајот на ГП Евзони (ГП Богородица) е во прекин и според најава се очекува да остане затворен за секаков вид на сообраќај до 19:00 часот.
Сообраќајот на ГП Меџитлија (НИКИ) е во прекин само за товарни возила.
Додека сообраќајот на ГП Дојран се одвива нормално.
Сообраќајот на државните патишта се одвива непречено, по суви коловози.
Од 15.11.2025 година започна законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15.03.2026 година. Повеќе информации може да прочитате на овој линк.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
(Фото) Претрес во Тетовско, пронајдени дрога, оружје и муниција
Денеска околу 08:00 часот, полициски службеници од СВР Тетово го лишија од слобода 30-годишниот Ф.Р. од село Орашје, општина Јегуновце....
Обвинение за таткото и двете ќерки: спречиле службени лица да одземат добиток во Крива Паланка
Основното јавно обвинителство Крива Паланка поднесе обвинителен предлог против три лица за кривично дело – Спречување на службено лице во...
(Видео) „Филипче работел на изградба на прифатен центар за мигранти во Македонија“: Лефков објави документи
„Филипче не е лидер, туку потрчко на Заев, едно дугме-политичар кој има единствена улога да го покрива и штити неговиот...
Уапсено лицето што насилно упадна во студиото на „Инфомакс“
Полициски службеници од ПС Кисела Вода го лишија од слобода 43-годишниот Г. С. од Скопје веднаш по добиената пријава на...
Насилен упад во студиото на „Инфомакс“, ЗНМ бара најстрога санкција за напаѓачот
Здружението на новинарите на Македонија (ЗНМ) најостро го осудува бруталниот напад што вчера се случи во редакцијата на „Инфомакс“ за...
Приведен навивач од Словачка, на 10 други не им беше дозволен влез во државата поради агресивно однесување во авион за време на лет
Вчера околу 20:30 часот во СВР Скопје, од службите на Меѓународен аеродром Скопје и од Регионалниот центар за гранични работи...
(Видео) „Невозможно е да се запрат, тие се насекаде“: Покровск е нападнат од огромен број руски војници
Во една од најжестоките битки од почетокот на војната, украинските сили го бранат Покровск од огромни руски сили од околу...
Црногорскиот премиер рече дека ќе влезе во ЕУ пред Србија; Вучиќ: Прво скокни, па кажи оп
Српскиот претседател Александар Вучиќ вчера во Брисел ја коментираше реакцијата на црногорскиот премиер Милојко Спајиќ на неговата идеја земјите од...
(Видео) Зеленски: Во руската историја никој никогаш не бил толку зависен од Кина
Украинскиот претседател Володимир Зеленски изјави, по извештајот на шефот на киевската служба за надворешно разузнавање, дека Русија и Кина преземаат...
Трамп: Поканети сме на состанок во Европа, на кој би учествувал и Зеленски
САД се поканети на состанок во Европа овој викенд, каде што се очекува и украинскиот претседател Володимир Зеленски, изјави вчера...
(Видео) Американците упаднаа на танкер кај Венецуела, објавена снимка: „Транспортира нафта“
САД запленија танкер за нафта крај брегот на Венецуела, изјави американскиот претседател Доналд Трамп, со што се ескалираа тензиите со...
Градот Скопје обезбедува сопствен стан, шелтер центар за заштита на жртвите од родово базирано насилство
На денешната седница на Советот на град Скопје беше донесена одлука со која се отвора можност еден стан во сопственост...
Зеленски: Го финализираме мировниот документ што наскоро ќе им го претставиме на Американците
Претседателот на Украона, Володимир Зеленски вели дека земјата го финализира мировниот документ од 20 точки и ќе го претстави на...
Пазарот на недвижности расте – Аеродром со најмногу склучени купопродажби во првата половина од годината
Пазарот на недвижности во земјава во првите шест месеци од оваа година бележи зголемена динамика, а гледано на територијата низ...
Скопјанец го онесвестил брата си со дрвена ногарка по глава и си легнал да спие, ОЈО го гони за обид за убиство
Скопското Обвинителство, по спроведена истражна постапка, поднесе обвинение против едно лице, за обид за убиство врз неговиот брат. Обвинетиот 37-годишник,...
Уапсени 12 лица од Скопје, купувале оружје и муниција од Косово, го криеле во Сингелиќ и Брест
По неколкумесечна предистражна постапка, денес во раните утрински часови, под раководство на јавен обвинител од Основното јавно обвинителство за гонење...
ДЗС не е детективска служба да открива нелегални објекти, ги има околу 100.000, рече Шабан Салиу и тврди дека немал ништо со „Пулс“
Актуелниот министер без ресор, Шабан Салиу, обвинет за трагедијата во кочански „Пулс“ како директор на Дирекцијата за заштита и спасување...
Тројца бугарски државјани осомничени за неовластена трговија со македонски народни носии
Основното јавно обвинителство Битола отвори против тројца бугарски државјани, жители на Пловдив, поради основано сомнение дека вршеле кривично дело неовластена...
(Видео) Мицкоски: Ќе се повлечам од политиката ако Филипче најде и еден мигрант, во спротивно да се извини јавно
„Граѓаните треба да знаат каква е состојбата, СДСМ нема тема, притисокот е голем за Венко Филипче однатре и однадвор да...
Kривична пријава против Оливер Спасовски: како министер за внатрешни работи ги злоупотребил положбата и овластувањата
Вчера, Одделот за сузбивање организиран и сериозен криминал до ОЈО Скопје поднесе кривична пријава против О. С. (49) од Куманово...
