Македонија
Експолицаец во затвор за силување малолетници, 15 години и за мајката што си ја продавала ќерката
Мајката Налиље А. која си ја продаваше малолетната ќерка, и експолицаецот Александар Костовски, кој ги силувал девојчето и брат ѝ, признаа вина. Судијката Софче Гаврилова-Ефремова ги огласи за виновни и им изрече казни. Мајката доби затворска казна од 15 години, а експолицаецот 18 години. И двајцата остануваат во притвор сѐ до правосилноста на пресудата. Двајцата беа гонети за трговија со дете, а експолицаецот дополнително е осуден и за кривичното дело силување.
„Александар Костовски е виновен за крквичните дела за кои се товареше – трговија со дете и силување. Осудата на судот е следна – го прифативме признанието на вина, кажавме дека тоа се цени и прифаќа. По извршеното испитување, прифативме дека тоа е дадено доброволно и при потполна свесност. Предудата се должи врз основа на признание на вина. За трговија со дете, каде што минимум е 12 години, судот утврдува 15 години затвор. За силување, каде што е придведена од една до 10 години, се досудува единствена казна четири години. Се изрекува единствена казна од 18 години, каде што се засметува и времето поминато во притвор. Пред јавеното имотно-правно барање, ќе биде усвоено во целост“, изјави судијката Софче Гаврилова-Ефремова.
Судијката додаде: „Во однос на висината сметам дека се согласуваме сите дека поради сериозноста на кривичното дело, повредата, максималната казна е 20 години, овде имаме 18 поради признанието на вина“.
Малолетното девојче било малтретирано и од двајцата родители. Мајката Налиље избегала од дома и ја повела ќерката. Таа пред судот призна дека ја запознала ќерка си со поранешниот полицаец, па употребувајќи физичка сила, ја носела во неговата куќа и за паричен надомест од 2.000 денари, а понекогаш и за 500 денари, му овозможила да врши полови дејства со малолетничката. Поранешниот полицаец користел сексуални услуги од дете што не наполнило 14 години.
Александар Костовски во моментот кога ги силувал девојчето и момчето не бил дел од МВР. Тој пред судот призна дека три години во својата куќа, која сега е продадена, користел сексуални услуги од девојчето. Тој во текот на декември 2018 година, со употреба на сила и закана дека непосредно ќе нападне врз неговиот живот, извршил и друго полово дејство врз малолетниот брат на девојчето.
Пресудата ќе биде обжалена од обвинителката Наташа Поп-Трајкова, која го поднесе обвинителиот акт и него го признаа обвинетите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска се заблагодари за честитката од ЕУ: Со нетпрение очекувам да ја продолжиме соработката
Силјановска Давкова се заблагодари за честитката од ЕУ и порачува дека со нетпрение очекува да ја продолжам соработка со Европската Унија за конечно заокружување на европската интеграција на целиот регион.
„Денеска, како избрана претседателка, добив официјално соопштение од Европската Унија со кое ми се честита победата на изборите. Темелот на мојата на кампања беше градењето на консензус помеѓу сите политички партии во Собранието, како од власта, така и од опозицијата, граѓанското општество и македонските граѓани, независно од нивните разлики. Нашиот клучен стратешки проект е европската интеграција и истата останува да биде темел за градењето на консензус помеѓу различните чинители во општеството. Потенцирам дека под мое водство нашата надворешна политика ќе продолжи да биде целосно усогласена со заедничката надворешна и безбедносна политика на Европската Унија. Со нетпрение очекувам да ја продолжам соработка со Европската Унија за конечно заокружување на европската интеграција на целиот регион“, се наведува во соопштенеито испратено од тимот на Гордана Силјановска Давкова.
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархеи.
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
Македонија
(Видео) Стоилковски го поздрави лидерот на ДУИ јадејќи бисквита: „Поздрав, Али“
Портпаролот на ВМРО-ДПМНЕ, Наум Стоилковски, на социјалните мрежи објави видео во кое, јадејќи бисквита го поздрави лидерот на ДУИ, Али Ахмети.
Стоилковски вели дека оди на состанок со коалициските партнери на ВМРО-ДПМНЕ, а потоа зема бисквита и почнува да ја јаде.
„Поздрав, Али“ , вели Стоилковски.
Стоилковски алудира на изјавата на Ахмети која тој ја даде од митингот на „Европскиот фронт“ во Скопје пред одржувањето на првиот круг од претседателските избори кога рече оти лидерот на ВМРО-ДПМНЕ е израснат со бисквити и гурабии.
Македонија
ЕУ: Очекуваме соработка со претседателката на Македонија, парламентот и владата за да работиме на европскиот пат
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархељи
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
„Двете институции треба да работат заедно на подобрување на европскиот пат на Северна Македонија, кој вклучува имплементација на клучните реформи, особено во областа на владеењето на правото и борбата против корупцијата, во интерес на сите нејзини граѓани“, се вели во заедничката изјава на Борел и Вархеи.