Македонија
Конституиран деветтиот состав на Собранието

Со верификувањето на мандатите на сите 120 кандидати избрани на предвремените парламентарни изборите што се одржаа на 11-ти декември, во петокот беше конституиран деветтиот од осамостојувањето на земјата состав на македонскиот парламент.
Со собрание на седницата претседава претседателот на Собранието во заминување Трајко Вељаноски. Како негови заменици беа назначени пратениците Стојан Миланов и Јусуф Хасани.
Оливер Спасовски, од коалицијата предводена од СДСМ, во процедурална забелешка рече дека досегашниот собраниски спикер Трајко Вељаноски не треба да претседава со седницата, поради тоа што и според парламентарната практика и според Деловникот, со неа треба да раководи највозрасниот пратеник.
Вељаноски одговори дека има разлика во практиката и во спроведувањето на Деловникот за што смета дека преовладува во работата .
Потоа седмицата беше прекината, за да се формира Комисија за избор и именување која ќе треба да достави предлог за избор на претседател на Собранието. За претседател на Верификациската комисија беше избран Влатко Ѓорчев, а членови се Петре Шилегов, Реџаиљ Исмаили, Фадил Зејнели и Сурија Рушити.
Пред Собранието да гласа за верификацијата, претседателот на Верификационата комисија, Влатко Ѓорчев ги прочита имињата на сите пратеници и констатираше дека нема основ за оспорување на верификацијата на мандатите.
Процедурално реагираше пратеник на Движењето БЕСА, Фадил Зендели, кој праша зошто документот што го подготви комисијата не е изработен и на албански јазик и побара да не се верификува мандатот на Јохан Тарчуловски, затоа што според него бил Хашки осуденик.
На тоа Вељаноски одговори дека сите документи се преведуваат и се доставуваат до пратениците, а за да не се верификува нечиј мандатот треба да има законски пречки, што во случајот на Тарчуловски не постојат,
„Да констатирам дека изборната кампања заврши, па заврши и периодот за давање политички квалификации. Пратениците треба да работат конструктивно и да ги наоѓаат работите што ги поврзуваат. Ако направиме список кој на кого не му се допаѓа во Собранието ќе биде тоа долга листа. Тука сме врз база на волјата на граѓаните“, рече Илија Димовски од ВМРО-ДПМНЕ.
По верификацијата Вељаноски констатираше дека престанува мандатот во Владата на оние пратеници кои досега беа нејзини членови. Со верификацијата на пратеничкиот мандат престануваат и сите други функциите на кои досега биле пратениците, а кои не се споиви со пратеничката.
На конститутивната седница не присуствуваат само двајцата новоизбрани пратеници од ДПА./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Меџити: Буџетот на Чаир, Бујар би го потрошил за една недела, државниот ревизор му ги извади валканите алишта на виделина

Кандидатот за градоначалник на Чаир од коалицијата „Вреди“, Изет Меџити, денеска реагираше на начинот на кој поранешниот министер Бујар Османи ги менаџирал јавните пари, предупредувајќи дека злоупотребите и вештачки надуените цени во тендерите се директна опасност за секоја институција и за буџетот на граѓаните.
„Ако само замислиме дека со вакви цени, со вакви рекетирања, Бујар ќе ја косеше тревата во Чаир исто како во салата ‘Борис Трајковски’, тогаш е јасно дека буџетот на општината ќе се проголта за една недела. Со таков начин на лошо менаџирање, наставниците ќе останеа без плати, а граѓаните без основни услуги“, изјави Меџити.
Тој се повика на последниот извештај на Државниот завод за ревизија, кој како што оцени, констатирал сериозни злоупотреби при организацијата на дводневен самит, за кој биле потрошени околу два милиони евра државни пари.
„Овде не станува збор за мои зборови или политички обвинувања. Овде зборуваат фактите, документите и официјалните извештаи. А кога еден министер троши два милиони евра за дводневен самит, додека граѓаните се мачат со инфраструктура, образование и основни услови, тоа е непростливо“, нагласи Меџити.
Тој потсети и на времето кога Османи беше министер за здравство, споменувајќи дека во Гинеколошката болница во Чаир тогаш добил прекар „пациентот“ – што според него е симболичен показател за неуспешното раководење со институциите.
Меџити кој денес оствари посета на ОУ “Васил Главинов” порача дека Чаир заслужува транспарентно управување, реални инвестиции и грижа за граѓаните, а не злоупотреби и тендери со рекетирање.
„Граѓаните имаат право да знаат каде завршуваат нивните пари. Моја обврска како иден градоначалник е да ја вратам довербата и да го заштитам буџетот на Чаир од вакви злоупотреби“, заклучи тој.
Македонија
На Табановце се чека околу 30 минути

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, на ГП Табановце времето на чекање за излез од државата е околу 30 минути, додека на останатите граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Утре ќе се прска против комарци во Скопје

Од Градот Скопје известуваат дека утре (петок), во раните утрински часови ќе се изврши авионска дезинсекција на подрачјето на градот Скопје против ларви од комарци.
Доколку временските услови не го дозволуваат вршењето на дезинсекцијата, ќе се прска првиот нареден ден, кога ќе бидат поволни временските услови, во истиот термин.
Се известуваат пчеларите навреме да ги преземат потребните мерки за заштита на пчелите.