Со дваесетина возила и скромна бројка на луѓе, Конфедерацијата на синдикални организации на Македонија го почна првомајскиот марш од пред МТВ до Влада.

Претседателот на Конфедерацијата, Марјан Ристески, рече дека на дешниот протест е излезено членството од Скопје, Тетово и Куманово. Целта им е пред Владата каде очекуваат средба со премиерот Зоран Заев и Социјално економскиот совет.

Тој додаде дека на овој протест не се обединиле со Сојузот на синдикати бидејќи со нив не било можно да се постигне договор.

„Ние како синдикална организација во онаа висока зграда немаме ниту една просторија. Се чека по три години за еден работник да се испише од еден синдикат. Тие се главни кочничари на синдикализмот. Синдикалните лидери треба да ги надминат суетите“, рече Ристески и најави дека ќе се спојат пред Владата и ќе се залагаат за работничките права.

Претседателот на независниот синдикат на полицијата, Гоце Делчев Тодев рече дека не треба метлата на Заев, туку за оваа држава треба чекан за целосен ремонт. Тој побара 20 проценти поголема плата за полицајците, и тоа, не само за редовната полиција туку и за шумската, и сдудската полиција.

Само во март, вели Тодев, 9 полицајци ја напуштиле Македонија.

„За мали кредити на работниците им се таложат долгови, не можат да ги варат па ги им земаат дури и становите. Овој крвнички систем од база треба да се трансформира. Ако не го направиме тоа ќе ги изгубиме луѓето, ќе го изубиме општеството кое го градевме сите, ќе ја изгубиме државата“, рече Ана Глигорова од здружението „Човекот над профитот“.

Меѓу барањата на синдикалците се достоинствено вреднување на трудот на работниците, исплата на годишен регрес во државниот сектор, измена на Законот за работен однос, либерализација на синдикалното делување, почитување на репрезентативноста на Независните синдикати.