Министерката за култура Бисера Костадиновска-Стојчевска на денешната промоција на Програмата за користење на капитални дотации за инвестициони проекти во единиците на локалната самоуправа во областа на културата за 2024, заедно со градоначалниците на општините, нагласи дека културата сè повеќе се осознава и како индустрија која на локалната заедница може да и донесе големи економски бенефити.

„Осознавањето и ползувањето на таа димензија на културата е неисцрпна можност и за нас. Во овој свет на глобализација, кој неминовно ја опфаќа и културата, локалниот културен идентитет мора досетливо да се избори за својата видливост. Заедно да му помогнеме во тоа“, нагласи министерката за култура, која на градоначалниците кои беа присутни на потпишувањето на договорите им посака успешна и ефикасна реализација на проектите од културата.

Таа укажа дека Владата и Министерството за култура праќаат јасна порака оти знаат и ги препознаваат потребите на локалната култура и затоа даваат конкретна финансика помош со која заеднички придонесуваме кон квалитетот на локалниот развој и имплементацијата на културните политики подеднакво во целата држава.

„Годинава, за оваа намена, буџетот го зголемивме за 10 милиони денари и нашата намера е секоја година да биде поддршката за општините да се зголемува“, нагласи министерката Костадиновска-Стојчевска.

Комисија одлучи оваа година да бидат поддржани проектот за изградба и адаптација на објект „Парк“ во мултифункцонален креативен центар во општина Битола; реконструкцијата со адаптација на Домот на култура во Општина Дојран. Во Општина Демир Капија ќе се реконструира Градскиот Музеј (фаза архитектура и машинство), а во општините Маврово и Ростуше и во Делчево продолжуваат започнатите проекти за реконструкцијата на мултифункционалниот центар „Дичо Зографски“ – с.Тресонче како реконструкцијата на спомен дом АСНОМ (надворешна столарија и фасада). Во општина Чашка се извоени средства за изградбата на Домот на културата.

Во Општина Кривогаштани обезбедени се средства за изградба на ограден sид и партерно уредување на Библиотеката и музеј, Општина Богданци ќе изработува Основен проект и техничка документација за летна сцена – урбана опрема, во Општина Велес ќе бидат поставени фотонапонски панели на покривот на Библиотеката „Гоце Делчев“, во Општина Крушево се обезбедни средства за опрема за осветлување на сцена, додека во општина Чучер Сандево се одобрени средства за ЈУО – Партизански дом Сандево.