Македонија
Костовски го предложи Митревски за нов претседател на Собранието, Мицевски порача дека нема да ја има поддршката од ВМРО-ДПМНЕ

Пратеникот Мартин Костовски од редовите на СДСМ го предложи Јован Митревски, актуелниот координатор на пратеничката група на владејачката партија, за нов претседател на Собранието, по констатираната оставката на Талат Џафери без образложение.
„Самиот факт што зад него застанаа пратеници од најголемиот број парламенатрни партии во Собранието доволно зборува не само за потенцијалот што го има Митревски туку и за довербата што пратениците ја имаат во него и во неговото искуство оваа функција да ја преземе без никаков проблем“, нагласи Костовски во образложението.
Координаторот на пратеничката група на ВМРО-ДПМНЕ, Никола Мицевски, од собраниската говорница порача дека денеска е голем ден затоа што досегашната власт почнува полека, но сигурно, дел по дел, функционер по функционер, да се руши како кула од карти.
Денешната седница, според него, е продолжение на неславниот крај на оваа власт, која во изминатите седум години, како што рече, ја уништи државата.
„Кандидатот за претседател нема да ја добие нашата поддршка“, прецизира Мицевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Партиите од ВЛЕН отсега ќе делуваат како еден политички субјект

Коалицијата ВЛЕН известува дека „денес е направен првиот чекор кон целосно политичко обединување, со заедничка визија и обединета структура, како единствена сила што ја претставува надежта, достоинството и иднината на Албанците во оваа земја“.
„На денешниот состанок беше формирано Заедничкото Претседателство на ВЛЕН, како прв орган што ќе ги координира сите политички и организациски активности на коалициско ниво.
Од денес стапува во сила мораториум на јавните активности на политичките партии учеснички во ВЛЕН, при што сите активности и настапи ќе се реализираат исклучиво под името, логото и единственото претставување на ВЛЕН.
Во наредниот период ќе се формираат и другите заеднички органи, вклучително и Раководството на ВЛЕН и Шефот на Изборниот штаб, кој ќе ја води подготовката за претстојните избори.
Пратеничката група на ВЛЕН ќе продолжи да функционира со актуелните пратеници кои го поддржуваат процесот на обединување и се посветени на јакнење на заедничкиот глас на Албанците“, велат од ВЛЕН.
Македонија
(Видео) Запален домот на Александар Пандов: Нема да не запрат и нема да не поколебаат

Директорот на Управата за извршување на санкции, Александар Пандов на социјалните мрежи објави дека му бил запален домот.
„Ова е данокот за нашата борба за владеење на правото без калкулации? Ова е цената за удирањето по мафијата! Домот ми беше запален, и имам основано сомневање дека станува збор за смислен атак на криминалците!
Нема да не запрат и нема да не поколебаат. Никој не е над законот! Нема враќање назад кога се бориш за правдата. И кога ќе тргнеш против криминалот, тој се брани со насилство. Но ова нема да ме запре — напротив, само не зајакнува!“, напиша Пандов.
Тој додаде дека очекува институциите да го најдат и казнат сторителот.
Македонија
Милошоски: Не помина интерпелацијата на Левица и СДСМ за Тошковски, целта им беше лична дискредирација и злоупотреба на трагедијата

„Не помина интерпелацијата на Левица и СДСМ против МВР, Панче Тошковски. Целта им беше провидна“, напиша на социјалните мрежи Антонио Милошоски.
„Прво лична дискредитација на Тошковски, а потоа злоупотреба на семејните емоции од големата трагедија во Кочани. Манипулативни намери, наместо реални предлози и поддршка“, додаде тој.